دۇنيە جۇزىندەگى تۇڭعىش C919 ءىرى تيپتى ۇشاعى تۇڭعىش رەت شەتەلدەگى اۆياتسيا كورمەسىنە قاتىناستىرىلدى

2024.02.18 15:27 كەلۋ قاينارى : حالىق تورابى

　　سۋرەتتە: شىعىس اۆياتسيا سەرىكتەستىگىنىڭ دۇنيە جۇزىندەگى تۇڭعىش C919 ءىرى تيپتى ۇشاعى حۇڭچياۋ اۋەجايىنان ۇشۋ الدىندا. جۇڭگو اقپارات اگەنتتىگىنىڭ ءتىلشىسى يىن ليچين فوتوسى

　　جۇڭگو اقپارات تورابىنىڭ 2 – ايدىڭ 17 – كۇنى بەرگەن حابارى. جۇڭگو شىعىس اۆياتسيا سەرىكتەستىگىنىڭ حابارلاۋىنشا، جەرگىلىكتى ۋاقىت بويىنشا 2 – ايدىڭ 17 – كۇنى ساعات بىردەن 49 مينۋت وتكەندە، دۇنيە جۇزىندەگى تۇڭعىش C919 ءىرى تيپتى ۇشاعى 6 ساعات ۇشىپ، 4200 كيلومەترلىك جول باسۋ ارقىلى سينگاپۋر چاڭ – ي حالىقارالىق اۋەجايىنا ءساتتى جەتكەن، بۇل ۇشاق 2 – ايدىڭ 20 – كۇنىنەن 25 – كۇنىنە دەيىن سينگاپۋردا وتكىزىلەتىن 2024 – جىلعى سينگاپۋر اۆياتسيا كورمەسىنە قاتىناستىرىلادى.

　　جۇڭگو شىعىس اۆياتسيا سەرىكتەستىگىنىڭ دۇنيە جۇزىندەگى تۇڭعىش C919 ءىرى تيپتى ۇشاعى بەيجيڭ ۋاقىتى بويىنشا 2 – ايدىڭ 16 – كۇنى MU299 كەزەكتى رەتتەلگەن ۇشۋ مىندەتىن اتقاردى، ساعات 20 دان 4 مينۋت وتكەندە شاڭحايداعى حۇڭچياۋ حالىقارالىق اۋەجايىنان كوك جۇزىنە كوتەرىلدى. سينگاپۋر اۆياتسيا كورمەسى وتكىزىلگەن مەزگىلدە، جۇڭگو شىعىس اۆياتسيا سەرىكتەستىگىنىڭ C919 ۇشاعىن قامتىعان جۇڭگونىڭ ساۋدالىق ۇشاق وندىرەتىن سەرىكتەستىكتەرى وندىرگەن وتاندىق 5 ۇشاعى جۇرتپەن جۇزدەستىرىلىپ، تۇڭعىش رەت شەتەلدە ”توپتىق تۇردە“ كورسەتىلەدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved