كوكتوعاي اۋداننىڭ مالشىلارى تەلەۆيزوردان 18-قۇرىلتايدىڭ تىكە تارالىمىن كوردى

2012.11.08 16:53   كەلۋ قاينارى : حالىق تورابى

　　مۇقامادي ءشارىپ ۇلى مەن ەردوس حابارلايدى. مالشىلاردىڭ كوشى-قون كەزىندە پارتيانىڭ 18-قۇرىلتايىن كورۋىنە قولايلىلىق جاراتۋ ءۇشىن، كوكتوعاي اۋداندىق راديو-تەلەۆيزيا مەكەمەسى، اۋداندىق پارتكوم ۇيىمداستىرۋ ءبولىمىنىڭ الىس ارالىقتان وقىتۋ كەڭسەسىنىڭ تەحنيك-قىزمەتكەرلەرى جاساندى سەرىك ارقىلى تىكە قابىلداۋ جابدىعىن الىپ، اۋدان قالاشىعىنان 130 كيلومەتر شالعايداعى ۇلىڭگىر وزەنى بويىنداعى مالشىلار اراسىنا بارىپ، مالشىلىق رايونداعى پارتيا مۇشەلەرىن، مالشىلاردى پارتيا 18-قۇرىلتايىنىڭ تىكە تارالىمىن كورۋگە ۇيىمداستىردى. 34 جىلدىق پارتيالىق ستاجى بار جۇماقان قارت قۇم وتارىنا كوشۋ الدىندا پارتيا 18-قۇرىلتايىن كورۋ ءۇشىن 10 نەشە كيلومەتر جول باسىپ، وسى اراعا كەلىپ، سالتاناتتى ءماجىلىستىڭ تىكە تارالىمىن كوردى.

　　مالشىلاردىڭ كوشى-قون قىزمەتى بايلانىسمەن مالشىلار اراسىندا قىزمەت بابىمەن جۇرگەن تۇرعىن اۋىلىنىڭ ورىنباسار اۋىل باستىعى اماليات تىلشىگە: 18-قۇرىلتايدىڭ تىكە تارالىمنان پارتيانىڭ 17-كەزەكتى ورتالىق كوميتەتىنىڭ بايانداماسىن ەستىپ، قۇرىلتايدىڭ سالتاناتتى اشىلۋ مۇراسىمىن كوردىك، باس شۋجي بايانداماسىندا شەت-شەكارا، كەدەي رايونداردى، ۇلتتىق رايونداردى قولداۋ تەبىنىن ارتتىرۋدى ايتىپ ءوتتى، بۇدان بىلاي ءبىز 18-قۇرىلتايدىڭ رۋحىن مۇقيات ۇيرەنىپ، ەگىنشى-مالشىلاردىڭ تۇرمىسىن جاقسارتۋعا ءوز ۇلەسىمىزدى قوسۋىمىز كەرەك،-دەدى.

　　كەلۋ قاينارى: حالىق تورابى