11 – ايدىڭ 7 - كۇنىنەن 9 - كۇنىنە دەيىن سولتۇستىك شينجياڭنىڭ باسىم كوپ جەرىندە ورتاشادان قالىڭ قارعا دەيىن جاۋادى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، ءبىرشاما كۇشتى سۋىق اعىستىڭ ىقپالىنان 11 – ايدىڭ 7 – كۇنىنەن 9 – كۇنىنە دەيىن سولتۇستىك شينجياڭنىڭ باسىم كوپ جەرىندە ورتاشادان قالىڭ قارعا دەيىن جاۋادى، ەڭ تومەنگى تەمپەراتۋرا ℃ 0 تان تومەن بولادى. بۇل جولى سولتۇستىك شينجياڭنىڭ باسىم كوپ وڭىرىندە تۇراقتى قاسات قار قالىپتاسادى، اسىرەسە، التاي ايماعىنىڭ تاۋلى وڭىرلەرىندە جالپى قار جاۋۋ مولشەرى ءبىرشاما كوپ بولىپ، قار - مۇز بايلىعىن اشۋ جانە دالالىق ساياحات سياقتى قيمىلداردى ورىستەتۋگە ۇيلەسەدى.

شينجياڭ اۋا رايى مەكەمەسىنىڭ شەشىم جاساۋعا قىزمەت وتەۋ باس مامانى جاڭ يۇنحۇي بىلاي دەدى: بۇل رەتكى سۋىق اعىس ءبىرشاما كۇشتى، وسىنىڭ ىقپالىنان سولتۇستىك شينجياڭنىڭ باسىم كوپ جەرىندە قار جاۋادى، ونىڭ ۇستىنە تەمپەراتۋرانىڭ تومەندەۋى ءبىرشاما زور بولادى، سۋىق اعىس وتكەن سوڭ تەمپەراتۋرا ءبىرشاما باياۋ جوعارىلاپ، تومەن تەمپەراتۋرانىڭ ساقتالۋ ۋاقىتى ءبىرشاما ۇزاق بولادى، بۇقارانىڭ ۋقىتىندا قالىڭ كيىنىپ، تۇماۋراتىپ قالۋدان ساقتانۋىن ءۇمىت ەتەمىز. بۇدان سىرت، جىلۋمەن قامداۋ تاراۋلارىنىڭ جىلۋمەن قامداۋ مولشەرىن دەر كەزىندە رەتتەپ، جىلۋمەن قامداۋ تەبىنىن قامتاماسىز ەتۋىن ۇسىنىس ەتەمىز.

كەلۋ قاينارى: حالىق تورابى