- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون باسشىلارى قۇربان ايت قارساڭىندا از ۇلت قارت كادرلارىنان حال سۇرادى
2016.09.13 11:05 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، لي شيڭ، يۋان لەي، جاڭ لەي، جاڭ شياۋيان 9 - قىركۇيەكتە ۇرىمجىدەن حابارلايدى. مۇسىلمان جۇرتشىلىعىنىڭ ءداستۇرلى مەيرامى قۇربان ايت ورتاڭعى كۇز مەرەكەسىمەن بىرگە كەلدى. وسىعان وراي، جۋىردا اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، شينجياڭ ءوندىرىس - قۇرىلىس بيڭتۋانىنىڭ ساياسي كوميسسارى سۇن جينلۇڭ قاتارلى اۆتونوميالى رايون باسشىلارى اۆتونوميالى رايونداعى زەينەتكە، دەمالىسقا شىققان ورىنباسار ولكە دارەجەلىدەن جوعارى از ۇلت قارت كادرلارىنا جەكە - جەكە امانداسا بارىپ، ولاردان حال سۇراپ، اۆتونوميالى رايوندىق پارتكوم، اۆتونوميالى رايوندىق حالىق قۇرىلتايى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، بيڭتۋان جانە بۇكىل اۆتونوميالى رايونداعى ءار ۇلت حالقى اتىنان ساقا باسشىلارعا، قارت جولداستارعا مەرەكەلىك سالەم جولداپ، شينجياڭنىڭ رەفورما، دامۋ، ورنىقتىلىق ىستەرىنە ماڭىزدى ۇلەس قوسقان بۇكىل اۆتونوميالى رايونىمىزداعى ساقا باسشىلاردان، قارت جولداستاردان شىنايى حال سۇراپ، ولارعا شىن جۇرەكتەن العىس ايتتى.
الۋان گۇلدەر شەشەك اتىپ، اققۇيرىق ءشايدىڭ ءيىسى اڭقيدى، ۇستەل تولى جەمىس - جيدەك. قارت كادرلاردىڭ ءۇيى قاراپايىم بولسا دا مەرەكەلىك قۋانىشتىڭ مەرەيى ۇستەم ەكەن. قۋانىشتى كۇلكى مەن كوڭىلدى اڭگىمە شات - شادىمان مەرەكەنىڭ كۋاسى ىسپەتتى.
چىن چۋانگو، ما شۋەجۇن، پىڭ جيارۇي قاتارلىلار سىمايىل احىمەت، سىمايىل تىلەۋالدى، امۋدين نياز، ابدىرەيىم امۇت، ءجانابىل سىماعۇل ۇلى، ماينۇر قاسىمداردىڭ ۇيىنە بارىپ حال سۇراپ، قاتىستى جولداستار ارقىلى سىرت جەرلەردەگى تەمىر داۋامات پەن ابىلەت ابدىرەشيتكە سالەم جولدادى. چىن چۋانگو ساقا باسشىلارمەن، قارت جولداستارمەن ىقىلاستى، بۇكپەسىز اڭگىمەلەسىپ، ولاردىڭ دەنساۋلىق، تۇرمىس جاعدايىن ەگجەي - تەگجەيلى ۇعىسىپ، قاتىستى جولداستارعا ساقا باسشىلارعا، قارت جولداستارعا تىڭعىلىقتى قارايلاسۋدى، ولاردىڭ بۇدان بىلايعى ومىرلەرىن الاڭسىز وتكىزۋىنە، وزدەرىن كۇتىپ، ۇزاق جاساۋىنا مۇمكىندىك جاساۋدى قاداعالاي تاپسىردى. چىن چۋانگو بىلاي دەدى: ساقا باسشىلار، قارت جولداستار شينجياڭنىڭ رەفورما، دامۋ، ورنىقتىلىق ىستەرىنە جاستىق ورالىن ارناپ، ماڭداي تەرلەرىن توگىپ، ماڭىزدى ۇلەستەر قوستى. ولار سوتسياليستىك شينجياڭ قۇرۋدا ەڭبەگى سىڭگەن ارداگەرلەر، پارتيا مەن مەملەكەتتىڭ قىمباتتى بايلىعى. ءبىز ولاردىڭ تاريحي ەڭبەگىن ەسىمىزدە بەرىك ساقتاپ، ولاردىڭ تاماشا ءداستۇرىن ساۋلەلەندىرىپ، ولاردىڭ وسكەلەڭ رۋحىن جالعاستىرۋىمىز كەرەك. ساقا باسشىلاردىڭ، قارت جولداستاردىڭ ساياسي باسىمدىعىن، تاجىريبە باسىمدىعىن، ابىروي، بەدەل باسىمدىعىن ۇزدىكسىز ساۋلەلەندىرىپ، اۆتونوميالى رايوندىق پارتكومنىڭ قىزمەتىنە ءباز - باياعىسىنداي كوڭىل ءبولۋىن، قولداۋىن، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن تىڭ ۇلەستەر قوسۋىن شىن جۇرەكتەن ءۇمىت ەتەمىن.
