كوك اسپان، تۇنىق سۋ، تازا توپىراقتى قورعاۋ شايقاسىن قايتكەندە ۇزدىكسىز ىشكەرىلەي جۇرگىزۋگە بولادى (ساياساتتىق سۇراۋ – جاۋاپ، 2024 - جىلى جۇڭگو ەكونوميكاسىندا وسىلاي ىستەيمىز)
«حالىق گازەتىنىڭ» ءتىلشىسى ليۋ ي
2024.02.18 16:31 كەلۋ قاينارى : حالىق تورابى
ورتالىقتىڭ ەكونوميكالىق قىزمەت ماجىلىسىندە: ”اشىق اسپاندى، تۇنىق سۋدى، تازا توپىراقتى قورعاۋ شايقاسىن ۇزدىكسىز ىشكەرىلەي ويداعىداي جۇرگىزۋ كەرەك“ دەپ دارىپتەلدى. بيىل 1 - ايدا جاريالانعان «ج ك پ ورتالىق كوميتەتىنىڭ، مەملەكەتتىك كەڭەستىڭ كورىكتى جۇڭگو قۇرىلىسىن جاپپاي ىلگەرىلەتۋ جونىندەگى پىكىرىندە» ”لاستانۋدان ساقتانۋ جانە ونى جونگە سالۋدان قامال الۋدى ۇزدىكسىز ىشكەرىلەي ىلگەرىلەتۋ“ سياقتى نىسانالىق مىندەتتەر ايقىندالدى.
كوك اسپان، تۇنىق سۋ، تازا توپىراقتى قورعاۋ شايقاسىن ۇزدىكسىز ىشكەرىلەي ويداعىداي جۇرگىزۋ − كورىكتى جۇڭگو قۇرىلىسىن جاپپاي ىلگەرىلەتۋدەگى ماڭىزدى شايقاس. پارتيا 18 - قۇرىلتايىنان بەرى ەلىمىز ەكولوگيالىق ورتانى قورعاۋدى جان - جاقتى، تۇتاس ءوڭىر، تۇتاس بارىس بويىنشا كۇشەيتىپ، كورىكتى جۇڭگو قۇرىلىسىندا ماڭىزدى قادام تاستادى. ەكولوگيالىق ورتا مينيسترلىگىنىڭ قاتىستى جاۋاپتىسى مىنانى ءبىلدىردى: ”2024 - جىلى لاستانۋدى دالمە - ءدال جونگە سالۋدى، لاستانۋدى عىلمي جونگە سالۋدى، لاستانۋدى زاڭ بويىنشا جونگە سالۋدى كورنەكتىلەندىرىپ، كورىكتى جۇڭگو قۇرىلىسىن ءبىر تۇتاس باسشىلىققا الىپ، كومىر قىشقىل گازىن تومەندەتۋدى، لاستانۋدى ازايتۋدى، جاسىلدىقتى كەڭەيتۋدى، ارتۋدى سايكەستى ىلگەرىلەتىپ، جوعارى دەڭگەيلى قورعاۋ ارقىلى ساپالى دامۋدى جەبەۋدە تاباندى بولىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جاپپاي ىلگەرىلەتەمىز“.
كوك اسپاندى قورعاۋ شايقاسىن قايتكەندە ۇزدىكسىز ىشكەرىلەي جۇرگىزۋگە بولادى؟ ”مۇنداعى شەشۋشى ءتۇيىن − «ۋا ساپاسىن ۇزدىكسىز جاقسارتۋ ارەكەت جوسپارىن» شىنايى تياناقتاندىرىپ، PM2.5 دى تىزگىندەۋدى نەگىزگى جەلى ەتىپ، قاينارىنان باسقارۋ - مەڭگەرۋدى، كوپ لاس زاتتاردى سايكەستىرىپ تىزگىندەۋدى جانە وڭىرلىك لاستانۋدى سايكەستىرىپ جونگە سالۋدى كۇشەيتۋ“. ەكولوگيالىق ورتا مينيسترلىگىنىڭ باس ينجەنەرى، اتموسفەرا ورتاسى تارماق مەكەمەسىنىڭ باستىعى ليۋ بيڭجياڭ مىنانى ءبىلدىردى: سولتۇستىك رايونداردىڭ تازا كۇيدەگى جىلۋمەن قامدالۋىن جەرگىلىكتى جاعدايعا قاراي ءتارتىپتى ىلگەرىلەتەمىز. بولات - تەمىر، سەمەنت، كوكىستەندىرۋ كاسىبىنىڭ لاس زاتتاردى وتە تومەن ىعىستىرۋىن جوعارى ساپامەن ىلگەرىلەتىپ، مۇناي - حيميا، حيميا ونەركاسىبى سياقتى سالالارداعى ۇشقىش ورگانيكالىق زاتتاردىڭ جالپى بارىسىن ىشكەرىلەي جونگە سالۋدى ۇيىمداستىرامىز. ديزەل جۇك اۆتوموبيلدەرىنىڭ لاستاۋىنان ساقتانۋ جانە ونى جونگە سالۋدان قامال الۋ ارەكەتىن تىڭعىلىقتى ىلگەرىلەتىپ، بەيجيڭ، تيانجين، حىبەي جانە توڭىرەكتەگى رايوندار سياقتى ءتۇيىندى وڭىرلەردىڭ اتموسفەراسىنىڭ لاستانۋىنان بىرلەسىپ ساقتانۋدى، بىرلەسىپ تىزگىندەۋدى ىشكەرىلەي جۇرگىزەمىز.
