شينجياڭدا ءبىر جەردە التىن مەتالى بايلىعى جاڭادان 24 مىڭ كيلوگرامنان استام ارتتى 

ءتىلشىنىڭ تارباعاتاي ايماقتىق جاراتىلىستىق بايلىق مەكەمەسىنەن ۇعىسۋىنشا، تارباعاتاي ايماعى بيىل التىن كەنىن بارلاۋ ارقىلى زاپاس قوردى ارتتىرۋدا جەتىستىككە قول جەتكىزگەن، التىن مەتالى بايلىعىنىڭ مولشەرى جاڭادان 24093.36 كيلوگرام ارتقان.

جىل باسىنان بەرى، تارباعاتاي ايماعى مول بايلىق قاينارىن تياناق ەتە وتىرىپ، جاڭا كەزەكتى كەن اشۋدا جەتىستىككە جەتۋ ستراتەگيالىق ارەكەتىنە ارقا سۇيەپ، قوعامدىق كاپيتالدى گەولوگيالىق بارلاۋدىڭ 72 نىسانىن قارجىلاندىرۋعا جانە اتقارۋعا جەتەلەپ، كەزەڭدىك قىزمەتتەردە كورنەكتى ونىمدىلىككە قول جەتكىزگەن. قازىرگە دەيىن، تارباعاتاي ايماعىندا التىن مەتالى رۋداسىنىڭ جاڭادان انىقتالعان مولشەرى جيىنى 8 ميلليون 916 مىڭ 500 توننا، التىن مەتالى بايلىعىنىڭ مولشەرى 24093.36 كيلوگرام بولعان، باستىستى مىنالاردى قامتيدى: تولى اۋدانى جەروشاق التىن كەنىندە ەگجەي – تەگجەيلى تەكسەرۋ جۇرگىزۋدە جاڭادان ارتقان التىن مەتالى بايلىق قاينارىنىڭ مولشەرى 3527 كيلوگرام، تولى اۋدانى گىزىدۇڭ التىن كەنىندە جاڭادان ارتقان التىن مەتالى بايلىق قاينارىنىڭ مولشەرى 12000 كيلوگرام ت.ب.

تارباعاتاي ايماقتىق جاراتىلىستىق بايلىق قاينارى مەكەمەسىنىڭ قاتىستى جاۋاپتىسىنىڭ ايتۋىنشا، تارباعاتاي ايماعى ءتۇيىندى تەكسەرەتىن وڭىرلەرگە، ءتۇيىندى بارلاۋ جۇرگىزەتىن وڭىرلەرگە جانە ماڭىزدى كەندەرگە نازاردى شوعىرلاندىرىپ، التىن، قولا، موليبدەن، حروم قاتارلى باسىمدىققا يە كەندەردى تابۋ تەبىنىن ۇزدىكسىز ارتتىرىپ، ماڭىزدى ەنەرگيا مەن كەن بايلىعىنىڭ زاپاس قورىن ارتتىرۋدى، ونى ءوندىرۋدى ارتتىرۋدى ىلگەرىلەتىپ، ەكونوميكا مەن قوعامنىڭ جوعارى ساپالى دامۋىن قامتاماسىزداندىرادى.

شينجياڭ ۇيعۇر اۆتونوميالى رايوندىق جاراتىلىستىق بايلىق مەڭگەرمەسىنىڭ قاتىستى قىزمەتكەرىنىڭ تانىستىرۋىنشا، شينجياڭنىڭ كەن بايلىعى مول، كومەسكى قۋاتى زور، ءتۇرلى كەن ونىمدەرىنەن 153 ءتۇرلى كەن ءونىمى بايقالعان، 103 ءتۇرلى بايلىق قاينارىنىڭ زاپاس مولشەرى بار ەكەنى انىقتالعان، جەكە – جەكە بۇكىل ەلىمىز بويىنشا %88 تى جانە %63 تى ۇستايدى، 77 ءتۇرلى كەن ءونىمىنىڭ انىقتالعان بايلىق قاينارىنىڭ زاپاس مولشەرى ەلىمىز بويىنشا الدىڭعى ون ورىندا. بيىل شينجياڭ ۇيعۇر اۆتونوميالى رايوندىق قازىنا تاراۋى بولەتىن قاراجاتىن بىلتىرعى 150 ميلليون يۋاننان 500 ميلليون يۋانعا ارتتىرعان، بۇل كەن ىزدەۋدە جاڭا جەتىستىككە قول جەتكىزۋدى ىلگەرىلەتەدى.

كەلۋ قاينارى: حالىق تورابى