قازاقستانداعى ءار سالاداعىلار ءتوراعا شي جينپيڭنىڭ ساپارلاي بارۋىن اسىعا كۇتۋدە
سەلبەستىك نەگىزىن بەكەمدەپ، دوستىق بارىس – كەلىستى كۇشەيتەدى
گازەتىمىزدىڭ قازاقستاندا تۇراتىن ءتىلشىسى جوۋ حانبو
2017.06.05 14:30 كەلۋ قاينارى : حالىق تورابى
سۋرەتتە: جۇڭگونىڭ الماتىدا تۇراتىن باس كونسۋلدىعى 1 – مامىردا مەكتەپ اۋلاسىندا جۇڭگو مادەنيەتىنە قاتىستى قيمىل وتكىزگەندە، وقۋشىلار جۇڭگونىڭ حاتكەرلىك كوركەمونەرىنە قاباعات قىزىقتى.
جۇڭگونىڭ مەملەكەت ءتوراعاسى شي جينپيڭنىڭ قازاقستانعا ساپارلاي باراتىن ۋاقىتى تاياعان سايىن، قازاقستانداعى ءار سالاداعىلار قىزۋ ىقىلاسپەن اسىعا كۇتۋدە. قازاقستانداعى ءار سالاداعىلار ءتوراعا شي جينپيڭنىڭ 7 – ماۋسىمنان 10 – ماۋسىمعا دەيىنگى قازاقستانداعى ساپارى جۇڭگو مەن قازاقستاننىڭ جان – جاقتىلى ستراتەگيالىق سەرىكتەستىك قارىم – قاتىناسىن اناعۇرلىم بەكەمدەپ، ەكى ەلدىڭ ءار سالاداعى ءوزارا تيىمدىلىك جەتكىزەتىن سەلبەستىكتەرىنە جاڭاشا ومىرشەڭدىك كۇش سيلايتىنىنا سەنىمدى.
«جۇڭگو ەجەلدەن بەرى ەڭ شىنايى، ەڭ سەنىمدى سەلبەستىك سەرىگىمىز»
جۇڭگو 25 جىلدىڭ الدىندا جاڭا عانا تاۋەلسىزدىككە يە بولعان قازاقستانمەن رەسمي ديپلوماتيالىق قارىم – قاتىناس ورناتىپ، ەكى ەل حالقىنىڭ دوستىق قارىم – قاتىناسىنىڭ شىت جاڭا پاراقتارىن اشتى.
جۇڭگونىڭ قازاقستاندا تۇراتىن باس ەلشىسى جاڭ حانحۇي گازەتىمىز تىلشىسىنە جۇڭگونىڭ باتىس سولتۇستىگىندەگى كورشىلەس ەلدەر ىشىندە، قازاقستاننىڭ جۇڭگومەن تاريحتان قالعان شەكارا ماسەلەلەرىن ەڭ الدىمەن تۇبەگەيلى شەشىم ەتىپ، تاتۋ كورشىلىك تۇرعىدان سەلبەستىك جاساۋ شارتتارىنا قول قويىپ، ەكى ەلدىڭ قارىم – قاتىناسىنىڭ دامۋىنا بەرىك ساياسي نەگىز قالاعانىن ايتتى. جاڭ حانحۇي: ديپلوماتيالىق قارىم – قاتىناس ورناتقان كەزدەگى دوستىق قارىم – قاتىناستان ستراتەگيالىق سەرىكتىك قارىم – قاتىناسىنا دەيىن، ونان جان – جاقتىلى ستراتەگيالىق سەرىكتىك قارىم – قاتىناس ورناتقانعا دەيىن، جۇڭگو مەن قازاقستاننىڭ قارىم – قاتىناسىندا سەكىرمەلى دامۋ ىسكە اسىرىلىپ، ەكى ەلدىڭ ساياسي جاقتاعى ءوزارا سەنىمى مەن ءوزارا تيىمدى سەلبەستىگى بۇرىن بولماعان دەڭگەيگە جەتتى، - دەدى.
