پارتيا مەن ۇكىمەتتىڭ شارۋالار بۇقاراسىمەن تىعىز بايلانىس جاسايتىن كوپىرى، دانەكەرى بولىپ، قامداۋ - ساتۋ سەلبەستىك ىستەرىنىڭ جوعارى ساپالى دامۋىنىڭ تىڭ داستانىن قۇلشىنا جازۋ كەرەك

شينحۋا اگەنتتىگى، 11 - ايدىڭ 28 - كۇنى، بەيجيڭ. جۇڭحۋا مەملەكەتتىك قامداۋ - ساتۋ باس كووپەراتيۆى قۇرىلعاندىعىنىڭ 70 جىلدىعى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەردى ءارى بۇكىل ەلدەگى قامداۋ - ساتۋ كووپەراتيۆى جۇيەسىندەگى قالىڭ كادرلارعا، جۇمىسشى - قىزمەتكەرلەرگە ىقىلاستى سالەم جولدادى، ماداقتالىپ - سيلانعان وزات كوللەكتيۆتەر مەن وزات جەكەلەردى قىزۋ قۇتتىقتادى.

شي جينپيڭ بىلاي دەپ اتاپ كورسەتتى: 70 جىلدان بەرى قامداۋ - ساتۋ كووپەراتيۆى باستان - اياق پارتيانىڭ وزەكتى مىندەتىن ارقاۋ ەتىپ، جالپى جاعدايعا ىرىقتىلىقپەن قىزمەت وتەپ، قالا - اۋىل بۇقاراسىنا قىزمەت وتەۋ، اۋىل - قىستاق ەكونوميكاسىن گۇلدەندىرۋ، كەدەيلىكتەن ارىلتۋدان قامال الۋعا دەم بەرۋ، شارۋالاردىڭ كىرىسىن ارتتىرۋدى جەبەۋ، اۋىل - قىستاقتى گۇلدەندىرۋدى ىلگەرىلەتۋ سياقتى جاقتاردا بەلسەندى رول اتقاردى.

شي جينپيڭ بىلاي دەپ باسا دارىپتەدى: جاڭا ءداۋىردىڭ جاڭا جورىعىندا ءار دارەجەلى پارتكومدار مەن ۇكىمەتتەر قامداۋ - ساۋدا كووپەراتيۆى قىزمەتىنە باسشىلىقتى جانە ونى قولداۋدى اناعۇرلىم كۇشەيتىپ، وسى كۇشتەن تولىق، ويداعىداي پايدالانۋى كەرەك. قامداۋ - ساۋدا كووپەراتيۆى جاڭا دامۋ ۇستانىمىن مۇقيات امالياتتا ايگىلەپ، اۋىل شارۋاشىلىعىنا، اۋىل - قىستاققا تامىر تارتىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، جالپىلىق رەفورمانى تەرەڭدەتىپ، مەحانيزمدە جاڭالىق اشۋدى كۇشەيتىپ، شارۋالاردىڭ وندىرىسىنە، تۇرمىسىنا قىزمەت وتەيتىن جانە وسى زامانعى اۋىل شارۋاشىلىعىنىڭ دامۋىن جەبەيتىن امبەباپ تۇعىردى ۇزدىكسىز قالىپتاستىرىپ، پارتيا مەن ۇكىمەتتىڭ شارۋالار بۇقاراسىمەن تىعىز بايلانىس جاسايتىن كوپىرى، دانەكەرى بولىپ، قامداۋ - ساۋدا سەلبەستىك ىستەرىنىڭ جوعارى ساپالى دامۋىنىڭ جاڭا تاراۋىن قۇلشىنا جازىپ، اۋىل - قىستاقتى جاپپاي گۇلدەندىرۋدى ىلگەرىلەتۋگە، اۋىل شارۋاشىلىعىندا قۋاتتى ەل قۇرۋدى جەدەلدەتۋگە اناعۇرلىم زور ۇلەس قوسۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ بىلاي دەپ اتاپ كورسەتتى: قامداۋ - ساۋدا كووپەراتيۆى باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، بورىش پەن جاۋاپكەرشىلىكتى ەستە بەرىك ساقتاپ، وزگەشە ابزالدىقتى ساۋلەلەندىرىپ، رەفورما جاساپ، جاڭالىق اشۋدى تەرەڭدەتىپ، شارۋاشىلىق باسقارۋ دەڭگەيىن كۇش سالا جوعارىلاتىپ، اۋىل شارۋاشىلىعىنا قىزمەت وتەۋ نەگىزىن ۇزدىكسىز بەكەمدەپ، اۋىل شارۋاشىلىق ءوندىرىس قۇرال - جابدىقتارىمەن قامداۋ، اۋىل شارۋاشىلىق ونىمدەرى اينالىمى، اۋىل شارۋاشىلىعىنا قوعامدانعان قىزمەت وتەۋ، قايتا تۋىندايتىن بايلىقتى جيناپ الىپ پايدالانۋ سياقتى ءتۇيىندى قىزمەتتەردىڭ جوعارى ساپالى دامۋىن ونان ارى ىلگەرىلەتىپ، شارۋالاردىڭ ءوندىرىسى مەن تۇرمىسىنا اناعۇرلىم ويداعىداي قىزمەت وتەپ، قالا مەن اۋىلدىڭ توعىسپالى دامۋىن ىلگەرىلەتۋدە، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋدە اناعۇرلىم زور رول اتقارۋى كەرەك.

