شي جينپيڭنىڭ «ەل باسقارۋ جونىندە» اتتى كىتابىنىڭ قازاقشا نۇسقاسىنىڭ تانىستىرىلىمى استانا قالاسىندا وتكىزىلدى

2017.06.06 13:16   كەلۋ قاينارى : حالىق تورابى

　　حالىق گازەتى، 5 – ماۋسىم، بەيجيڭ (جوۋ حانبو). شي جينپيڭنىڭ «ەل باسقارۋ جونىندە»اتتى كىتابىنىڭ قازاقشا نۇسقاسىنىڭ تانىستىرىلىمى قازاقستاننىڭ استانا قالاسىندا وتكىزىلدى. ورتالىق ۇگىت ءبولىمى باستىعىنىڭ ورىنباسارى تو جىن، جۇڭگونىڭ قازاقستاندا تۇراتىن باس ەلشىسى جاڭ حانحۇي، قازاقستان پرەزيدەنت كەڭسەسى مەڭگەرۋشىسىنىڭ ورىنباسارى باقىتجان تەمىربولات ۇلى، قازاقستاننىڭ تۇڭعىش پرەزيدەنت قورىنىڭ الەمدىك ەكونوميكا جانە ساياسات ينستيتۋتىنىڭ ديرەكتورى ەرجان سالتىبايەۆ تانىستىرىلىم سالتىندا ءسوز سويلەدى، جۇڭگو مەن قازاقستاننان ءار سالادان 200دەن استام ادام تانىستىرىلىم سالتىنا قاتىناستى.

　　تو جىن تانىستىرىلىم سالتىندا سويلەگەن سوزىندە بىلاي دەدى: شي جينپيڭنىڭ «ەل باسقارۋ جونىندە» اتتى كىتابىندا جۇڭگونىڭ دامۋ تۋرالى تانىمى، دامۋ جولى، ىشكى – سىرتقى ساياساتتارى جۇيەلى باياندالىپ، شي جينپيڭنىڭ ەل باسقارۋداعى جاڭاشا تانىمى، جاڭاشا يدەياسى، جاڭاشا ستراتەگيالارى شوعىرلى تۇردە بەينەلەنگەن، جاڭا داۋىردەگى پارتيا مەن ەلدى باسقارۋداعى ءبىرقىدىرۋ ماڭىزدى نازاريالىق جانە رەال ماسەلەلەرگە ەگجەي – تەگجەيلى جاۋاپ بەرگەن، سونىمەن بىرگە، حالىقارالىق قوعام نازارىنداعى جۇڭگوعا قاتىستى ماسەلەلەرگە جان – جاقتىلى دا جۇيەلى جاۋاپ بەرگەن. شي جينپيڭنىڭ «ەل باسقارۋ جونىندە» اتتى كىتابىنىڭ قازاقشا نۇسقاسىنىڭ تاراتىلۋى قازاقستان حالقىنىڭ جۇڭگونى تۇسىنۋىنە تاعى ءبىر جول اشىپ، ەكى ەلدىڭ ەل باسقارۋ جاعىندا تاجىريبە الماستىرۋىنا تىڭ تەكشە جاراتتى ءارى جۇڭگو مەن قازاقستاننىڭ دوستىعىنىڭ جارقىن كۋاسىنا اينالدى.

　　جاڭ حانحۇي بىلاي دەپ اتاپ كورسەتتى: جۇڭگو مەن قازاقستان سەلبەسە وتىرىپ شىعارعان شي جينپيڭنىڭ «ەل باسقارۋ جونىندە» اتتى كىتابىنىڭ قازاقشا نۇسقاسى ەكى ەل قارىم – قاتىناسىنداعى كەلەلى ءىس ، بۇل جۇڭگو مەن قازاقستاننىڭ قارىم – قاتىناسىنىڭ جوعارى ورەدە ەكەنىن كورسەتەدى. شي جينپيڭنىڭ «ەل باسقارۋ جونىندە» اتتى كىتابىنىڭ قازاقشا نۇسقاسىنىڭ باسپادان شىعىپ تاراتىلۋى جۇڭگو مەن قازاقستان ەكى ەلدىڭ ءوزارا ساياسي سەنىمدىلىگىن اناعۇرلىم بەكەمدەيدى، ستراتەگيالىق سايكەسۋىمىز اناعۇرلىم تەرەڭدەپ، حالقىمىزدىڭ دوستىعى ونان ارى نىعايا تۇسەتىنىنە، جۇڭگو ارمانى مەن قازاقستان ارمانىنىڭ جۇزەگە اساتىنىنا كامىل سەنەمىز.

　　كەلۋ قاينارى: حالىق تورابى