حوتان قالاسى وسەك – اياڭعا تويتارىس بەرگەن مازمۇنداعى مالىمدەمە جاريالادى 

11 – ايدىڭ 11 – كۇنى، ينتەرنەتتەگى ءمالىم تەكشەدە بىرەۋلەر بەينەبايان جاريالاپ، ”الدىڭعى كۇنى حوتان قالاسىندا ءبىر تۇرعىندار عيماراتىنا ءورت كەتىپ، 2 ادام قازا بولدى“ دەپ جاريالاعان.

حوتان قالالىق ءورت ءوشىرۋ – قۇتقارۋ ۇلكەن اترەتىنىڭ تەكسەرىپ تۇراقتاندىرۋىنشا، 11 – ايدىڭ 9 – كۇنى حوتان قالاسىنا قاراستى وڭىرلەردە ادام ءولىم – ءجىتىمى بولاتىنداي ءورت اپاتى تۋىلماعان، اتالعان ينتەرنەت قولدانۋشىنىڭ جاريالاعان مازمۇنى تۇگەلدەي شىندىققا جاناسپايتىن ينفورماتسيا.

«جۇڭحۋا حالىق رەسپۋبليكاسىنىڭ ينتەرنەت حاۋىپسىزدىگى زاڭىنىڭ » 12 – تارماعىندا بىلاي دەپ ايقىن بەلگىلەنگەن: ءارقانداي جەكە مەن ۇيىم ينتەرنەتتەن پايدالانعان كەزدە نەگىزگى زاڭ مەن زاڭدارعا بويسۇنۋى، الەۋمەتتىك تارتىپكە بويسۇنۋى كەرەك، جالعان ينفورماتسيا قۇراستىرىپ جانە تاراتىپ، ەكونوميكا مەن قوعام ءتارتىبىن بۇلدىرۋگە، سونداي – اق، باسقالاردىڭ اتاق – ابىرويىنا، جەكەلىك قۇپيالىعىنا، ءبىلىم مەنشىك ۇقىعىنا جانە باسقا دا زاڭدى ۇقىق – مۇددەسىنە زيان جەتكىزۋگە بولمايدى.

حوتان قالالىق ينتەرنەت ينفورماتسياسى تاراۋلارى بارشا ينتەرنەت قولدانۋشىلارعا مىنانى ەسكەرتەدى: ينتەرنەتتە جاريالانعان ينفورماتسيا شىنايى، وبيەكتيۆ، دۇرىس بولۋى كەرەك. ينتەرنەت — زاڭنان تىسقارى جەر ەمەس، قاتىستى زاڭ – تۇزىمدەرگە قاتاڭ بويسۇنىپ، وسەك – اياڭ بايقاساڭىز دەر كەزىندە مالىمدەڭىز، پاك ينتەرنەت كەڭىستىگىن بىرگە قالىپتاستىرايىق.

كەلۋ قاينارى: حالىق تورابى