جۇڭگو شۇعىل كومەك بەردى! 3601 ساندىق زات جەتكىزىلدى 

جەرگىلىكتى ۋاقىت بويىنشا 10 – ايدىڭ 21 – كۇنى ساعات 11 دەن 48 مينۋت وتكەندە، جۇڭگو ادامگەرشىلىك تۇرعىسىنان شۇعىل كومەككە بەرگەن ەمدەۋ بۇيىمدارى ليۆاننىڭ بەيرۋت حالىقارالىق اۋەجايىنا جەتكىزىلدى. ۇعىسۋعا قاراعاندا، وسى رەتكى ەمدەۋ بۇيىمدارى جيىنى 3601 ساندىق، مۇندا ناركوز ءدارىسى، كەڭىردەككە وتكىزەتىن ءبىر رەتتىك تۇتىكشە، وپەراتسيا كيىمى، وتتەگى ماسكىسى قاتارلى 65 ءتۇرلى زات قامتىلعان.

مەملەكەتتىك حالىقارالىق دامۋ – سەلبەستىك باسقارماسىنىڭ مالىمدەمەشىسىنىڭ 10 – ايدىڭ 8 – كۇنى ايتۋىنشا، جۋىردا ليۆان مەن يزرايل اراسىنداعى جاعداي ۋشىعىپ، ليۆاننىڭ كوپ جەرىندە حابارلاسۋ اسپاپتارى قوپارىلىس سەبەبىنەن ويراندالعان ءارى اۋە شابۋىلى وقيعاسى تۋىلعان، ءولىم – ءجىتىم جانە جارالانۋ جاعدايى كوپ بولعان. ليۆان ۇكىمەتىنىڭ وتىنىشىنە ساي، جۇڭگو ۇكىمەتى ليۆانعا ادامگەرشىلىك تۇرعىسىنان ەمدەۋ بۇيىمدارىن شۇعىل كومەككە اتاۋدى، وسى ارقىلى ليۆاننىڭ ەمدەۋ – قۇتقارۋ قىزمەتىن ورىستەتۋىنە كومەكتەسۋدى ماقۇلدادى.

كەلۋ قاينارى: حالىق تورابى