- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون قۇربان ايت بايلانىسىمەن شاي ءماجىلىسىن وتكىزدى
چىن چۋانگو ءسوز سويلەدى، شوكىرات زاكىر باسقاردى نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن قاتىناستى
2016.09.13 11:01 كەلۋ قاينارى : شينجياڭ گازەتى
ءتىلشىمىز ياۋ تۇڭ 10 - قىركۇيەكتە ۇرىمجىدەن حابارلايدى. مۇسىلمان قاۋىمىنىڭ ءداستۇرلى مەيرامى قۇربان ايت پەن جۇڭحۋا ۇلتىنىڭ ءداستۇرلى ورتا كۇز مەرەكەسى تاياپ كەلەدى. بۇگىن تۇستەن بۇرىن، اۆتونوميالى رايوننىڭ 2016 - جىلعى قۇربان ايتقا ارنالعان شاي ءماجىلىسى شينجياڭ سيلى قوناقتار سارايىندا وتكىزىلدى، ءار ۇلت، ءار سالا ۋاكىلدەرى قۋانىشپەن باس قوسىپ، مەرەكەنى بىرگە تويلادى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ىستىق ىقىلاسقا تولى ءسوز سويلەپ، اۆتونوميالى رايوندىق پارتكوم مەن ۇكىمەت اتىنان اۆتونوميالى رايونداعى ءار ۇلت مۇسىلمان جۇرتشىلىعىنا تاماشا تىلەك ءبىلدىرىپ، اۆتونوميالى رايونداعى ءار ۇلت كادر - جۇرتشىلىعىنا جانە شينجياڭ قىزمەتىنە كوڭىل بولگەن، قولداۋ كورسەتكەن ءار سالا قايراتكەرلەرىنە باياندى باقىت تىلەدى.
يگىلىككە جايىلعان داستارقاندا بەرەكە - بىرلىك تىلگە تيەك بولدى. شينجياڭ سيلى قوناقتار سارايىنىڭ ءماجىلىس ورتالىعى مەرەيگە شومىپ، اينالادان قۋانىش پەن ىرىسقا تولى مەرەكەنىڭ لەبى ەستى.
شاي ماجىلىسىنەن ىلگەرى، چىن چۋانگو قاتارلى اۆتونوميالى رايون باسشىلارى ءار ۇلت، ءار سالا ۋاكىلدەرىمەن ىقىلاستى تۇردە قول الىسىپ، ءوزارا قۇتتى بولسىن ايتىستى.
شاي ءماجىلىسىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باسقاردى. اۆتونوميالى رايون مەن بيڭتۋان باسشىلارىنان نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، حۋاڭ ۋي، شاۋكەت يمىن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ما شۋەجۇن، پىڭ جيارۇي، ليۋ شينچي شاي ماجىلىسىنە قاتىناستى.
چىن چۋانگو ءسوز سويلەپ، بىلاي دەدى: پارتيا ورتالىق كوميتەتى شينجياڭ قىزمەتىنە باسا نازار اۋدارىپ، ايرىقشا قامقورلىق جاساپ كەلەدى. شينجياڭ بەيبىت جولمەن ازات بولعان 60 نەشە جىلدان بەرى، تيانشاننىڭ تۇستىگى مەن تەرىستىگىندە تاڭداي قاقتىرارلىق عالامات وزگەرىستەر جارىققا شىقتى. اسىرەسە، پارتيانىڭ 18 - قۇرىلتايىنان بەرى شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىن بۇرىن بولماعان ستراتەگيالىق بيىككە كوتەرىپ، بۇرىن بولماعان ايرىقشا قامقورلىققا بولەپ، شينجياڭنىڭ ءتۇرلى ىستەرىنىڭ ارشىنداي العا باسۋىن پارمەندى تۇردە جەبەپ، شينجياڭنىڭ قوعام ورنىقتىلىعى مەن باياندى تىنىشتىعىن ىسكە−اسىرۋعا بەرىك نەگىز قالادى. قول جەتكەن وسى تابىستار −−−−−شي جينپيڭ جولداس باس شۋجي بولعان پارتيا ورتالىق كوميتەتىنىڭ تاباندى باسشىلىعى مەن شىنايى قامقورلىعىنىڭ ناتيجەسى، بۇكىل ەلدەگى ءار ۇلت حالقىنىڭ قالتقىسىز جاردەمدەسىپ، جابال قولداۋىنىڭ ناتيجەسى، شينجياڭداعى ءار ۇلت كادر - جۇرتشىلىعىنىڭ جۇدىرىقتاي جۇمىلىپ، قاجىرلىلىقپەن كۇرەس جۇرگىزۋىنىڭ ناتيجەسى، ونى بارىنشا قاستەرلەپ، قايراتقا قايرات ۇستەۋىمىز قاجەت.
