حىنان ولكەلىك پارتكومنىڭ بۇرىنعى تۇراقتى مۇشەسى، لوياڭ قالالىق پارتكومنىڭ بۇرىنعى شۋجيى چىن شۋەفىڭ ءبىرىنشى سوتتا مەرزىمسىز قاماق جازاسىنا ۇكىم ەتىلدى

2017.06.01 15:18   كەلۋ قاينارى : حالىق تورابى

　　حالىق تورابى، 1 – ماۋسىم، بەيجيڭ. 31 – مامىر، حۋبەي ولكەسى جيڭجوۋ قالالىق ورتا دارەجەلى حالىق سوتى حىنان ولكەلىك پارتكومنىڭ بۇرىنعى تۇراقتى مۇشەسى، لوياڭ قالالىق پارتكومنىڭ بۇرىنعى شۋجيى چىن شۋەفىڭنىڭ پارا الۋ، قيانات جاساۋ، مەملەكەت مەنشىگىندەگى سەرىكتىك قىزمەتكەرى بولعان ۇقىعىنان الباتى پايدالانۋ دەلوسىنا اشىق سوت جۇرگىزىپ، چىن شۋەفىڭ پارا الۋ قىلمىسىن وتكىزگەنى ءۇشىن مەرزىمسىز قاماق جازاسىنا ۇكىم ەتىپ، ساياسي ۇقىعىنان ومىرلىك ماحرۇم ەتتى ءارى بارلىق مال – مۇلكى ءمۇسادرالاندى؛ قيانات جاساۋ قىلمىسىن وتكىزگەنى ءۇشىن 11 جىلدىق مەرزىمدى قاماق جازاسىنا ۇكىم ەتتى ءارى اقشالاي 700 مىڭ يۋاندىق ايىپ سالدى؛ مەملەكەت مەنشىگىندەگى سەرىكتىك قىزمەتكەرى بولعان ۇقىعىنان الباتى پايدالانۋ قىلمىسىن وتكىزگەنى ءۇشىن 4 جىلدىق مەرزىمدى قاماق جازاسىنا ۇكىم ەتتى، سوڭعى شەشىمدە مەرزىمىسز قاماق جازاسى اتقارىلاتىن بولىپ، ساياسي ۇقىعىنان ومىرلىك ماحرۇم ەتىلدى ءارى بارلىق مال – مۇلكى ءمۇسادرالاندى. چىن شۋەفىڭ سوتتىڭ ۇكىمىنە مويىنسال بولاتىنىن، جوعارىعا ارىز بەرمەيتىنىن ءبىلدىردى.

　　كەلۋ قاينارى: حالىق تورابى