شوكىرات زاكىر، جۋ حايلۇن، شاۋكەت يمىن، شۇڭ شۋانگو قاتارلىلار قۇربان روزى، ءشارىپقان كارىم ۇلى، قىزايجان سەيىلقوجا ۇلى، مامەتاسەن توحتالى، پاشا يشان، سۇلەيمەن نيەتقاۋىل، ديار قۇماش ۇلى، بەكمۇقامەت مۇسا ۇلى قاتارلىلاردىڭ ۇيىنە بارىپ، ساقا باسشىلارعا، قارت جولداستارعا مەرەكەلىك سالەم جولدادى. شوكىرات زاكىر بىلاي دەدى: ساقا باسشىلار، قارت جولداستار شينجياڭنىڭ رەفورما، دامۋ، ورنىقتىلىق ىستەرىنە ماڭىزدى ۇلەستەر قوسقان. ولار قىزمەت ورىندارىنان بوساعانىمەن، شينجياڭنىڭ ەكونوميكالىق، قوعامدىق دامۋىنا ءالى دە ايرىقشا كوڭىل ءبولىپ كەلەدى. ساقا باسشىلاردىڭ، قارت جولداستاردىڭ دەنساۋلىقتارىن ايالاپ، اۆتونوميالى رايوندىق پارتكوم مەن حالىق ۇكىمەتىنىڭ قازىرگى قىزمەتتەرى جونىنەن كوبىرەك پىكىر - ۇسىنىستار بەرىپ، اۆتونوميالى رايونىمىزدىڭ ءتۇرلى ىستەرىنىڭ دامۋى ءۇشىن ۇزدىكسىز سىندارلى اقىل - كەڭەستەر كورسەتۋىن ءۇمىت ەتەمىن.
نايىم ياسىن، شۇي حايرۇڭ، عانيبات سابىكەي ۇلى، شى داگاڭ قاتارلىلار قۇربان ارشيدىن، قايۇم باۋدۇن، ابدىقادىر ناسىردين، مامەتيمىن زاكىر، عۇپىر ابدوللا، دالەلقان ءماميقان ۇلى، مامەت روزى، ءماجيت ناسىر، ءيۇسىپ مۇحاممەد قاتارلىلاردىڭ ۇيىنە بارىپ امانداسىپ، حال سۇرادى. نايىم ياسىن ساقا باسشىلاردىڭ، قارت جولداستاردىڭ شينجياڭنىڭ ۇلتتار ىنتىماعى، دامىپ العا باسۋى ءۇشىن كورنەكتى ۇلەس قوسىپ، بەرىك نەگىز قالاعانىنا العىس ايتىپ، ساقا باسشىلاردىڭ، قارت جولداستاردىڭ دەنساۋلىقتارىن كۇتىپ، الداعى ومىرلەرىنىڭ قىزىعىن كورۋ العى شارتىندا وزدەرىندە بارىن ۇزدىكسىز ارناپ، شينجياڭنىڭ قوعام ورنىقتىلىعى مەن باياندى تىنىشتىعى سىندى باس نىسانانى جۇزەگە اسىرۋعا كوبىرەك اقىل - كەڭەس بەرۋىن ءۇمىت ەتتى.
نۇرلان ءابىلماجىن ۇلى، حۋاڭ ۋي، ەركىن تۇنياز، تيان ۋىن قاتارلىلار ءامينا عاپار، قوجىحان حاكىموۆ، ما جيانگو، كى لي، مامەتروزى ساپار قاتارلىلاردىڭ ۇيىنە بارىپ امانداسىپ حال سۇرادى، ولارعا دەگەن قۇرمەت پەن ىزگى تىلەكتەردى جەتكىزدى. نۇرلان ءابىلماجىن ۇلى ساقا باسشىلارعا، قارت جولداستارعا اۆتونوميالى رايوننىڭ قىزمەتتەرىنىڭ ورىستەتىلۋ احۋالىن تانىستىرىپ، ساقا باسشىلاردىڭ، قارت جولداستاردىڭ اۆتونوميالى رايوننىڭ قوعام ورنىقتىلىعى مەن باياندى تىنىشتىعى ءۇشىن بەرىك نەگىز قالاپ بەرگەندىگىنە العىس ايتتى. ولاردىڭ وزىندە بارىن ۇزدىكسىز ارناپ، اۆتونوميالى رايوننىڭ ەكونوميكالىق، قوعامدىق دامۋىنداعى قىزمەتتەرىنە ۇزدىكسىز كوڭىل ءبولۋىن، قولداپ - قۋاتتاۋىن، اناعۇرلىم كوپ، اناعۇرلىم جاقسى پىكىر − ۇسىنىس بەرۋىن ءۇمىت ەتتى.
سۇن جينلۇڭ، لي شۋەجۇن، ءمۇتالىپ قاسىم قاتارلىلار روزى سىمايىل، مامەتجان امەت، جاپار ابەيبوللا، ايۇپ تەيىپ، حالچام ءسىلام، مامەت ءيۇسىپ، ماميتوۆ تۇرسىن، الپىسباي راقىم ۇلى، ءيۇسىپ ايسا قاتارلىلاردىڭ ۇيىنە بارىپ، ولاردىڭ دەنساۋلىق احۋالى مەن تۇرمىس جاعدايىن ەگجەي - تەگجەيلى ۇعىسىپ، مەرەكەلىك سالەم جولدادى. سۇن جينلۇڭ بىلاي دەدى: شينجياڭنىڭ ءتۇرلى ىستەرىندە قول جەتكەن وراسان زور تابىستاردا ساقا باسشىلاردىڭ، قارت جولداستاردىڭ ەسەلى ۇلەسى بار. ساقا باسشىلار، قارت جولداستار قىزمەت ورىندارىنان بوساعان بولسا دا، پارتيانىڭ ىستەرىنە ءالى دە ەرەكشە ىقىلاس تانىتىپ كەلەدى، بۇل ادامدى ايرىقشا اسەرلەندىرەدى. ساقا باسشىلار، قارت جولداستار وزدەرىندە بارىن ۇزدىكسىز ارناپ، اۆتونوميالى رايونعا جاقسى ويىن، سىندارلى ۇسىنىستارىن ايتىپ، شينجياڭدى بارىنشا كوركەيتۋگە تىزە قوسا كۇش شىعارۋىن ءۇمىت ەتەمىن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
