التاي قالاسىنىڭ 4 – كەزەكتى اقىندار ايتىسى اياقتادى

2015.12.29 15:17   كەلۋ قاينارى : حالىق تورابى

　　حالىق تورابى، 29 – جەلتوقسان، بەيجيڭ. التاي قالاسىنىڭ 4 – كەزەكتى اقىندار ايتىسى 25 – جەلتوقساندا ايماقتىق مادەني قيمىلدار ورتالىعىندا ءساتتى اياقتادى.

　　بۇل رەتكى اقىندار ايتىسى 2 كۇن وتكىزىلدى. 24 – جەلتوقسان كۇنى التاي قالاسىنا قاراستى ورىنداردان كەلگەن 16 اقىن جىر كورىگىن قىزدىرىپ، قىزىلتاس قالاشىعىنىڭ اقىنى سەرىك ءبىرىنشى ورىنعا يە بولدى، الاقاق اۋىلىنىڭ اقىنى باتىلبەك پەن التاي قالاسىنىڭ اقىنى نۇرزيا ەكىنشى ورىنعا يە بولدى.

　　25 – جەلتوقساندا ايتىس زالىندا كورەرمەندەردىڭ كوپتىگىنەن ينە شانشار جەر قالمادى، التاي قالاسىنان سىرت، ايماققا قاراستى اۋدان، قالالاردان اقىندار ۇسىنىس ەتىلدى. كورەرمەن قاۋىم وت ءتىلدى اقىنداردىڭ ونەرىنە قول سوعىپ، حالىقتىق ونەردىڭ مايەگىنەن سۋسىندادى.

　　كەلۋ قاينارى: حالىق تورابى