”2023 – جىلى بۇكىل ەل بويىنشا جەر بەتى سۋىنىڭ ساپالى قيما بەت سالىستىرماسى %89.4 كە جەتىپ، الدىنداعى جىلدىڭ ۇقساس مەزگىلىندەگىدەن 1.5 پايىز جوعارىلاعان، چاڭجياڭ وزەنىنىڭ نەگىزگى اعىسى ءۇرتىس 4 جىل، حۋاڭحى وزەنىنىڭ نەگىزگى اعىسى ءۇرتىس 2 جىل تۇتاس لەنيا بويىنشا Ⅱ تۇردەگى سۋ ساپاسىن ساقتاعان“. ەكولوگيالىق ورتا مينيسترلىگى سۋ ەكولوگيالىق ورتاسى تارماق مەكەمەسىنىڭ باستىعى حۋاڭ شياۋزىڭ تانىستىرىپ بىلاي دەدى: 2024 – جىلى تۇنىق سۋدى قورعاۋ شايقاسىن ءۇرتىس ىشكەرىلەي جۇرگىزىپ، سۋ بايلىعىن، سۋ ورتاسىن، سۋ ەكولوگياسىن جونگە سالۋدى ءبىر تۇتاس جوسپارلاپ، ۇلكەن وزەن جانە ماڭىزدى كولدەردى قورعاۋدى، جونگە سالۋدى ىشكەرىلەي ىلگەرىلەتەمىز. ءتۇيىندى لاس زاتتاردى شىعارۋ اۋىزدارىن جونگە سالۋ، دارەجەسىن جوعارىلاتۋ ارەكەتىن اتقارۋعا ۇيىمداستىرىپ، ونەركاسىپ باقشا رايوندارىندا سۋدىڭ لاستانۋىن جونگە سالۋدى تەرەڭدەتىپ، قالالارداعى بىلعانىش، ساسىق سۋلاردى جونگە سالۋدى ىشكەرىلەي اتقارامىز. ءتۇيىندى تەڭىز ايدىندارىن جان - جاقتى جونگە سالۋدان قامال الۋدى ۇزدىكسىز ىلگەرىلەتىپ، شىعاناقتاردى جان - جاقتى جونگە سالۋدى باعىتتامالى تۇردە اتقارامىز.
”تازا توپىراقتى قورعاۋ شايقاسىن ۇزدىكسىز ىشكەرىلەي ويداعىداي جۇرگىزۋدىڭ ماڭىزدى ءتۇيىنى ساقتانۋدى نەگىز ەتۋدە، حاۋىپ - قاتەردى باسقارۋ - مەڭگەرۋدە، سۋ مەن توپىراقتى بىرگە جونگە سالۋدا تاباندى بولىپ، توپىراقتىڭ لاستانۋىنان تۋ باستان ساقتانۋ - تىزگىندەۋ ارەكەتىن اتقارىپ، تۋ باستان باسقارۋ - مەڭگەرۋ كەلەلى ينجەنەريا قۇرىلىسىن جەدەل ىلگەرىلەتۋ كەرەك“. ەكولوگيالىق ورتا مينيسترلىگى توپىراق ەكولوگيالىق ورتاسى تارماق مەكەمەسىنىڭ باستىعى جاۋ شىشين مىنانى ءبىلدىردى: ەگىستىك جەر توپىراعىنىڭ لاستانۋ قاينارىن تەكسەرۋ، جونگە سالۋدى ىشكەرىلەي ىلگەرىلەتىپ، قارا توپىراقتىڭ، سورتاڭ جەردىڭ ەكولوگيالىق ورتاسىن قورعاۋدى ىلگەرىلەتەمىز. توپىراقتىڭ لاستانۋىنان ساقتانۋ جانە ونى جونگە سالۋدا الدىمەن اتقارىلاتىن رايون، جەر استى سۋىنىڭ لاستانۋىنان ساقتانۋ جانە ونى جونگە سالۋ سىناق رايونى قۇرىلىسىن تەرەڭدەتىپ، اۋىل - قىستاق ورتاسىن جونگە سالۋدى ىشكەرىلەي ىلگەرىلەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