چىن چۋانگو بىلاي دەدى: شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىنە زور ءۇمىت ارتىپ، ايقىن تالاپتار قويىپ وتىر. شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىنە باسا نازار اۋداردى، باس شۋجي شي جينپيڭ شينجياڭدا قىزمەت تەكسەرىپ ءارى ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە ماڭىزدى ءسوز سويلەپ، زامان تىنىسىن بولجاپ، كەمەلدى جوبا جاساپ، پارتيا مەن مەملەكەت ىستەرى دامۋىنىڭ جالپى جاعدايىن نازارعا الىپ، ىشكى جانە حالىقارالىق جالپى جاعدايدى− ءبىر تۇتاس جوسپارلاپ، شينجياڭنىڭ احۋالىنا عىلمي تالداۋ جاساپ، شينجياڭ قىزمەتىنىڭ باستى نىساناسىن قوعام ورنىقتىلىعى مەن باياندى تىنىشتىق دەپ ايقىنداپ، شينجياڭ قىزمەتىن ونان سايىن جاقسى ىستەۋگە باعىت - باعدار نۇسقاپ، ءتۇبىرلى ولشەم مەن قۋاتتى قوزعاۋشى كۇش ازىرلەدى.
چىن چۋانگو بىلاي دەدى: شي جينپيڭ جولداس باس شۋجي بولعان پارتيا ورتالىق كوميتەتىنىڭ تاباندى باسشىلىعى تۇرعاندا، ءبىز شينجياڭنىڭ بولاشاعىنا تاۋداي سەنىم ارتامىز. شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى ساياسات، باستى باعىتتارى ايقىندالدى، ەندىگى تەتىك تىڭعىلىقتى تياناقتاندىرۋدا تۇر. شي جينپيڭ جولداس باس شۋجي بولعان پارتيا ورتالىق كوميتەتىنىڭ شىنايى ءۇمىتى مەن اۆتونوميالى رايونداعى ءار ۇلت حالقىنىڭ تاماشا− ومىرگە دەگەن اڭسار - تىلەگىنە سايكەس، ءسوز جوق، باس شۋجي شي جينپيڭنىڭ ماڭىزدى سوزدەرىنىڭ رۋحىن، اسىرەسە، شينجياڭ قىزمەتى جونىندەگى نۇسقاۋلارىنىڭ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە جانە شينجياڭدا قىزمەت تەكسەرگەندە سويلەگەن ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، قوعام ورنىقتىلىعى مەن باياندى تىنىشتىق دەگەن باستى نىسانانى تاپجىلماستان بەكەمدەپ، «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىن تىعىز ارقاۋ ەتىپ، جىبەك جولى ەكونوميكالىق بەلدەۋىنىڭ وزەكتى رايونىن قۇرۋدىڭ تاريحي ورايىن ۇتىمدى پايدالانىپ، شينجياڭدى زاڭمەن جونگە سالۋعا، شينجياڭدى ىنتىماقتاستىرۋعا جانە ورنىقتىرۋعا، شينجياڭدى ۇزاق ۋاقىت گۇلدەندىرۋگە تاباندى بولىپ، قىزمەتتىڭ تۇراقتىلىعىن، جالعاستىلىعىن، ۇلاسپالىلىعىن ساقتاپ، ءورىس اشا جاڭالىق جاساپ، شىن يگەرىپ، شىنايى ىستەپ، شينجياڭنىڭ قوعام ورنىقتىلىعى مەن باياندى تىنىشتىق ىستەرىن ۇزدىكسىز العا ىلگەرىلەتۋگە قۇلشىنۋعا ءتيىسپىز.
