حۋاڭ سانپيڭ وبلىستىڭ ءتورت باسشىلىق القاسىنداعى باسشىلار اتىنان بۇكىل وبلىسىمىزداعى ءار ۇلت كادرلارى مەن بۇقاراسىنان قۇربان ايت، ورتا كۇز مەرەكەسى بايلانىسىمەن حال سۇرادى جانە ولارعا ىزگى تىلەك ءبىلدىردى

2016.09.13 15:04  

　　قۇربان ايت، ورتا كۇز مەرەكەسى قارساڭىندا، ياعني كەشە تۇستەن بۇرىن وبلىس توتە قاراستى ورىنداردىڭ «قۇربان ايت مەرەكەسىن بىرگە تويلاپ، ورتا كۇز مەرەكەسىن قارسى الايىق» اتىندا اڭگىمە ءماجىلىسىن وتكىزدى. حۋاڭ سانپيڭ، قۇرماش سىرجان ۇلى، زۇنۇن اكبار، سابىر ايتجان ۇلى، يۇي چيڭشان قاتارلى وبلىستىڭ ءتورت باسشىلىق القاسىنداعى باسشىلار جانە ءار ۇلت ءار سالانىڭ ۋاكىلدەرى ءبىر ارادا باس قوسىپ، مەرەكەنى بىرگە تويلاپ، قىزۋ دوستىق مەرەيدە بولىپ، بولاشاق جونىندە بىرگە اڭگىمە تيەگىن اعىتتى.

　　اڭگىمە ءماجىلىسىن وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى باسقاردى.

　　وبلىستىق پارتكومنىڭ شۋجيى حۋاڭ سانپيڭ ماجىلىسكە قاتىناستى ءارى قىزۋ مەرەيلى ءسوز سويلەدى.

　　حۋاڭ سانپيڭ الدىمەن وبلىستىڭ ءتورت باسشىلىق القاسى اتىنان وبلىسىمىزداعى ءار ۇلت كادرلارى مەن بۇقاراسىنان، ىلەدە تۇراتىن ازاتتىق ارميانىڭ كوماندير - جاۋىنگەرلەرىنەن، قارۋلى ساقشىنىڭ وفيتسەر – جاۋىنگەرلەرىنەن، قوعام حاۋىپسىزدىگى كادر – ساقشىلارىنان، قالىڭ تىڭ يگەرۋشى قىزمەتكەرلەردەن، شينجياڭعا كومەككە كەلگەن كادرلار مەن ىلەنىڭ دامۋىن، كوركەيۋىن قولداعان ءار سالاداعى قايراتكەرلەردەن شىنايى حال سۇرادى جانە ولارعا ىزگى تىلەك ءبىلدىردى. مەرەكە كەزىندە جاپا - ماشاقاتقا قاراماستان قىزمەت ورىندارىندا ىستەپ جاتقان جولداستاردان شىنايى حال سۇرادى جانە ولارعا العىس ايتتى.

　　وبلىسىمىزدىڭ بيىلعى قول جەتكىزگەن ءتۇرلى جەتىستىكتەرىنە توقتالعاننان كەيىن حۋاڭ سانپيڭ بىلاي دەدى: قازىر وبلىسىمىزدىڭ قوعامى ورنىقتى، ەكونوميكاسى دامىدى، حالىق تۇرمىسى جاقساردى، شەكارا بەكەمدەلدى، ءتۇرلى ىستەر جاپپاي ىلگەرىلەپ، ءار ۇلت حالقى شات – شادىمان تۇرمىس كەشىرۋدە. بۇل جەتىستىكتەر وڭايلىقپەن قولعا كەلگەنى جوق. ول پارتيا ورتالىعىنىڭ جانە اۆتونوميالى رايوندىق پارتكومنىڭ شىنايى قامقورلىعىنىڭ، دۇرىس باسشىلىعىنىڭ ناتيجەسى، ىلەدەگى ءۇش ميلليون حالىقتىڭ اقىل – پاراساتى مەن قان – تەرىنىڭ جەمىسى.

