كوكتەم مەرەكەسى دەمالىسىندا تۇتاس قوعامدا ءوڭىر اتتاعان ادامداردىڭ اعىلۋ مولشەرى مەجەمەن 2 ميلليارد 311 ميلليون ادام - رەت بولدى
بۇكىل ەل بويىنشا جول قاتىناسى جالپى جاقتان ورنىقتى، ءتارتىپتى بولدى
2024.02.18 16:30 كەلۋ قاينارى : حالىق تورابى
«حالىق گازەتى»، 2 - ايدىڭ 17 - كۇنى، بەيجيڭ. 2024 - جىلعى جالپىلىق تاسىمال كوكتەم مەرەكەسى كەزىندەگى تاسىمال قىزمەتى ارناۋلى توبىنىڭ ساناق ساندى مالىمەتىندە كورسەتىلۋىنشە، كوكتەم مەرەكەسى دەمالىسىندا (2 - ايدىڭ 10 - كۇنىنەن 17 - كۇنىنە دەيىن) تۇتاس قوعامدا ءوڭىر اتتاعان ادامداردىڭ اينالىم مولشەرى مەجەمەن 2 ميلليارد 311 ميلليون ادام - رەت بولعان.
ناقتىلاپ ايتقاندا، تەمىر جول جولاۋشى تاسىمال مولشەرى مەجەمەن 99 ميلليون 590 مىڭ ادام - رەت؛ تاس جول قىزمەتكەرلەرىنىڭ اينالىم مولشەرى مەجەمەن 2 ميلليارد 184 ميلليون ادام - رەت؛ مۇنىڭ ىشىندە جوعارى قارقىندىق تاس جول مەن ادەتتەگى مەملەكەتتىك، ولكەلىك تاس جولدارداعى تيجاراتقا جاتپايتىن شاعىن جولاۋشىلار اۆتوموبيلدەرىنىڭ قاتىناۋ مولشەرى مەجەمەن ءبىر ميلليارد 998 ميلليون ادام - رەت، تاس جول تيجاراتى سيپاتتى جولاۋشى تاسىمال مولشەرى مەجەلەمەن جالپى 186 ميلليون ادام - رەت؛ سۋ جولى جولاۋشى تاسىمال مولشەرى مەجەمەن جالپى 9 ميلليون 400 مىڭ ادام - رەت؛ حالىقتىق اۆياتسيانىڭ جولاۋشى تاسىمال مولشەرى مەجەمەن 18 ميلليون 40 مىڭ ادام - رەت بولعان.
تاياۋدا جەر - جەر قايتا ورالۋدىڭ قاۋىرت مەزگىلىنە ىركەس - تىركەس قادام تاستادى، جەر - جەردەگى قاتىناس تاراۋلارى كوپ ءتۇرلى شارانى قاتار قولدانىپ، تاسىمال قۋاتىن تولىقتاپ، قىزمەت وتەۋ ساپاسىن جوعارىلاتىپ، كوكتەم مەرەكەسى كەزىندەگى تاسىمالدىڭ ءتىپتى دە حاۋىپسىز، ءتىپتى دە قولايلى، ءتىپتى دە مەرەيلى بولۋىنا مۇمكىندىك جاسادى. 2 - ايدىڭ 17 – كۇنى بۇكىل ەل بويىنشا تەمىر جول ارقىلى مەجەمەن 16 ميلليون 200 مىڭ ادام - رەت جولاۋشى جونەلتىلىپ، 2 مىڭ 256 جولاۋشىلار پويەزى ۇستەمەلەنىپ، تەمىر جولدا كوكتەم مەرەكەسى كەزىندەگى تاسىمال قۋاتىن ورنالاستىرۋ تاعى دا تىڭ ورەگە كوتەرىلدى. جەر - جەردەگى تەمىر جول تاراۋلارى جوعارى قارقىندىق تەمىر جول مەن جاي قارقىندىق تەمىر جول بايلىعىنان ءبىر تۇتاس پايدالانىپ، تاسىمال قۋاتىن ارتتىرىپ، ءوتىمدى تەمىر جول بولەكتەرىندە جولاۋشىلار پويەزىن دەر كەزىندە كوبەيتىپ، جولاۋشىلاردىڭ قايتا ورالۋ قاجەتىن قۇلشىنا قاناعاتتاندىردى.
كوكتەم مەرەكەسى دەمالىسىندا بۇكىل ەلدەگى قوعام حاۋىپسىزدىگى قاتىناس باسقارۋ تاراۋلارى حاۋىپسىزدىككە، ىركىلىسسىزدىككە كەپىلدىك ەتۋ سىندى وزەكتى مىندەتتى تىعىز ارقاۋ ەتىپ، الدىن الا زەرتتەپ، جوبالاپ، دەن قويا ۇيىمداستىرىپ، ورنالاستىرىپ، جول بەتىن باسقارۋ - مەڭگەرۋدى كۇشەيتىپ، كوكتەم مەرەكەسىن شات - شادىمان وتكىزۋگە تاماشا جول قاتىناس ورتاسىن جاراتتى. 2 - ايدىڭ 17 – كۇنى ساعات 19 عا دەيىن بۇكىل ەل بويىنشا جول قاتىناس حاۋىپسىزدىگى جاعدايى جالپى جاقتان ورنىقتى، ءتارتىپتى بولىپ، اۋىر، ەرەكشە اۋىر جول قاتىناس شىرعالاڭى تۋىلمادى.
شۇعىل جاعدايعا توتەپ بەرۋدى باسقارۋ مينيسترلىگىنىڭ ساندى مالىمەتىندە كورسەتىلۋىنشە، 2 - ايدىڭ 17 – كۇنى ساعات 19 عا دەيىن كوكتەم مەرەكەسى دەمالىسىندا بۇكىل ەلدىڭ حاۋىپسىزدىك جاعدايى جالپى جاقتان ورنىقتى بولعان، اۋىر اپات، شىرعالاڭ تۋىلماعان، ءبىرشاما زور شىرعالاڭداردىڭ سانى سايكەس مەزگىلدەگىدەن %75 تومەندەگەن.
(«حالىق گازەتىنىڭ» تىلشىلەرى حان شين، لي شينپيڭ، جاڭ تيانپەي، ليۋ شينشين)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
