اۋىل شارۋاشىلىعى جانە اۋىل – قىستاق مينيسترلىگى مەرەكەدەن كەيىنگى سۋىق اعىستان ساقتانۋ جانە وعان توتەپ بەرۋ قىزمەتى جونىندە شۇعىل ورنالاستىرۋ جاسادى
2024.02.18 15:24 كەلۋ قاينارى : حالىق تورابى
اۋىل شارۋاشىلىعى جانە اۋىل – قىستاق مينيسترلىگىنىڭ حابارلاۋىنشا، اۋىل شارۋاشىلىعى جانە اۋىل – قىستاق مينيسترلىگى مەرەكەدەن كەيىنگى سۋىق اعىستان ساقتانۋ جانە وعان توتەپ بەرۋ قىزمەتى جونىندە شۇعىل ورنالاستىرۋ جاساعان، مۇندا مىناداي مازمۇندار ايتىلعان: ءوندىرىس پەن بازاردىڭ اينالىمىن ۇزدىكسىز باقىلاۋدى كۇشەيتىپ، بازارداعى ولقىلىق جونىندە تۇجىرىم جاساپ، شۇعىل جاعدايعا توتەپ بەرۋ جوباسىن الدىن الا ويداعىداي ىستەۋ كەرەك؛ قامداۋ مەن قاجەتسىنۋ جاعىنداعى ينفورماتسيالاردى دەر كەزىندە جاريالاپ، كوكونىستەردى بازارعا شىعارۋ مەن مال شارۋاشىلىعى ونىمدەرىن، سۋ ونىمدەرىن ساتىلىمعا شىعارۋعا ۇيلەسىمدى جەتەكشىلىك ەتىپ، تەڭگەرىمدى تۇردە قامداۋدى ىلگەرىلەتۋ كەرەك. زات اينالىمىنىڭ ىركىلىسسىزدىگىنە كەپىلدىك ەتۋ مەحانيزمىنىڭ رولىن تولىق ساۋلەلەندىرىپ، جاس، شيكى اۋىل شارۋاشىلىعى ونىمدەرىن تاسىمالداۋ جونىندەگى ”جاسىل ءدالىز“ ساياساتىن ناقتى تياناقتاندىرىپ، ءونىم وندىرەتىن وڭىرلەر مەن ءونىم ساتاتىن وڭىرلەردى تىكەلەي ۇشتاستىرۋدى ىلگەرىلەتىپ، ءونىم وندىرەتىن وڭىرلەردە ونىمدەردىڭ ساتىلماي قالۋىنان، ساتىلۋىنىڭ قيىن بولۋىنان، ءونىم ساتاتىن وڭىردە قامداۋدىڭ جەتكىلىكسىز بولۋىنان ساقتانۋ كەرەك. ساپالىق حاۋىپسىزدىگىن باقىلاۋ – باسقارۋدى مىقتى ۇستاپ، اۋىرىپ ولگەن مالداردىڭ، ولگەن ءۇي قۇستارىنىڭ ەتىنىڭ بازارعا كىرگىزىلۋىنەن قاتاڭ ساقتانۋ كەرەك. شۇعىل جاعدايعا توتەپ بەرىپ، قامداۋعا كەپىلدىك ەتۋ مەحانيزمىن اناعۇرلىم كۇشەيتىپ، ءتۇرلى شارالار قولدانۋ ارقىلى كوكونىس جانە قوسىمشا ازىق – تۇلىك ونىمدەرىن ءوندىرۋدىڭ ورنىقتىلىعىنا، ونىممەن قامداۋدىڭ جەتكىلىكتى بولۋىنا، ساپاسىنىڭ سەنىمدى بولۋىنا كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
