قازاقستاننىڭ جۇڭگودا تۇراتىن باس ەلشىسى جۇڭگو حالقىنا مەرەكەلىك سالەم جولدادى

2018.02.09 14:04   كەلۋ قاينارى : حالىق تورابى

　　حالىق تورابى، 9 – اقپان، بەيجيڭ. كوكتەم مەرەكەسى كەلۋ قارساڭىندا، قازاقستاننىڭ جۇڭگودا تۇراتىن باس ەلشىسى شاحرات نۇرىشەۆ جۇڭگو حالقىنا مەرەكەلىك سالەم جولدادى ءارى كوكتەم مەرەكەسىنە قۇتتىقتاۋ لەبىزىن ارنادى. قۇتتىقتاۋ لەبىزىنىڭ تولىق مازمۇنى:

　　قادىرمەندى دوستار!

　　جۇڭگولىق دوستارعا جاڭا جىلدىق قۇتتىقتاۋ لەبىزىمدى بىلدىرۋگە رۇقسات ەتىڭىزدەر!

　　قازاقستان – جۇڭگو ەكى ەل ديپلوماتيالىق قاتىناس ورناتقاننان بەرى، ەكى جاقتىڭ ءارقايسى سالاداعى بارىس – كەلىسى جوعارى ورەدە بولىپ، ەكى ەل نەشە عاسىرلىق ءداستۇرلى دوستىعى مەن دوستىق بارىس – كەلىسى نەگىزىندە جان – جاقتى ستراتەگيالىق سەرىكتەستىك قاتىناس ورناتتى.

　　2017 – جىل قازاقستان – جۇڭگو ەكى ەل قاتىناسىنىڭ دامۋ تاريحىنداعى ەرەكشە ءبىر جىل. مامىر ايىندا، پرەزيدەنت نازاربايەۆ جۇڭگوعا ساپارلاي كەلدى ءارى بەيجيڭدە وتكىزىلگەن «ءبىر بەلدەۋ ءبىر جول» حالىقارالىق سەلبەستىك جونىندەگى باسشىلار تالقى مىنبەسىنە قاتىناستى؛ ماۋسىم ايىندا، ءتوراعا شي جينپيڭ قازاقستانعا ساپارلاي باردى ءارى شاڭحاي ىنتىماقتاستىق ۇيىمى استانا باسشىلار ءماجىلىسى مەن استانا ەكسپوسىنىڭ اشىلۋ سالتى قاتارلى ءىسشارالارعا قاتىناستى. بۇدان سىرت، قازاقستان – جۇڭگو ەكى ەل ب م ۇ حاۋىپسىزدىك القالار كەڭەسى، ازيا ءوزارا سەلبەستىك جانە سەنىمدىلىك ءماجىلىسى قاتارلى جوبادا تىعىز سايكەسىپ، رايوندار مەن الەمنىڭ بەيبىتشىلىگىن، حاۋىپسىزدىگىن جانە ورنىقتىلىعىن بىرلىكتە قورعادى.

　　ءبىز قازاقستان – جۇڭگو ەكى ەلدىڭ ساياسي، ساۋدا، مادەنيەت قاتارلى سالالارداعى قارىم – قاتىناسى مەن ىقپالداستىعى ەكى ەل حالقىنىڭ ءتۇبىرلى مۇددەسىنە ساي كەلەدى دەپ قارايمىز. بيىل جۇڭگو شاڭحاي ىنتىماقتاستىق ۇيىمى چيڭداۋ قالاسىنداعى باسشىلار ءماجىلىسى قاتارلى ءىرى ءىسشارالاردى وتكىزبەك. قازاقستان – جۇڭگو ەكى ەل قاتىناسى ۇزدىكسىز بەكەمدەلىپ، دامىماق.

　　2018 – جىلى، جۇڭگو رەفورما جاساپ ەسىكتى ايقارا اشقان 40 جىل مەن «ءبىر بەلدەۋ ءبىر جول» دارىپتەمەسىن ورتاعا قويعان 5 جىلدى قارسى الادى. وسى ورايدا، مەن جۇڭگونىڭ گۇلدەنىپ دامۋىن، جۇڭگولىق دوستاردىڭ جاڭا جىلدا دەنساۋلىعى مىقتى، قىزمەتى تابىستى، تۇرمىسى كوڭىلدى بولۋىن تىلەيمىن.

　　كەلۋ قاينارى: حالىق تورابى