ادام كۇشى بايلىعى جانە قوعامدىق قامتاماسىزداندىرۋ مينيسترلىگى:
قوعامدىق قامتاماسىزداندىرۋ كارتوچكاسىن ”مەملەكەت بويىنشا ءبىرتۇتاس قولدانۋ“ بىرتىندەپ ىسكە اسىرىلادى
2024.03.11 16:01 كەلۋ قاينارى : حالىق تورابى
3 – ايدىڭ 9 – كۇنى ساعات 15 تە، 14 – كەزەكتى مەملەكەتتىك حالىق قۇرىلتايى 2 – ءماجىلىسىنىڭ تىلشىلەر ماجىلىسىندە، وقۋ – اعارتۋ مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، تۇرعىن ءۇي جانە قالا – اۋىل قۇرىلىسى مينيسترلىگى، مەملەكەتتىك اۋرۋدىڭ الدىن الۋ جانە تىزگىندەۋ مەڭگەرمەسى قاتارلى ءتورت ورىننىڭ جاۋاپتىسى قاتىستى ماسەلەلەر جونىندە جۇڭگولىق – شەتەلدىك تىلشىلەردىڭ سۇراۋىنا جاۋاپ قايتادى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى ۋاڭ شياۋپيڭنىڭ ايتۋىنشا، قازىر ەلىمىز بويىنشا %98 ادامدا قوعامدىق قامتاماسىزداندىرۋ كارتوچكاسى بار، قوعامدىق قامتاماسىزداندىرۋ كارتوچكاسىنىڭ ەلەكتروندى نۇسقاسىن العاندار 970 ميلليون ادام. 2023 – جىلى قوعامدىق قامتاماسىزداندىرۋ كارتوچكاسىنىڭ ەلەكتروندىق نۇسقاسى جىل بويى 15 ميلليون 100 ميلليون ادامعا (رەت) قىزمەت وتەگەن، قوعامدىق قامتاماسىزداندىرۋ كارتوچكاسىندا ۇكىمەت ءىسى جاعىندا قىزمەت وتەۋ، ەمدەلۋ جانە ءدارى – دارمەك ساتىپ الۋ، قاتىناس جانە ءجۇرىس – تۇرىس، مادەنيەت جانە ساياحات قاتارلى حالىق تۇرمىسىنا ساياتىن سالالار قامتىلادى.
كەلەسى قادامدا، قاتىستى تاراۋلارمەن بىرگە قوعامدىق قامتاماسىزداندىرۋ كارتوچكاسىنىڭ تۇرعىندارعا قىزمەت وتەۋ جاعىنداعى قولدانىلىمىن ىشكەرىلەي ناقتىلاندىرىپ، اناعۇرلىم كوپ سيفرلى قولدانىلىم تۇرلەرىن ىسكە قوسىپ، كارتوچكانى ولكە دەڭگەيىندە ءبىرتۇتاس قولدانۋدى ۇزدىكسىز تەرەڭدەتىپ، ءوڭىر بويىنشا ءبىرتۇتاس قولدانۋدى كۇش سالا ىلگەرىلەتىپ، مەملەكەت بويىنشا ءبىرتۇتاس قولدانۋدى بىرتىندەپ ىسكە اسىرىپ، بارشا حالىق بۇقاراسىنا قوعامدىق قامتاماسىزداندىرۋ كارتوچكاسىنا قاتىستى اناعۇرلىم قولايلى، اناعۇرلىم كەڭ كولەمدى قىزمەت وتەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