جۇڭحۋا مەملەكەتتىك قامداۋ - ساتۋ باس كووپەراتيۆى قۇرىلعاندىعىنىڭ 70 جىلدىعىن اتاپ ءوتۋ ءماجىلىسى 11 - ايدىڭ 28 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى مەن لي چياڭنىڭ بەكىتۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ گوجۇڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: 70 جىلدىق داڭقتى ءداستۇرى بار قامداۋ - ساتۋ كووپەراتيۆى پارتيانىڭ 18 - قۇرىلتايىنان بەرى مەملەكەتتىڭ استىق حاۋىپسىزدىگىنە كەپىلدىك ەتۋگە، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە، اۋىل - قىستاقتى جاپپاي گۇلدەندىرۋدى ىلگەرىلەتۋگە ماڭىزدى ۇلەس قوستى. جاڭا ءداۋىردىڭ جاڭا جورىعىندا بۇكىل ەلدەگى قامداۋ - ساتۋ كووپەراتيۆى جۇيەسى باس شۋجي شي جينپيڭنىڭ ماڭىزدى نۇسقاۋى مەن لي چياڭ زۇڭليدىڭ بەكىتۋىنىڭ تالابىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، قالا مەن اۋىلدىڭ توعىسپالى دامۋىن جەبەۋ، اۋىل - قىستاقتى جاپپاي گۇلدەندىرۋدى ىلگەرىلەتۋ بارىسىندا تاعى دا تىڭ ۇلەس قوسۋى كەرەك. پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، اۋىل شارۋاشىلىعىنا قىزمەت وتەۋ باس ماقساتىن ەستە بەرىك ساقتاپ، ءتۇيىندى سالالار مەن شەشۋشى بۋىندارداعى رەفورمانى تەرەڭدەتىپ، وزىندىك قۇرىلىستى جاپپاي كۇشەيتىپ، قامداۋ - ساتۋ سەلبەستىگى ىستەرىنىڭ جوعارى ساپالى دامۋىنىڭ تىڭ داستانىن جازۋ كەرەك.

ماجىلىستە ادام كۇشى بايلىعى جانە قوعامدىق قامتاماسىزداندىرۋ مينيسترلىگى، جۇڭحۋا مەملەكەتتىك قامداۋ - ساتۋ باس كووپەراتيۆى بىرلەسىپ مەملەكەتتىك قامداۋ - ساتۋ كووپەراتيۆى جۇيەسىندەگى وزات كوللەكتيۆتەردى، ەڭبەك وزاتتارىن جانە وزات قىزمەتكەرلەردى ماداقتاپ - سيلادى، سيلانعانداردىڭ ۋاكىلدەرى ءسوز سويلەدى.

جۇڭحۋا مەملەكەتتىك قامداۋ - ساتۋ باس كووپەراتيۆى 1954 - جىلى قۇرىلعان. 70 جىلدىق دامۋ ارقىلى قامداۋ - ساتۋ كووپەراتيۆى اۋىل شارۋاشىلىعىنا تۇتاس بارىس بويىنشا قوعامدانعان قىزمەت وتەۋدى كەڭەيتۋدى، قالا - اۋىل الەۋمەتتىك اۋماقتارىنا جان - جاقتى قىزمەت وتەۋدى كەڭەيتۋدى جەدەلدەتىپ، اۋىل شارۋاشىلىعىنا جان - جاقتى، كولەمدەنگەن، باياندى قىزمەت وتەۋ جۇيەسىن جەدەل قالىپتاستىرىپ، اۋىل - قىستاقتىڭ جاپپاي گۇلدەنۋىن ىلگەرىلەتۋدە، اۋىل شارۋاشىلىعىندا قۋاتتى ەل قۇرۋدى جەدەلدەتۋدە ەرەكشە ابزالدىعى مەن ماڭىزدى رولىن اتقارۋدا.

كەلۋ قاينارى: حالىق تورابى