چىن چۋانگو بىلاي دەدى: شينجياڭدا «اعايىن تاتۋ بولسا، ات كوپ، ابىسىن تاتۋ بولسا، اس كوپ» دەگەن ماقال بار. شي جينپيڭ جولداس باس شۋجي بولعان پارتيا ورتالىق كوميتەتىنىڭ تاباندى باسشىلىعىمەن، ۇلتتاردىڭ ۇلى ىنتىماعى تۋىن بيىك ۇستاپ، ۇلتتار ىنتىماعىن كوز قاراشىعىمىزداي قورعاپ جانە جانىمىزداي قاستەرلەپ، اناردىڭ دانىندەي تىعىز توپتاسىپ، تىنىستاس، تاعدىرلاس، تىلەكتەس بولىپ، جۇرەكتەر مەن بىلەكتەردى بىرىكتىرىپ، جۇمىلا كۇرەس جۇرگىزىپ، شينجياڭنىڭ ءتىپتى جارقىن بولاشاعىن اشۋعا جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراسىن جاقسى جازۋعا قۇلشىنايىق!
مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، مەملەكەتتىك حالىق قۇرىلتايى ۇلت كوميتەتىنىڭ ورىنباسار مەڭگەرۋشى مۇشەسى اسحات كەرىمباي ۇلى شاي ماجىلىسىنە قاتىناستى.−−اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي−−كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى باسشىلارى شاي ماجىلىسىنە قاتىناستى.
اۆتونوميالى رايوننىڭ ورىنباسار ولكە دارەجەلى باسشىلىق− ورىندارىنان دەمالىسقا − زەينەتكە شىققان، قازىر ۇرىمجىدە تۇراتىن ءبىر ءبولىم قارت جولداستار؛ اۆتونوميالى رايوندىق پارتكومنىڭ ءبولىم - كوميتەتتەرىنىڭ، اۆتونوميالى رايوننىڭ كوميتەت، كەڭسە، مەڭگەرمە، مەكەمەلەرىنىڭ، حالىقتىق توپتاردىڭ، جوعارى وقۋ ورىندارىنىڭ، ءىرى، ورتا كاسىپورىنداردىڭ، ورتالىقتىڭ شينجياڭدا تۇراتىن مەكەمە −−ورىندارىنىڭ جاۋاپتىلارى؛ پارتيا 18 - قۇرىلتايىنىڭ، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى مەن مەملەكەتتىك ساياسي كەڭەستىڭ مۇشەلەرى جانە اۆتونوميالى رايوندىق حالىق قۇرىلتايى تۇراقتى كوميتەتىنىڭ مۇشەلەرى، اۆتونوميالى رايوندىق ساياسي كەڭەستىڭ تۇراقتى مۇشەلەرى، اۆتونوميالى رايونداعى دەموكراتيالىق پارتيا - توپتار مەن پارتيا دا، توپتا جوق قايراتكەرلەردىڭ ۋاكىلدەرى، ساۋدا - ونەركاسىپشىلەر بىرلەستىگىنىڭ ۋاكىلدەرى، وقۋ - اعارتۋ، عىلىم - تەحنيكا، مادەنيەت، سپورت، دەنساۋلىق ساقتاۋ جۇيەسىنىڭ ۋاكىلدەرى، ءدىني قايراتكەرلەردىڭ ۋاكىلدەرى، ەڭبەك وزاتتارى مەن ۇزدىك كوللەكتيۆتەردىڭ ۋاكىلدەرى، ۇلتتار ىنتىماعى، العاباسارلىعىنداعى ۇلگىلى وزاتتار مەن كوللەكتيۆتەردىڭ ۋاكىلدەرى، وتاندى ءسۇيىپ، ارميانى قولداۋدىڭ جانە ۇكىمەتتى قولداپ، حالىقتى ءسۇيۋدىڭ وزاتتارىنىڭ ۋاكىلدەرى، سونداي - اق قاھارمان ۇلگىلەردىڭ ۋاكىلدەرى سياقتى ءار ۇلت، ءار سالا ۋاكىلدەرى شاي ماجىلىسىنە قاتىناستى.
شاي ماجىلىسىندە ءار ۇلت ونەرپازدارى تارتىمدى كونسەرت كورسەتتى.
اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو 10 - قىركۇيەك تۇستەن بۇرىن قۇربان ايت شاي ماجىلىسىندە ءار ۇلت، ءار سالا ۋاكىلدەرىمەن ىقىلاسپەن اڭگىمەلەسىپ، مەرەكەنى بىرگە تويلادى.سۋرەتتى ءتىلشىمىز لۋ مين - ي تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
