سىرتقى ىستەر مينيسترلىگىنىڭ مينيسترى جۇڭگو ۇكىمەتىنىڭ حۋاڭيان ارالىنا قاراستى تەڭىز الابىنىڭ نەگىزگى ءتۇيىنى مەن نەگىزدىك جەلىسىن جاريالاعانى جونىندە تىلشىلەردىڭ سۇراۋىنا جاۋاپ قايتاردى 

شينحۋا اگەنتتىگىنىڭ 11 – ايدىڭ 10 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى جۇڭگو ۇكىمەتىنىڭ حۋاڭيان ارالىنا قاراستى تەڭىز الابىنىڭ نەگىزگى ءتۇيىنى مەن نەگىزدىك جەلىسىن جاريالاعانى جونىندە 11 – ايدىڭ 10 – كۇنى تىلشىلەردىڭ سۇراۋىنا جاۋاپ قايتاردى.

ءتىلشى بىلاي دەپ سۇرادى: جۇڭگو ۇكىمەتى بۇگىن مالىمدەمە جاريالاپ، حۋاڭيان ارالىنا قاراستى تەڭىز الابىنىڭ نەگىزدىك جەلىسىن جاريالاعان. بۇل شارا فيليپپيننىڭ ”تەڭىز – مۇحيتتاعى وڭىرلىك زاڭدى“ شىعارعانىنا باعىتتالعان قارسى جازالاۋ شاراسى ما، جوق پا؟

مالىمدەمەشى مىنانى ءبىلدىردى: حۋاڭيان ارالى — ەجەلدەن بەرى جۇڭگونىڭ تەرريتورياسى. جۇڭگو ۇكىمەتى «بىرلەسكەن مەملەكەتتەر ۇيىمىنىڭ تەڭىز – مۇحيت شارتى» قاتارلى حالىقارالىق زاڭدار مەن «جۇڭحۋا حالىق رەسپۋبليكاسىنىڭ قاراستى تەڭىز بەن كورشىلەس ءوڭىر زاڭىنا» ساي، حۋاڭيان ارالىنىڭ قاراستىلىعىنداعى تەڭىز الابىنىڭ نەگىزدىك جەلىسىن بەلگىلەدى ءارى جاريالادى، بۇل جۇڭگو ۇكىمەتىنىڭ زاڭ تۇزىمگە ساي تەڭىز – مۇحيتتى باسقارۋدى كۇشەيتۋدەگى قالىپتى شاراسى، حالىقارالىق زاڭ مەن حالىقارالىق داعدىعا ۇيلەسەدى.

مالىمدەمەشى بىلاي دەدى: فيليپپيننىڭ اتالمىش ”تەڭىز – مۇحيتتاعى وڭىرلىك زاڭدى“ جاريالاۋداعى نيەتى — فيليپپيننىڭ ەل ىشىندە زاڭ جاساۋ ارقىلى نانحاي تەڭىزىنە قاتىستى تورەلىك ايتۋ دەلوسىنداعى زاڭسىز كەسىمدى بەكەمدەپ، جۇڭگونىڭ حۋاڭيان ارالى مەن نانشا توپ ارالىنىڭ كوپ ءبولىم ارالدارىن، مارجان قۇزدارىن جانە قاتىستى تەڭىز الابىن زاڭسىز تۇردە ءوزىنىڭ تەڭىز – مۇحيتىنىڭ كولەمىنە ەنگىزىپ، جۇڭگونىڭ نانحاي تەڭىزىندەگى يەلىك ۇقىعى مەن تەڭىز – مۇحيتتاعى ۇقىق – مۇددەسىنە اۋىر دارەجەدە سۇعاناقتىق جاساۋ. جۇڭگو جاق بۇعان باتىل قارسى تۇرادى، جالعاستى تۇردە زاڭ بويىنشا قاجەتتى بارلىق شارالاردى قولدانىپ، مەملەكەتتىڭ يەلىك ۇقىعى مەن تەڭىز – مۇحيتتاعى ۇقىق – مۇددەسىن باتىل قورعايدى.

كەلۋ قاينارى: حالىق تورابى