جۇڭگو جاق دامىعان ەلدەردى دامۋ ۇستىندەگى ەلدەرگە كليمات جاعىندا جەتكىلىكتى قاراجات بەرىپ قولداۋ كورسەتۋگە ۇندەدى

جۇڭگو سىرتقى ىستەر مينيسترلىگىنىڭ مالىمدەمەشىسى لين جيان 11 - ايدىڭ 19 - كۇنى كەزەكتى تىلشىلەردى قابىلداۋ ءماجىلىسىن باسقاردى. ءبىر ءتىلشى G20 باسشىلار ماجىلىسىندەگى كليماتقا قاتىستى قاراجات ماسەلەسىنە قاتىستى تالقى جونىندە سۇراۋ سۇرادى.

لين جيان بىلاي دەدى: كليمات وزگەرىسى — ادامزات ورتاق ءدوپ كەلىپ وتىرعان سىناق، كليماتقا قاتىستى قاراجات — كليماتقا قاتىستى ارەكەتتەردى ورىستەتۋدەگى، لاس زاتتاردىڭ شىعارىلۋىن ازايتۋدى جانە نىساناعا سايكەسۋدى ىسكە اسىرۋداعى شەشۋشى تىرەك. قاراجاتتىڭ كەمشىل بولۋى — بارشا دامۋ ۇستىندەگى مەملەكەتتەر مەملەكەتتىڭ دەربەس ۇلەسىن اتقارۋ بارىسىندا ءدوپ كەلىپ وتىرعان سىناقتاردىڭ ءبىرى. قاراجاتتى كىم شىعارادى دەگەن ماسەلە جونىندە، «پاريج كەلىسىمشارتىندا» ايقىن بەلگىلەمە شىعارىلعان، دامىعان ەلدەر دامۋ ۇستىندەگى ەلدەردى قاراجاتپەن قامداپ، كومەك كورسەتۋگە بورىشتى، باسقا مەملەكەتتەر ءوز ەركىمەن قاراجات بوساتۋىنا بولادى.

جۇڭگو جاق دامىعان ەلدەردى تاريحي جاۋاپكەرشىلىگى جونىندە دۇرىس مامىلەدە بولىپ، دامۋ ۇستىندەگى مەملەكەتتەرگە جەتكىلىكتى، مەجەلەۋگە بولاتىن، باياندى قارجىلىق قولداۋ كورسەتۋگە، دامۋ ۇستىندەگى ەلدەردىڭ ادىلەتتىلىككە بۇرىلىس جاساۋدى ىسكە اسىرۋىنا دەم بەرۋگە، كەلەسى كەزەڭدەگى دۇنيە جۇزىندەگى كليماتقا قاتىستى ارەكەتتەرگە سەنىم مەن كەپىلدىك ازىرلەۋگە ۇندەيدى.

كەلۋ قاينارى: حالىق تورابى