شي جينپيڭ 37 - كەزەكتى افريكا وداعى باسشىلار ماجىلىسىنە قۇتتىقتاۋ تەلەگرامماسىن جولدادى

2024.02.18 16:29 كەلۋ قاينارى : حالىق تورابى

　　شينحۋا اگەنتتىگى، 2 - ايدىڭ 17 – كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 17 - كۇنى تەلەگرامما جولداپ 37 - كەزەكتى افريكا وداعى باسشىلار ءماجىلىسىنىڭ اشىلعانىن قۇتتىقتادى.

　　شي جينپيڭ بىلاي دەپ اتاپ كورسەتتى: قازىرگى دۇنيە ءجۇزى 100 جىلدا بولماعان زور وزگەرىسكە ءدوپ كەلىپ وتىر، جۇڭگو مەن افريكا ۋاكىلدىك ەتكەن ”دۇنيە ءجۇزىنىڭ وڭتۇستىگى“ قارىشتاپ دامىپ، دۇنيە ءجۇزىنىڭ تاريحي ۇردىسىنە تەرەڭ ىقپال جاسادى. افريكا وداعى افريكا ەلدەرىمەن ىنتىماقتاسىپ، بىرلەسىپ ءوزىن الۋەتتەندىرىپ، ءبىر تۇلعالانۋ جانە ەركىن ساۋدا رايونى قۇرىلىسىن كۇش سالا ىلگەرىلەتتى. افريكا وداعىنىڭ 20 ەل توبىنا ءساتتى كىرۋى افريكانىڭ دۇنيە ءجۇزىن جونگە سالۋداعى ۋاكىلدىك سيپاتى مەن ءسوز سويلەۋ ۇقىعىن ونان ارى جوعارىلاتتى. جۇڭگو جاق مۇنى شىن جۇرەكتەن قۇتتىقتايدى.

　　شي جينپيڭ بىلاي دەپ دارىپتەدى: وتكەن ءبىر جىلدا جۇڭگو مەن افريكانىڭ قارىم - قاتىناسى ۇزدىكسىز ىشكەرىلەي دامىدى، جۇڭگو - افريكا باسشىلارىنىڭ كەڭەسى ءساتتى اشىلدى، ەكى جاق وزدەرىنىڭ وسىزاماندانۋ جولىن قاراستىرۋدى ءوزارا قولداپ، دامۋ بولاشاعىن جۇزەگە اسىرۋعا بىرگە تاماشا ورتا جاراتۋدى ۇيعاردى. 2024 - جىلى جۇڭگو - افريكا سەلبەستىك تالقى مىنبەرىنىڭ جاڭا كەزەكتى ءماجىلىسى اشىلادى، مەن افريكا ەلدەرىنىڭ باسشىلارىمەن بىرگە ەكى جاق حالىقتارىنا باقىت جاراتۋدى كوزدە ۇستاپ، جۇڭگو - افريكا سەلبەستىگىنىڭ جاڭا جوباسىن دەن قويا جوبالاپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن بىرگە قۇرۋدى ىلگەرىلەتۋدى قالايمىن.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved