ۇرىمجىلىك دوستار كونە ەلەكتر جابدىقتارىن تاستاۋعا اسىقپاڭىز، كونەسىن جاڭاسىنا اۋىستىرۋىڭىزعا بولادى
2024.03.11 16:00 كەلۋ قاينارى : حالىق تورابى
3 ـ ايدىڭ 9 ـ كۇنى 2024 ـ جىلى شينجياڭنىڭ 2 ـ كەزەكتى كوكتەمگى جاسىل، زەردەلى ءۇي ەلەكتر جابدىقتارى، ءۇي جيھازدارى سالتاناتى رەسمي باستالدى
قيمىل كەزىندە، ءار ءتۇرلى ەلەكتر ماركاسى ساۋدا دۇكەندەرى 25 ميلليون يۋان قارجى قوسىپ، وتباسى ەلەكتر جابدىقتارى تۇتىنۋ قوسىمشا قاراجاتىن جانە كونەسىن جاڭاسىنا اۋىستىرۋ قوسىمشا قاراجاتىن بەرەدى. سونىمەن بىرگە، ءۇي ەلەكتر جابدىقتارى ءۇي جيھازدارى، ءۇي اشەكەيلەۋ كاسىپورىندارى تاعى شوعىرلى تۇردە ساپالى ءونىم، ساپالى قىزمەت وتەۋ، ءتۇيىندى باعا شىعارىپ، وتباسى تۇتىنۋىنىڭ كومەسكى كۇشىن ىشكەرىلەي اشىپ، ءار ۇلت بۇقاراسىنىڭ جاسىل، تومەن كومىر قىشقىل گازدى، حاۋىپسىز، ەنەرگيا ۇنەمدەيتىن، اقاۋسىز اينالىم جاسايتىن، كوپ نەگىزدى زەردەلى وتباسى ەلەكتر جابدىقتارىنىڭ دارەجەسىن جوعارىلاتۋ، تۇتىنۋ قاجەتىن جان ـ جاقتى قاناعاتتاندىرادى.
”قيمىل بۇكىل شينجياڭداعى 50 دەن استام دۇكەنگە جالپىلاستىرىلادى“ دەدى شينجياڭ وجيا ەلەكتر جابدىقتارىن باسقارۋ شەكتى سەرىكتەستىگىنىڭ باس ديرەكتورى دىڭ يان بىلاي دەپ تانىستىردى، تۇتىنۋشىلار 2024 - جىلى قول قويىلعان ءۇي اشەكەيلەۋ توقتامىن الىپ، وجيا ەلەكتر جابدىقتارىنان ەڭ جوعارى بولعاندا 5000 يۋان قوسىمشا قاراجاتتان يگىلىكتەنەدى؛ وجيا ءۇي ەلەكتر جابدىقتارىنىڭ بۇكىل شينجياڭداعى بارلىق دۇكەنىنەن 3000 پارشا 200 يۋاندىق شابىتتاندىرۋ تۇتىنۋ قاعازىن الۋىنا بولادى؛ تۇتىنۋشىلار كونەسىن بەرىپ جاڭاسىنا اۋىستىرۋىنا بولادى، بەلگىلەنگەن تۇرپاتتاعى ءونىمدى السا %13 قوسىمشا قاراجاتتان يگىلىكتەنەدى.
بيىل جىل باسىنان بەرى، شينجياڭ ۇيعۇر اۆتونوميالى رايوندىق ساۋدا ىستەرى مەڭگەرمەسى ساۋدا مينيسترلىگىنىڭ، سونداي ـ اق اۆتونوميالى رايوندىق پارتكوم مەن ۇكىمەتتىڭ تۇتىنۋدى ۇزدىكسىز كەڭەيتۋدى ىلگەرىلەتۋ جونىندەگى ورنالاستىرۋلارىن، تالاپتارىن ىشكەرىلەي دايەكتىلەندىرىپ، تياناقتاندىرىپ، بۇكىل شينجياڭدا ”شينجياڭ تيىمدىلىگى . كوڭىلدى تۇرمىس“ 2024 - جىلعى تۇتىنۋدى جەبەۋ جەللەس قيمىلىنىلگەرىلەتۋگە ۇيىمداستىرىپ، ”ۇكىمەت، بانكە، كاسىپورىن بىرلەسكەن“ تاراپتار بايلىعىن ءبىر اراعا جيناپ، اۆتوموبيل، ءۇي ەلەكتر جابدىقتارى، ەلەكتروندىق ونىمدەر، وڭدەلگەن ماي، كۇندەلىكتى تۇتىنۋ بۇيىمدارى، ءدامدى تاعامدار سياقتى ءتۇيىندى سالالاردى ارقاۋ ەتىپ، ءبىرقىدىرۋ تۇتىنۋدى جەبەۋ قيمىلدارىن ورىستەتتى.
شينجياڭ ۇيعۇر اۆتونوميالى رايوندىق ساۋدا ىستەرى مەڭگەرمەسىنىڭ 2 ـ دارەجەلى شارلاۋشىسى جاڭ يۇيمين مىنانى ءبىلدىردى: بيىل ساۋدا ىستەرى تاراۋلارى ءار دارەجەلى ۇكىمەت تاراۋلارىنىڭ، فينانس قۇرىلىمدارىنىڭ، ساۋدا قوعامدارىنىڭ، ساۋدا كاسىپورىندارىنىڭ، ەلەكتروندىق ساۋدا تۇعىرلارىنىڭ تۇتىنۋدى جەبەۋ بايلىعىن توپتاپ، تۇتاس جىل بويى، ءتورت ماۋسىم سايىن ۇزدىكسىز جالعاساتىن تۇتىنۋدى جەبەۋ قيمىلىن ورىستەتىپ، تۇتىنۋدىڭ كومەسكى كۇشىن ۇزدىكسىز قاۋلاتادى، تۇتىنۋ بازارىنىڭ ۇزدىكسىز جاندانۋىن جەبەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
