مەملەكەتتىك ساياسي كەڭەستىڭ شينجياڭدا تۇراتىن مۇشەلەرى ماجىلىسكە 94 ۇسىنىس جوبا تاپسىردى
2023.03.06 16:33 كەلۋ قاينارى : حالىق تورابى
تيانشان تورابى – شينجياڭ گازەتىنىڭ ءتىلشىسى جاڭ يۇنمەيدىڭ بەيجيڭنەن جەلىدە حابارلاسۋ ارقىلى بەرگەن حابارى. مەملەكەتتىك ساياسي كەڭەس 14 – كەزەكتى كوميتەتى 1 – ءماجىلىسىنىڭ ۇسىنىس جوبالاردى تاپسىرۋ ۋاقىتى اياقتاعانعا دەيىن، مەملەكەتتىك ساياسي كەڭەستىڭ شينجياڭدا تۇراتىن مۇشەلەرى ماجىلىسكە 94 ۇسىنىس جوبا تاپسىرعان، مۇندا 10 ۇسىنىس جوبا مۇشەلەر بىرلەسىپ بەرگەن ۇسىنىس جوبا سانالادى.
مەملەكەتتىك كەڭەستىڭ شينجياڭدا تۇراتىن مۇشەلەرى شينجياڭ قىزمەتىندەگى باستى تۇيىندەردى تىعىز توڭىرەكتەي وتىرىپ، جۇڭحۋا ۇلتى ورتاق تۇلعا تانىمىن بەكەمدەۋ، ەكونوميكانى دامىتۋ، عىلىم – تەحنيكا، بايلىق قاينارى جانە ورتا، ەمدەۋ جانە وقۋ – اعارتۋ قاتارلى جاقتاردا ۇسىنىس جوبا تاپسىردى، تاپسىرعان ۇسىنىستار ءىس جۇزىندىك جاعدايمەن تىعىز ۇشتاستىرىلعان، باعىتتامالىلىعى مەن اتقارىلىمدىلىعى وتە زور.
مۇندا، «شينجياڭنىڭ كومىرىن شىعىسقا جوتكەۋ» سولتۇستىك ءدالىزى قۇرىلىسىن جەدەلدەتۋدى، «شينجياڭنىڭ ەلەكترىن سىرتقا جەتكىزۋدەگى» ءتورتىنشى، بەسىنشى دالىزدەردى مەملەكەتتىڭ قاتىستى دامۋ جوسپارىنىڭ كولەمىنە ەنگىزۋ قاتارلى قىزۋ تالقىلانعان تاقىرىپتاردىڭ بارلىعى ۇسىنىس جوبادان ورىن العان.
ەكونوميكانىڭ جوعارى ساپالى دامۋىنا دەم بەرۋگە نازاردى شوعىرلاندىرىپ، مۇشەلەر ازيا – ەۆروپا قۇرلىق – تەڭىز ساۋدا ءدالىزىن جوعارى ساپالى دامىتۋدى سايكەستىرە ىلگەرىلەتۋ، شينجياڭداعى جاسىل تيپتى كەن كاسىبى سالاسى شوعىرىنىڭ جوعارى ساپالى دامۋىن جەدەل ىلگەرىلەتۋ، باتىس بولىكتەگى وڭىرلەردە توقىماشىلىق كاسىپ سالاسى شوعىرىن وسىزامانداندىرۋ قۇرىلىسىن ىلگەرىلەتۋ قاتارلى ۇسىنىس جوبالاردى ورتاعا قويىپ، شينجياڭنىڭ ەكونوميكاسى مەن قوعامىنىڭ دامۋىنداعى ماڭىزدى ماسەلەلەر مەن كوكەيتەستى زارۋلىكتەردى ءتۇرلى جاقتان اڭىس ەتىپ، قاتىستى تاراۋلاردىڭ ءمان بەرۋىنە، قولداۋىنا يە بولۋعا بەلسەندى تالپىنعان.
اۋىل – قىستاقتى گۇلدەندىرۋ — ءداۋىر جۇكتەگەن تاريحي بورىش. مۇشەلەر شينجياڭنىڭ ءجۇزىم اراعى كاسىپ سالاسىن دامىتۋعا، زورايتۋعا قولداۋ كورسەتۋ، شينجياڭنىڭ مال شارۋاشىلىعى كاسىپ سالاسىن دامىتۋعا قولداۋ كورسەتۋ، شينجياڭدى ەلىمىز بويىنشا تۇقىم شارۋاشىلىعىنداعى قۋاتتى رايون ەتىپ قۇرىپ شىعۋ جونىندە جابىلا ۇندەۋ تاستادى.