قازاقستان – گەرمانيا ۋنيۆەرسيتەتىنىڭ دوتسەنتى، حالىقارالىق ماسەلەلەر مامانى يگور يۋانوۆ گازەتىمىز تىلشىسىنە: مەيلى جاھاندىق ساياسي ساحنادا بولسىن، نەمەسە شاڭحاي سەلبەستىك ۇيىمى سىندى وڭىرلىك سەلبەستىك تەكشەلەرىندە بولسىن، جۇڭگو ەڭ شىنايى، ەڭ سەنىمدى سەلبەستىك سەرىگىمىز ەكەنىن ءىس جۇزىندىك جاعدايلار دالەلدەپ وتىر، - دەدى.
جۋىرداعى جىلداردان بەرى، جۇڭگو – قازاقستان اراسىنداعى ساياسي سەنىمدىلىك ۇزدىكسىز كۇشەيىپ، ەكى ەل باسشىلارى اراسىنداعى بارىس – كەلىس بارعان سايىن جيىلەۋدە. ءتوراعا شي جينپيڭ مەن قازاقستان پرەزيدەنتى نازاربايەۆ تاماشا قىزمەتتىك قارىم – قاتىناس پەن تەرەڭ جەكەلىك دوستىق ورناتتى. باس ەلشى جاڭ حانحۇيدىڭ تىلشىگە ايتۋىنشا، ءتوراعا شي جينپيڭ مەن پرەزيدەنت نازاربايەۆ 10 رەتتەن استام كەڭەس وتكىزگەن، پرەزيدەنت نازاربايەۆ وسىعان دەيىن جۇڭگوعا 20 نەشە رەت ساپارلاي كەلگەن، ول جۇڭگو حالقىنىڭ ەڭ تانىس جانە ارداقتى دوستارىنىڭ ءبىرى.
قازاقستان پرەزيدەنتىنىڭ ستراتەگيالىق زەرتتەۋ ورنىنىڭ باس زەرتتەرمەنى كونستانتين لەوۆيچ سروەجكين تىلشىگە: قازاقستان حالقى جۇڭگو – قازاقستان مەملەكەت باسشىلارىنىڭ تاعى ءبىر رەتكى كەزدەسۋىنەن زور ءۇمىت كۇتەدى، ءتوراعا شي جينپيڭ ءار رەت جاڭاشا ءارى ناقتى سەلبەستىك ۇندەۋىن ورتاعا قويادى. ەكى ەل باسشىلارىنىڭ ۇنەمى كەڭەسۋى قاتىستى حالىقارالىق جانە وڭىرلىك ماسەلەلەردى شەشۋدە توتەنشە ماڭىزدى، - دەدى.
قازاقستان سىرتقى ىستەر مينيسترىنىڭ ورىنباسارى قويشىبايەۆ: ارامىزداعى سەلبەستىكتى كۇشەيتۋدىڭ دۇنيە ءجۇزىنىڭ بەيبىتشىلىگىن قورعاۋعا سەپتىگىن تيگىزىپ، ەكى ەل حالقىنا اناعۇرلىم باقىت جاراتاتىنىنا كۇمانىم جوق، جۇڭگومەن ارداعى قارىم – قاتىناستى دامىتۋ ــ قازاقستاننىڭ سىرتقى ساياساتىنىڭ باستى باعىتتارىنىڭ ءبىرى. 25 جىلدان بەرى، ەكى ەلدىڭ بىرگە قۇلشىنۋىنىڭ ارقاسىندا، قازاقستان مەن جۇڭگونىڭ قارىم – قاتىناسى بارعان سايىن تولىسىپ، دوستىق ەكى ەل حالقىنىڭ جۇرەگىنەن تەرەڭ ورىن الدى، - دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
