ەرەكشە ازىق – تۇلىكتەردى ءوندىرۋ مەن تيجارات ەتۋگە قاتىستى ىستەر
ازىق – تۇلىك حاۋىپسىزدىگىن باسقارۋشى قىزمەتكەرلەردى باعالاۋ جاعىنداعى جاڭا بەلگىلەمە بيىل 3 – ايدان باستاپ اتقارىلادى
2024.02.18 15:31 كەلۋ قاينارى : حالىق تورابى
بازاردى باقىلاۋ – باسقارۋ باس مەكەمەسى جۋىردا «كاسىپورىنداردىڭ ازىق – تۇلىك حاۋىپسىزدىگىن باسقارۋشى قىزمەتكەرلەردى باقىلاۋ جانە ۇلگى الىپ باعالاۋ باعدارناماسى» مەن «كاسىپورىنداردىڭ ازىق – تۇلىك حاۋىپسىزدىگىن باسقارۋشى قىزمەتكەرلەردى باقىلاۋ جانە ۇلگى الىپ تەكسەرۋ جوباسىن» جاريالادى، 2024 – جىلى 3 – ايدىڭ 1 – كۇنىنەن باستاپ اتقارىلادى. بۇل بەلگىلەمەدە ەرەكشە ازىق – تۇلىكتەردى وندىرەتىن، تيجارات ەتەتىن كاسىپورىنداردىڭ ازىق – تۇلىك حاۋىپسىزدىگىن باسقارۋشى قىزمەتكەرلەرىنىڭ نەگىزگى تۇلعالىق جاۋاپكەرشىلىگى اناعۇرلىم ايقىندالدى. ەرەكشە ازىق – تۇلىكتەر دەگەنىمىز قۋاتتىق ازىق – تۇلىكتەردى، مەديتسينالىق ەرەكشە ەمدەۋگە پايدالاناتىن رەتسەپتىك ازىق – تۇلىكتەردى جانە نارەستەلەر مەن سابيلەرگە قولدانىلاتىن رەتسەپتىك ازىق – تۇلىكتەردى قامتيدى، قارتتار مەن سابيلەر قاتارلى ءتۇيىندى توپتاردىڭ سالاماتتىعى مەن ءومىرىنىڭ حاۋىپسىزدىگىنە سايادى.
باعدارناما مەن جوباداعى قاتىستى تالاپتارعا ساي، ەرەكشە ازىق – تۇلىكتەردى وندىرەتىن، ساۋدالايتىن كاسىپورىنداردىڭ باستى جاۋاپتىلارى ەرەكشە ازىق – تۇلىكتەردى ءوندىرۋ، ساۋدالاۋ جاعىنداعى ازىق – تۇلىك حاۋىپسىزدىگىنە ساياتىن قاتىستى زاڭ – ءتۇزىم، زاڭدىق ەرەجەلەردەگى جانە ولشەمدەردەگى ماڭىزدى بەلگىلەمەلەردى يگەرۋى، كاسىپورىنداردىڭ نەگىزگى تۇلعالىق جاۋاپكەرشىلىگى جونىندەگى تۇزىمدىك بەلگىلەمەلەردى تياناقتاندىرۋى، سونداي – اق، حاۋىپتەن ساقتانۋ جانە ونى مەڭگەرۋ جاعىنداعى يكەمدى باسقارۋ مەحانيزمى قاتارلىلارداعى قاتىستى تالاپتاردى يگەرۋى كەرەك. (ءتىلشى: جاۋ ۋىنجۇن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved