حان جىڭ قازاقستان پرەمەر – مينيسترىنىڭ ءبىرىنشى ورىنباسارى مامينمەن بىرلىكتە جۇڭگو – قازاقستان سەلبەستىك كوميتەتىنىڭ ەكى جاق ءتوراعالار كەڭەسىن وتكىزدى

2018.09.26 15:05   كەلۋ قاينارى : حالىق تورابى

　　حالىق تورابى، 26 – قىركۇيەك، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 25 – قىركۇيەك كۇنى بەيجيڭدە قازاقستان پرەمەر – مينيسترىنىڭ ءبىرىنشى ورىنباسارى مامينمەن بىرلىكتە جۇڭگو – قازاقستان سەلبەستىك كوميتەتىنىڭ ەكى جاق ءتوراعالار كەڭەسىن وتكىزدى. ەكى جاق كوميتەت قىزمەتىنىڭ اياق الىسىنا تالداۋ جاساپ، جۇڭگو – قازاقستان ناقتى سەلبەستىگىن ىلگەرىلەتۋ جونىندە ىشكەرىلەي پىكىر الماستىردى.

　　حان جىڭ بىلاي دەدى: ەكى ەل باسشىلارىنىڭ ستراتەگيالىق جەتەكشىلىگىندە، جۇڭگو – قازاقستان قاتىناسى جوعارى ورەدە ءجۇرىلىپ، «ءبىر بەلدەۋ، ءبىر جول» قۇرىلىسىن بىرلىكتە قۇرۋدا زور تابىسقا جەتتى. بيىل ماۋسىم ايىندا، ەكى ەل باسشىلارى تاعى دا كەڭەس وتكىزىپ، ەكى ەل قاتىناسىنىڭ دامۋىنا جاڭا جوسپار مەن ورنالاستىرۋلار جاسادى. ەكى جاق ەكى ەل باسشىلارىنىڭ ماڭىزدى ورتاق تانىمىن دايەكتىلەندىرىپ، دامۋ ستراتەگياسىنىڭ تۇتاسۋىن ىشكەرىلەي كۇشەيتىپ، ءوندىرىس قۋاتى، قارجىلاندىرۋ، ەكونوميكا- ساۋدا، قازىنا – فينانس، ەنەرگيا، نەگىزگى قۇرىلعىلاردى تۇتاستىرۋ - توعىستىرۋ قاتارلى ءارقايسى سالاداعى سەلبەستىكتى تەرەڭدەتىپ، جۇڭگو – قازاقستان جان – جاقتى ستراتەگيالىق سەلبەستىك قاتىناسىن جاڭا ورەگە كوتەرۋدى ىلگەرىلەتۋى كەرەك.

　　ءمامين بىلاي دەدى: قازاقستان – جۇڭگو قاتىناسى تاتۋ كورشى ەلدەر قاتىناسىنىڭ ۇلگىسى، ەكى ەلدىڭ ءوزارا تيىمدىلىك جاساپ، ورتاق يگىلىكتەنۋ سەلبەستىگى جەدەل ىلگەرىلەتىلدى. قازاقستان جاق «نۇرلى جول» ەكونوميكا جوسپارى مەن «ءبىر بەلدەۋ، ءبىر جول» قۇرىلىسىن ىشكەرىلەي تۇتاستىرىپ، سەلبەستىك جوباسىن زەرتتەپ جاساپ، قازاقستان – جۇڭگو قاتىناسىنا جاڭا قوزعاۋشى كۇش قوسۋعا پەيىلدى.

　　كەلۋ قاينارى: حالىق تورابى