مۇشەلەر حالىق تۇرمىسىنا تىلەكتەس بولىپ، اۋدان كولەمىندە تىعىز تيپتەگى ەمدەۋ ورتاق تۇلعاسىن قۇرۋ، «ەكىنى جەڭىلدەتۋ» ساياساتىن جاقسارتىپ جانە تياناقتاندىرىپ، جوعارى ساپالى دارىندىلاردى تاربيەلەۋدى ىسكە اسىرۋ، اۋىل – قىستاقتاعى ايەلدەردىڭ جۇمىستانۋى مەن شارۋاشىلىق قۇرۋىنا قاتىستى كۋرس ۇيىمداستىرۋدى كۇشەيتۋ، كاسىپتىك وقۋ – اعارتۋعا رەفورما جاساۋدى جەدەل ىلگەرىلەتۋ قاتارلى ۇسىنىس جوبالاردى ورتاعا قويدى.
مۇنان سىرت، مۇشەلەر ءداستۇرلى قىستاقتار مەن تاريحي، مادەني ايگىلى قالاشىقتاردى، ايگىلى قىستاقتاردى قورعاۋدى كۇشەيتۋ، جايىلىم سالاسىنداعى قىزمەت قوسىنى قۇرىلىسىن ارتتىرۋ، جاستار مەن ورەندەرگە زاڭمەن جونگە سالۋ جونىندە ءتالىم – تاربيە بەرۋدى كۇشەيتۋ، ءىرى ساندى مالىمەت جانە ۇكىمەت ىسىنە قاتىستى قىزمەت وتەۋ جۇيەسىن كەمەلدەندىرۋ قاتارلى جاقتاردا ۇسىنىس جوبالاردى ورتاعا قويدى.
مۇشەلەر ورتاعا قويعان 94 ۇسىنىس جوبانىڭ ىشىندە، 10 ۇسىنىس جوبا مۇشەلەر بىرلەسىپ قويعان ۇسىنىس جوبا سانالادى، مۇندا شينجياڭدا مەملەكەتتىك جاڭالىق اشۋ تەكشەسىن قۇرىپ، «ۇيىرمە قۇرۋ فورماسىنداعى» عىلىم – تەحنيكا ارقىلى شينجياڭعا كومەكتەسۋدى ىلگەرىلەتۋ جونىندەگى ۇسىنىس جوبا، باتىس سولتۇستىك وڭىردەگى سۋىق، قۋاڭ جەردەگى اۋىل شارۋاشىلىعى سەلبەستىك كوپەراتيۆتەرىنىڭ ازىق – تۇلىك حاۋىپسىزدىگىنە كەپىلدىك ەتۋ قۋاتىن جوعارىلاتۋ قاتارلى ۇسىنىس جوبالار قامتىلعان.
جوعارى ساپالى ۇسىنىس جوبالاردى ورتاعا قويۋ ءۇشىن تىڭعىلىقتى دايىندالۋ كەرەك. ماجىلىستەن بۇرىن، جاڭا كەزەكتى مۇشەلەر مۇقيات ۇيرەنىپ، ىشكەرىلەي تەكسەرۋ – زەرتتەۋ جۇرگىزىپ، پارتيا 20 – قۇرىلتايىنىڭ رۋحىن جەتەكشى ەتىپ، پارتيا مەن مەملەكەت ورتاعا قويعان ماڭىزدى شەشىمدەر مەن ورنالاستىرۋلاردى جانە رەال ومىردە شەشۋگە قاجەتتى ماسەلەلەردى توڭىرەكتەي وتىرىپ، شينجياڭنىڭ ەكونوميكاسى مەن قوعامىنىڭ دامۋىنىڭ جانە حالىق بۇقاراسىنىڭ ءوندىرىسى مەن تۇرمىسىنىڭ ءىس جۇزىندىك جاعدايىن قاداعالاي وتىرىپ، حالىق اڭىسىن تىڭداپ، حالىق تىلەگىن ۇعىسقان ءارى قاتىستى تاراۋلارمەن تولىق كەڭەسۋ جانە اۋىس – كۇيىس جاساۋ ارقىلى ولاردىڭ پىكىرلەرى مەن ۇسىنىستارىن تىڭداپ، مىندەتتەرىن اتقارىپ، ۇسىنىس بەرۋگە تولىق دايىندىق جاساعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
