ءادىليا مينيسترلىگى پارتگرۋپپاسىنىڭ بۇرىنعى مۇشەسى، بۇرىنعى ورىنباسار مينيسترى ليۋ جىچياڭ تارتىپكە، زاڭعا اۋىر قايشىلىق جاساعاندىقتان پارتيادان ايدالدى

شينحۋا اگەنتتىگىنىڭ 10 ـ ايدىڭ 22 ـ كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ءادىليا مينيسترلىگى پارتگرۋپپاسىنىڭ بۇرىنعى مۇشەسى، بۇرىنعى ورىنباسار مينيسترى ليۋ جىچياڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنانى انىقتادى: ليۋ جىچياڭ مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، پارتياعا ادال بولماي، ۇيىمنىڭ تەكسەرۋىنە قارسىلىق كورسەتكەن؛ ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساپ، ۇكىمەت قىزمەتىن ءادىل اتقارۋعا ىقپال جەتكىزۋى مۇمكىن بولعان قوناعاسىنى قابىلداعان؛ ۇيىمدىق پرينسيپكە قايشىلىق جاساپ، ۇيىم حات ارقىلى سۇراستىرعاندا ماسەلەسىن شىنايى تۇسىندىرمەگەن، كادرلاردى تالداپ ءوسىرۋ، مىندەتكە تاعايىنداۋ قىزمەتىندە باسقالارعا پايدا جەتكىزگەن ءارى مالىك – مۇلىك العان؛ پاكتىكتىڭ سوڭعى شەگىنەن اتتاپ، بەلگىلەمەگە قايشى تارتۋ – تارالعى، اقشا، سونداي – اق تۇتىنۋ كارتوچكاسىن العان، قىزمەت ۇقىعىنان نەمەسە مىندەتىندەگى ىقپالىنان پايدالانىپ باسقالارعا پايدا جەتكىزگەن، تۋىس ـ تۋعاندارى مال ـ مۇلىك العان؛ قولىنداعى جالپىلىق ۇقىقتى باس پايداعا پايدالانىپ، مال - مۇلىك جيناۋدىڭ قۇرالى ەتكەن، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ، باسقالاردىڭ كاسىپورىن تيجاراتى، نىساندى كوتەرمەگە الۋ، كاسىبىن كەڭەيتۋ، قىزمەت دارەجەسىن جوعارىلاتۋ سياقتى جۇمىستارىنا كومەكتەسكەن ءارى زاڭسىز مال – مۇلىك العان.

ليۋ جىچياڭ پارتيانىڭ ساياسي تارتىبىنە، ۇيىمدىق تارتىبىنە جانە پاكتىك تارتىبىنە اۋىر دارەجەدە قايشىلىق جاساپ، مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ ءارى ج ك پ ورتالىق كوميتەتىنىڭ بەكىتۋى ارقىلى ليۋ جىچياڭعا پارتيادان ايداۋ جازاسىن بەرۋدى ۇيعاردى؛ بەلگىلەمە بويىنشا ونىڭ يگىلىكتەنەتىن مامىلەسىن كۇشىنەن قالدىردى؛ تارتىپكە، زاڭعا قايشىلىق جاساپ تاپقان تابىسىن ءمۇسادىرالادى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرەدى، وعان ساياتىن مال - مۇلىكتى بىرگە وتكىزىپ بەرەدى.

كەلۋ قاينارى: حالىق تورابى