　　حۋاڭ سانپيڭ بىلاي دەپ اتاپ كورسەتتى: بيىل «13-بەس جىلدىقتىڭ» باستالعان جىلى ءارى ج ك پ 18-كەزەكتى ورتالىق كوميتەتىنىڭ التىنشى جالپى ءماجىلىسى، اۆتونوميالى رايوننىڭ 9-رەتكى پارتيا قۇرىلتايى اشىلاتىن قۋانىشتى جىل.سوندىقتان دا بۇدان كەيىنگى قىزمەتتەردى ويداعىداي ىستەۋ، ونىمدىلىككە كەپىلدىك ەتۋ بارىنشا ماڭىزدى. ءبىز ساياسيدى دارىپتەپ، كۇش -قۋاتتى ارتتىرىپ، قالتقىسىز ادالدىقتى ساقتاپ، ورتالىقتىڭ، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىنىڭ ىلەدە تياناقتانۋىنا، ونىمدىلىك كورسەتۋىنە كەپىلدىك ەتۋىمىز؛ ءبىز نىساناعا قاداعالاي نازار اۋدارىپ، ورنىقتىلىققا كەپىلدىك ەتىپ، ستراتەگيالىق قورعاندى ويداعىداي ساقتاپ، ىلەنىڭ ورنىقتىلىعىن قورعاۋدىڭ بەرىك قامالىن، قۇرىش قورعانىن قۇرۋىمىز؛ ەكونوميكانى مىقتى يگەرىپ، دامۋدى جەبەپ، كورىكتى ىلە قۇرۋىمىز؛ حالىق تۇرمىسىنا تيىمدىلىك جاساپ، جۇرت تىلەگىن توعىستىرىپ، حالىققا شىن پەيىلمەن قىزمەت وتەپ، ءار ۇلت بۇقاراسىنىڭ تابىس سەزىمىن ۇزدىكسىز جوعارىلاتۋىمىز؛ ستيلدە بۇرىلىس جاساپ، ساياسي ەكولوگيانى كىرشىكسىزدەندىرىپ، اۆتونوميالى رايوننىڭ، اۆتونوميالى وبلىستىق پارتكومنىڭ شەشىمدەرى مەن ورنالاستىرۋلارىن باتىل، دايەكتى اتقارىپ، ءاربىر قىزمەت، ءاربىر بۋىنداردى مىقتى يگەرەتىن، باسقاراتىن، جاۋاپتى بولاتىن ادام بولۋىنا جانە ءاربىر ساياساتتىڭ، ءاربىر شارانىڭ تۇگەلدەي تياناقتانۋىنا، ونىمدىلىگىن كورسەتۋىنە كەپىلدىك ەتۋىمىز كەرەك.

　　حۋاڭ سانپيڭ مىنانى باسا دارىپتەدى: قازىر مەرەكە دە كوپ، قۋانىشتى ىستەر دە كوپ. ءار ۇلت كادر -جۇرتشىلىعىنىڭ مەرەكەنى كوڭىلدى وتكىزۋىنە مۇمكىندىك جاراتۋمەن بىرگە ءارقايسى اۋدان، قالا، تاراۋلار مەن ورىندار كەزەكشىلىك قىزمەتىن ويداعىداي تياناقتاندىرىپ، ەڭ تومەنگى شەكتى ساقتاپ، قىزىل سىزىقتان اتتاماي، مەرەكەنى پاك، جاراسىمدى، كوڭىلدى وتكىزۋلەرى كەرەك.

　　سوڭىنان ءار ۇلت، ءار سالا ۋاكىلدەرى ءسوز سويلەدى.

