سىرتقى ىستەر مينيسترلىگىنىڭ مالىمدەمەشىسى ا ق ش – تىڭ جۇڭگونىڭ تايۋان رايونىنا ءبىر ميلليارد 988 ميلليون ا ق ش دوللارىندىق قارۋ – جاراق ساتىپ بەرۋدى بەكىتكەندىگى جونىندە تىلشىلەردىڭ سۇراۋىنا جاۋاپ بەردى

شينحۋا اگەنتتىگىنىڭ 10 – ايدىڭ 26 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى 10 – ايدىڭ 26 - كۇنى ا ق ش ـ تىڭ جۇڭگونىڭ تايۋان رايونىنا ءبىر ميلليارد 988 ميلليون ا ق ش دوللارىندىق قارۋ ـ جاراق ساتىپ بەرۋدى بەكىتكەندىگى جونىندە تىلشىلەردىڭ سۇراۋىنا جاۋاپ بەردى.

ءبىر ءتىلشى بىلاي دەپ سۇرادى: 10 – ايدىڭ 26 – كۇنى، ا ق ش قورعانىس مينيسترلىگى حابار جاريالاپ، ا ق ش مەملەكەتتىك كەڭەسى تايۋانعا قارۋ ـ جاراق ساتۋدى ءبىر ميلليارد 988 ميلليون ا ق ش دوللارىنا جەتكىزۋدى بەكىتتى، بۇل ”مەملەكەتتىڭ جەردەن اۋەگە اتىلاتىن وزىق باسقارىلمالى بومبى جۇيەسى“ مەن رادار جۇيەسىن قامتيدى دەگەندى ايتتى. جۇڭگو جاق بۇعان نە دەيدى؟

مالىمدەمەشى مىنانى ءبىلدىردى: ا ق ش – تىڭ جۇڭگونىڭ تايۋان رايونىنا قۇرال ساتىپ بەرۋى ءبىر جۇڭگو پرينسيبىنە جانە جۇڭگو مەن ا ق ش – تىڭ ءۇش بىرلەسكەن مازمۇنداماسىنا، اسىرەسە”17 - تامىز“ مازمۇنداماسىنىڭ بەلگىلەمەسىنە اۋىر دارەجەدە قايشى، جۇڭگونىڭ يەلىك ۇقىعى مەن حاۋىپسىزدىك مۇددەسىنە اۋىر دارەجەدە زيان جەتكىزىپ، جۇڭگو - ا ق ش بايلانىسىن اۋىر دارەجەدە ويراندايدى، تايۋان بۇعازىنىڭ تىنىشتىعى مەن ورنىقتىلىعىنا اۋىر زيان جەتكىزەدى، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە اۋىر قاتە سيگنال تاراتتى. جۇڭگو قاتاڭ جازعىرادى، باتىل قارسى تۇرادى، ا ق ش - قا قاتاڭ نارازىلىق بىلدىرەدى.

مالىمدەمەشى بىلاي دەدى: ا ق ش ”تايۋان ارقىلى جۇڭگونى شاۋجايلاۋعا“، ”قارۋ ارقىلى دەربەستىكتى قولداۋعا“ قاسارىستى، بۇل ا ق ش جاق باسشىلارىنىڭ ”تايۋاندى دەربەستەندىرۋدى قولداماۋ“ پوزيتسياسىنا مۇلدە قايشى، ەكى جاقتىڭ جۇڭگو - ا ق ش قاتىناسىن ورنىقتىرۋ قۇلشىنىسىنا مۇلدە قايشى. جۇڭگو ا ق ش - تى تايۋاندى قارۋلاندىرۋدى دەرەۋ توقتاتىپ، تايۋان بۇعازىنىڭ بەيبىتشىلىگى مەن ورنىقتىلىعىن بۇلدىرەتىن قاتەرلى ارەكەتىن دەرەۋ توقتاتۋعا قۋزايدى. جۇڭگو جاق بۇعان باتىل قارسى تۇرادى ءارى بارلىق قاجەتتى شارالاردى قولدانىپ، مەملەكەتتىڭ يەلىك ۇقىعىن، حاۋىپسىزدىگىن جانە تەرريتوريا تۇتاستىعىن باتىل قورعايدى.

كەلۋ قاينارى: حالىق تورابى