استانا اۋەجايى كەدەنى 53 دانا ەجەلگى تەڭگە اقشانى قولعا ءتۇسىردى 

جۇڭگو اقپارات تورابىنىڭ 10 – ايدىڭ 21 – كۇنى بەرگەن حابارى. ”كەدەن اقپاراتتارى“ ۋيشين تەكشەسىنىڭ حابارلاۋىنشا، جۋىردا بەيجيڭ كەدەنىنە قاراستى استانا اۋەجايى كەدەنى شەكارادان كىرىپ – شىققان جولاۋشىلاردى تەكسەرۋ بارىسىندا 53 دانا ەجەلگى تەڭگە اقشانى انىقتاپ قولعا تۇسىرگەن، بۇل مەملەكەت شەكارادان شىعارۋعا تيىم سالعان مادەني مۇرا سانالادى.

سۋرەت ”كەدەن اقپاراتتارى“ ۋيشين تەكشەسىنەن الىنعان

سول جەردەگى كەدەن قىزمەتكەرلەرى شەكارادان شىعاتىن ۇشاقتاعى جولاۋشىلاردىڭ جۇكتەرى مەن زاتتارىنا باقىلاۋ – باسقارۋ جۇرگىزگەن كەزدە، ءبىر جولاۋشىنىڭ جۇكتەرى مەن زاتتارىن تەكسەرۋ ماشيناسىمەن تەكسەرگەندى سۋرەتىندە قالىپسىزدىق بايقالعان، قىزمەتكەرلەر دەرەۋ توقتاتىپ، سومكاسىن اشىپ تەكسەرۋ جۇرگىزگەن. تەكسەرۋ ارقىلى بۇل جولاۋشىنىڭ جۇكتەرى مەن زاتتارىنىڭ اراسىنان 53 دانا ەجەلگى تەڭگە اقشانى تاپقان. مەملەكەتتىك مادەني مۇرالار مەڭگەرمەسىنىڭ تەكسەرىپ تۇراقتاندىرۋىنشا، بۇل ەجەلگى تەڭگە اقشالار سۇڭ پاتشالىعى داۋىرىندەگى قولا اقشا بولىپ، مەملەكەت شەكارادان شىعارۋعا تيىم سالعان مادەني مۇرا سانالادى ەكەن.

كەدەن مەكەمەسى مىنانى ەسكەرتەدى: «جۇڭحۋا حالىق رەسپۋبليكاسىنىڭ مادەني مۇرالاردى قورعاۋ زاڭىنداعى» بەلگىلەمەلەرگە ساي، مادەني مۇرالاردى شەكارادان شىعارماقشى بولعان كەزدە، مەملەكەتتىك كەڭەستىڭ مادەني مۇرالاردى اكىمشىلىك جاقتان باسقارۋ تاراۋلارى بەلگىلەگەن مادەني مۇرالاردى شەكارادان شىعارۋدى تەكسەرىپ تۇراقتاندىرۋ قۇرىلىمدارى تەكسەرىپ تۇراقتاندىرۋى كەرەك. تەكسەرىپ تۇراقتاندىرۋدان سوڭ شەكارادان شىعارۋعا رۇقسات بەرىلگەن مادەني مۇرالارعا مەملەكەتتىك كەڭەستىڭ مادەني مۇرالاردى اكىمشىلىك جاقتان باسقارۋ قۇرىلىمدارى مادەني مۇرالاردى شەكارادان شىعارۋ رۇقسات كۋالىگىن بەرەدى، مەملەكەتتىك كەڭەستىڭ مادەني مۇرالاردى اكىمشىلىك جاقتان باسقارۋ قۇرىلىمدارى بەلگىلەگەن وتكەلدەر ارقىلى شەكارادان شىعارۋ كەرەك. ءارقانداي ورىن مەن جەكە مادەني مۇرانى تاسىمالداۋ، پوچتا ارقىلى جولداۋ، ءوزى الىپ ءجۇرۋ ارقىلى شەكارادان شىعاراتىن بولسا، كەدەن مەكەمەسىنە ءوتىنىش تاپسىرۋى كەرەك، كەدەن مەكەمەسى مادەني مۇرانى شەكارادان شىعارۋ رۇقسات كۋالىگىنە قاراي وتىرىپ شەكارادان شىعۋعا رۇقسات بەرەدى. مادەني مۇرانى اتكەزشىلىكپەن شەكارادان شىعارۋ قىلمىس قالىپتاستىرادى، قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى.

كەلۋ قاينارى: حالىق تورابى