وسى اپتادا بۇكىل شينجياڭنىڭ باسىم كوپ جەرىندە جاۋىن – شاشىن بولادى سولتۇستىك شينجياڭدا تولاسسىز قار جاۋادى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (11 – ايدىڭ 11 – كۇنىنەن 17 – كۇنىنە دەيىن) بۇكىل شينجياڭنىڭ باسىم كوپ جەرىندە جاۋىن – شاشىن بولادى، مۇندا سولتۇستىك شينجياڭدا ەكى رەت قار جاۋىپ، بوران سوعادى، وڭتۇستىك شينجياڭنىڭ باتىس بولەگىندە ءبىر رەت جاۋىن – شاشىن بولادى. شينجياڭ اۋا رايى ستانسياسى ءىشىنارا جەرلەدە قالىڭ قار جاۋادى، بوران سوعادى نەمەسە قارلى بوران بولادى، ەگىن، مال شارۋاشىلىق ءوندىرىسى، جول قاتىناسى، قالا اينالىمى سياقتىلارعا ءتيىمسىز ىقپال تۋدىرۋىنان ساقتانۋدى ەسكەرتتى.

11 - ايدىڭ 13 - كۇنى كۇندىزدەن 15 - كۇنى كۇندىزگە دەيىن، سولتۇستىك شينجياڭنىڭ باسىم كوپ بولىگى جانە وڭتۇستىك شينجياڭنىڭ باتىس بولىگىندەگى تاۋلى وڭىرلەر، قۇمىل قالاسىنىڭ سولتۇستىك بولىگى قاتارلى جەرلەردىڭ ءىشىنارا وڭىرلەرىندە قار ارالاس جاڭبىر نەمەسە قار جاۋادى، مۇنىڭ ىشىندە سولتۇستىك شينجياڭنىڭ باتىس بولىگى، سولتۇستىك بولىگى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى، ىلە اڭعارىنىڭ تاۋلى وڭىرلەرى، بۇراتالا موڭعۇل اۆتونوميالى وبلىسىنىڭ تاۋلى وڭىرلەرى، التاي ايماعىنىڭ شىعىس بولەگىندەگى تاۋلى وڭىرلەردىڭ ءىشىنارا جەرلەرىندە قالىڭ قار جاۋادى؛ سولتۇستىك شينجياڭنىڭ باسىم كوپ بولەگىندە، شىعىس شينجياڭدا باتىس سولتۇستىكتەن 6 بال شاماسىندا بوران سوعادى، جەل وتتەرىندە 10 دا 11 بالعا جەتەدى، مەزەتتىك وتكىنشى بوران 12 بالعا جەتەدى؛ 12 – ايدىڭ 16 - كۇنىنەن 17 - كۇنىنە دەيىن ىلە اڭعارى، وڭتۇستىك شينجياڭنىڭ باتىس بولەگى قاتارلى جەرلەردىڭ ءىشىنارا وڭىرلەرىندە جاڭبىر نەمەسە قار جاۋادى، تاۋلى وڭىرلەردىڭ ءىشىنارا جەرلەرىندە ورتاشادان باستاپ قالىڭ قار جاۋادى.

شينجياڭ اۋا رايى ستانسياسى مىنانى ەسكەرتتى: وسى اپتادا تارباعاتاي ايماعىنىڭ سولتۇستىگىندەگى تاۋلى وڭىرلەردە، التاي ايماعىنىڭ تاۋلى رايوندارىندا ءۇرتىس قار جاۋادى، ءىشىنارا جەرلەردە قالىڭ قار نەمەسە ەرەكشە قالىڭ قار جاۋادى، جالپى قار مولشەرى كوپ بولادى، ساياحات پەن قاتىناس جولدارىنا ءتيىمسىز ىقپال جاسايدى، قاتىستى تاراۋلاردىڭ ساقتانۋدى كۇشەيتۋىن ۇسىنىس ەتەمىز. بۇدان سىرت، تاۋلى وڭىردە جاۋعان قار مەن بوران سولتۇستىك شينجياڭنىڭ قۇرىلعىلى اۋىل شارۋاشىلىعىنا، مال شارۋاشىلىق وندىرىسىنە ءتيىمسىز ىقپال جاسايدى، قاتىستى تاراۋلاردىڭ ساقتانۋدى كۇشەيتۋىن ۇسىنىس ەتەمىز.

كەلۋ قاينارى: حالىق تورابى