ەمدەۋ قامسىزداندىرۋىنداعى ءدارى – دارمەكتىڭ ”باعا سالىستىرۋ“ اتتى شاعىن پروگرامماسى ىركەس - تىركەس جەلىگە شىقتى!

ءتىلشىنىڭ مەملەكەتتىك ەمدەۋ قامسىزداندىرۋ مەكەمەسىنەن ۇعىسۋىنشا، 2024 – جىلى 7 – ايدان بەرى مەملەكەتتىك ەمدەۋ قامسىزداندىرۋ مەكەمەسىنىڭ ءبىرتۇتاس ورنالاستىرۋىندا، ءارقايسى ولكەلىك ەمدەۋ قامسىزداندىرۋ مەكەمەلەرى ءبىرتۇتاس جوسپارلانعان رايونداردىڭ بەلگىلەنگەن ءدارى دۇكەندەرىنىڭ ەمدەۋ قامسىزداندىرۋىنداعى ءدارى – دارمەك باعاسىن جاريا ۇستاۋ شاعىن پروگرامماسىن ورناتىپ، قامسىزداندىرۋعا قاتىناسۋشىلاردى بەلگىلەنگەن ءدارى دۇكەندەرىنىڭ باعاسىن سالىستىرۋ، ىزدەپ الۋعا جول كورسەتۋ سياقتى قىزمەت وتەۋمەن قامداپ، بازاردى جەتەكشى ەتكەن باعانى سالىستىرۋ مەحانيزمىن قالىپتاستىرۋدى ىلگەرىلەتىپ، بولشەك ساتىلاتىن دۇكەندەرىن ءدارى - دارمەكتىڭ باعاسىن بەلگىلەۋ قىزمەتىن جوعارىلاتۋعا جانە بۇقاراعا قىزمەت وتەۋدىڭ ولشەمدى، پايدالى بولۋىن جوعارىلاتۋعا جەتەكشىلىك ەتتى.

2024 – جىلى 7 - ايدان بەرى ىلگەرىندى - كەيىندى حىبەي، سانشي، ىشكى موڭعۇل قاتارلى 19 ولكە (اۆتونوميالى رايون، توتە قاراستى قالا)، سونداي - اق جىجياڭ حاڭجوۋ، انحۇيدىڭ حۋاڭشان، حىنان جوۋكوۋ، شينجياڭ التاي قاتارلى جەرلەردە ولكە بويىنشا نەمەسە بۇكىل قالانى قامتىعان ءتۇيىندى ءدارى دۇكەندەرىنىڭ باعا سالىستىرۋ شاعىن پروگرامماسىن ىركەس – تىركەس قولدانىسقا بەردى.

بۇقارا جەرگىلىكتى ەمدەۋ قامسىزداندىرۋ مەكەمەسىنىڭ App، ۋيچات شاعىن پروگرامماسى، ۋيچات الەۋمەتتىك ءنومىرى، جىفۋباۋ شاعىن پروگرامماسى قاتارلىلار ارقىلى ءدارى – دارمەكتىڭ باعاسىن سالىستىرىپ كورە الادى، ءدارى - دارمەكتىڭ باعاسىن قولتەلەفون ارقىلى ءبىر كنوپكانى عانا باسىپ تەكسەرە الادى، ناقتى ۋاقىت سالىستىرماسىن جانە تۇرعان ورنى كورسەتكىشىن كورە الادى، سونىمەن بىرگە، ءىشىنارا ولكەلەردە بەلگىلەنگەن ءدارى دۇكەندەرىنىڭ باعا سالىستىرۋ پروگرامماسى قامباداعى ينفورماتسيا، قالىپسىز باعا ەسكەرتۋى، باعا بەتالىسىنا تالداۋ جاساۋ سياقتى قاتىستى فۋنكسيالارمەن قامدايدى، بۇل جونىندە بۇقارا قىزۋ اڭىس ءبىلدىرىپ، بەلسەنە قولدادى.

كەلەسى قادامدا مەملەكەتتىك ەمدەۋ قامسىزداندىرۋ مەكەمەسى جەر – جەردىڭ ءتۇيىندى ءدارى دۇكەندەرىنىڭ باعا سالىستىرۋ شاعىن پروگرامماسى قۇرىلىسى مىندەتىن جەدەل تياناقتاندىرۋىنا جالعاستى جەتەكشىلىك ەتىپ، باعا سالىستىرۋ شاعىن پروگرامماسىن ءبىلۋ مولشەرى مەن پايدالانۋ مولشەرىن ۇزدىكسىز جوعارىلاتىپ، 2024 - جىلدىڭ سوڭىنان بۇرىن بارلىق ءتۇيىندى ءدارى دۇكەندەرىنە جالپىلاستىرىپ، بولشەك ساتۋ ءدارى دۇكەندەرى كاسىبىنە ءادىل، باسەكەلى بازار ورتاسىن جاراتادى، بۇقارانى اناعۇرلىم اشىق، جاريا ءدارى - دارمەك ساتىپ الۋ قىزمەت وتەۋىمەن قامداپ، ءدارى – دارمەكتى بولشەك ساتۋ كاسىبىنىڭ اقاۋسىز، ءتارتىپتى دامۋىن جەبەيدى.

كەلۋ قاينارى: حالىق تورابى