قۋانىشتى حابار! شينجياڭدا قالا - اۋىل تۇرعىندارىنىڭ نەگىزدىك زەينەتاقىسى جوعارىلاتىلدى

10 – ايدىڭ 21 – كۇنى، ءتىلشىنىڭ شينجياڭ ۇيعۇر اۆتونوميالى رايوندىق قوعامدىق قامسىزداندىرۋ ورتالىعىنان ۇعىسۋىنشا، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، قازىنا مينيسترلىگىنىڭ «2024 ـ جىلعى قالا - اۋىل تۇرعىندارىنىڭ نەگىزدىك زەينەتكەرلىك قامسىزداندىرۋىنىڭ مەملەكەتتىك نەگىزدىك زەينەتاقىسىنىڭ ەڭ تومەنگى ولشەمىن جوعارىلاتۋ جونىندەگى ۇقتىرۋىنىڭ» تالابىنا ساي، اۆتونوميالى رايوننىڭ ءبىرتۇتاس ورنالاستىرۋى بويىنشا، 2024 ـ جىلى 7 – ايدىڭ 1 – كۇنىنەن باستاپ، بۇكىل رايونداعى قالا - اۋىل تۇرعىندارىنىڭ زەينەتكەرلىك قامسىزداندىرۋ نەگىزدىك زەينەتاقىسىنىڭ ەڭ تومەنگى ولشەمى ادام باس سايىن 20 يۋان جوعارىلاتىلىپ، ايىنا 185 يۋانعا جەتتى.

تاياۋدا ءبىر ميلليون 348 مىڭ 600 قالا - اۋىل تۇرعىندارىنىڭ زەينەتكەرلىك قامسىزداندىرۋ مامىلەسىن العان ادامداردىڭ نەگىزدىك زەينەتاقىسى رەتتەلدى، ەندى قامسىزداندىرۋعا قاتىناسۋشىلاردىڭ قوعامدىق قامتاماسىزداندىرۋ كارتوچكاسىنا سالىندى. قالا - اۋىل تۇرعىندارىنىڭ نەگىزدىك زەينەتاقى مامىلەسىن رەتتەۋدى دەر كەزىندە تىڭعىلىقتى تاراتۋدى قامتاماسىز ەتۋ ءۇشىن، اۆتونوميالى رايوندىق قوعامدىق قامسىزداندىرۋ ورتالىعى الدىن الا جوسپارلاپ، جان ـ جاقتى ورنالاستىرۋ جاساپ، جۇيە ساندى مالىمەتتەرىن ورنالاستىرۋ، ساندى مالىمەت سالىستىرماسى، تولەۋدى رەتتەۋ سياقتى قىزمەتتەردى مۇقيات ويداعىداي ىستەدى.

قالا - اۋىل تۇرعىندارىنىڭ زەينەتكەرلىك قامسىزداندىرۋ مامىلەسى نەگىزدىك زەينەتاقى مەن جەكەلەر ەسەبىندەگى زەينەتاقىدان قۇرالادى. قامسىزداندىرۋعا قاتىناسقان ادام اقى تاپسىرۋ دارەجەسىن ءوزى تاڭداسا، جەكە ادامنىڭ اقى تاپسىرۋ دارەجەسى قانشالىق جوعارى بولسا، ۇكىمەتتىڭ قوسىمشا قاراجاتى دا سونشالىق كوپ بولادى، اقى تاپسىرۋ جىل شەگى ۇزارعان سايىن، جەكەلەردىڭ ەسەپ داپتەرىندەگى جينالعان جالپى سوما سونشالىق كوپ بولادى، زەينەتكە شىققان سوڭ الاتىن مامىلەسى دە سونشالىق جوعارى بولادى. شينجياڭداعى قالا - اۋىل تۇرعىندارىنىڭ زەينەتكەرلىك قامسىزداندىرۋ اقىسىن تاپسىرۋ دارەجەسى 12 دارەجە بولىپ، 200 يۋاننان 5500 يۋانعا دەيىن بولادى، قامسىزداندىرۋعا قاتىناسقان تۇرعىنداردىڭ 12 دارەجە بويىنشا ءوز ەركىمەن تاڭداۋىنا بولادى. ەڭ تومەنگى 200 يۋان دارەجە بويىنشا اقى تاپسىراتىندارعا قازىنالىق ەڭ تومەنگى قوسىمشا قاراجات 55 يۋان، ەڭ جوعارى بولعاندا 5500 يۋان دارەجە بويىنشا اقى تاپسىراتىندارعا قازىنالىق ەڭ تومەنگى قوسىمشا قاراجات 270 يۋان بەرىلەدى.

كەلەسى قادامدا، شينجياڭ ۇيعۇر اۆتونوميالى رايوندىق قوعامدىق قامسىزداندىرۋ ورتالىعى ۇگىتتەۋدى، جەتەكتەۋدى اناعۇرلىم كۇشەيتىپ، قالا - اۋىل تۇرعىندارىن قامسىزداندىرۋعا بەلسەنە قاتىناسۋعا، ۇزدىكسىز اقى تاپسىرۋعا شابىتتاندىرىپ جانە جەتەكتەپ، جەكەلەردىڭ ەسەپ ـ قيسابىنداعى قوردى ارتتىرادى. قالا - اۋىل تۇرعىندارىنىڭ زەينەتكەرلىك قامسىزداندىرۋ جۇمىسىن ءبىتىرۋ، قىزمەت وتەۋ قابىلەتى قۇرىلىسىنا اناعۇرلىم ءمان بەرىپ، بۇقارانىڭ قاجەتىنە دەر كەزىندە ءۇن قوسىپ، ماسەلەنى نىشان ەتۋدەن جازباي، دالمە – ءدال اتقارۋ، دالمە - ءدال تياناقتاندىرۋ جاعىنا كۇش سالىپ، قالا - اۋىل تۇرعىندارىنىڭ زەينەتكەرلىك قامسىزداندىرۋىنىڭ حالىقتىڭ نەگىزگى تۇرمىسىن قامتاماسىزداندىرۋداعى ماڭىزدى رولىن اناعۇرلىم ويداعىداي ساۋلەلەندىرىپ، ەكونوميكانىڭ جوعارى ساپالى دامۋ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك.

كەلۋ قاينارى: حالىق تورابى