　　وبلىستىق ساياسي كەڭەستىڭ مۇشەسى، وبلىستىق سۋ ىستەرى مەكەمەسى اۋرۋدان ساقتانۋ، سۋ ساپاسىن جاقسارتۋ كەڭسەسىنىڭ ورىنباسار مەڭگەرۋشىسى جىڭ يان بىلاي دەدى: «12-بەس جىلدىقتان» بەرى وبلىسقا توتە قاراستى ورىنداردىڭ اۋىل-قىستاقتارىنداعى جاڭادان ارتقان حاۋىپسىز سۋ تۇتىناتىن وتباسى 224 مىڭعا جەتىپ، 631 مىڭ ادامنىڭ اۋىز سۋ حاۋىپسىزدىگى ماسەلەسى شەشىلدى. سۋ ىستەرى سالاسىنىڭ قىزمەتكەرى بولۋ سالاۋاتىممەن ىلەنىڭ سۋ ىستەرى تاريحىنداعى وراسان زور وزگەرىستەرگە كۋا بولدىم. «شارۋالاردىڭ تازا قۇبىر سۋىن تۇتىنىپ، قۋانىشقا تولى بەينەسىن كورگەندە، مەندە سولار سياقتى باقىتتى سەزىمدە بولامىن. ويتكەنى بۇل ۇلى وتانىمىز بەن پارتيامىزدىڭ بىزگە باعىشتاعان باقىتتى تۇرمىسى».

　　قۇلجا قالاسى قازانشى ءىس باسقارماسى گۋاڭميڭ كوشەسى الەۋمەتتىك رايونى پارتيا ياچەيكاسىنىڭ شۋجيى چىن شيا سوزىندە بىلاي دەدى: 2015 – جىلى الەۋمەتتىك اۋماقتىڭ جاڭا قىزمەت بازاسى قۇرىلدى. ىشتە دە، سىرتتا دا جۇرتشىلىق قيمىل جاسايتىن ورىندار تولىق بولدى. قازىر مۇندا كەلسەڭىز ءتۇرلى دەنەتاربيە قيمىلدارىمەن كوڭىلدى، الاڭسىز شۇعىلدانىپ جاتقان ءار ۇلت تۇرعىندارىن، بالالاردى كورەسىز.

　　وبلىستىق جۇڭگوشا ەمدەۋ شيپاحاناسى قازاق شيپاگەرلىگى سۇيەك ءبولىمىنىڭ مەڭگەرۋشىسى، مەملەكەتتىك ۇلتتار ىنتىماعىنىڭ ۇزدىگى جاڭاگۇل اسەن قىزى بىلاي دەدى: ءبىزدىڭ بولىمىمىزدە حانزۋ، قازاق، ۇيعۇر، قىرعىز، حۇيزۋ ۇلتتارى بار. 28 جىلدان بەرى بۇل ورتانىڭ بەرەكە – بىرلىكتى تاماشا اۋانى ماعان توتەنشە جاقسى اسەر قالدىردى. مەنىڭ ۇلتتار ىنتىماعى، قوعام ورنىقتىلعىنىڭ ماڭىزدىلىعى جونىندەگى تانىمىمدى ءتىپتى دە تەرەڭدەتىپ، ۇلتتار ىنتىماعى قىزمەتىن ويداعىداي ىستەۋ جونىندەگى بەكىمىمدى، سەنىمىمدى نىعايتا ءتۇستى. مەن ءبىر از ۇلت ەمدەۋ قىزمەتكەرى سيپاتىممەن، ۇلتتىق بولشەكتەۋشىلىككە باتىل قارسى تۇرىپ، تەرەزەسى تەڭ ىنتىماقتى، قايىرىمدى، بەرەكەلى ۇلت قاتىناسىنىڭ نىعايا بەرۋى ءۇشىن ءوز ۇلەسىمدى قوسامىن.

　　اڭگىمە ماجىلىسىندە وبلىسىمىزدىڭ مادەنيەت – كوركەمونەر قىزمەتكەرلەرى كوپشىلىككە تاماشا ويىن نومىرلەرىن كورسەتتى.

　　لي ميڭحۇي، ءانۋار ءابدۇشكۇر، لۋ شۋجياڭ، نۇرجۇما جاقاي ۇلى، جاۋ تيانجيە، ءابدۇسالام سادىق، ۋ فىڭجۇن، گۇلزيرا ءنۇرادىل قىزى، رازيا ابليز، جاڭ جۇي، زاكىر زوردۇن، گاۋ چي، توقمۇقامەت سىرايىل ۇلى، جاڭ شينشىڭ، اسەت ءانۋار قاتارلى وبلىس باسشىلارى اڭگىمە ماجىلىسىنە قاتىناستى.

　　كەلۋ قاينارى: «ىلە گازەتى» - ىلە اقپارات تورابى