وزگەرتىلگەن قولفوننىڭ ىشىنە التىن جاسىرىپ شەكارادان كىرگەن جولاۋشىنى كەدەن قىزمەتكەرلەرى انىقتاپ قولعا تۇسىرگەن 

جۇڭگو اقپارات تورابىنىڭ 10 – ايدىڭ 16 – كۇنى بەرگەن حابارى. ”كەدەن اقپاراتتارى“ ۋيشين تەكشەسىنىڭ حابارلاۋىنشا، جۋىردا مانجۋريا كەدەنىنە قاراستى مانجۋريا شىبالي كەدەنى مانجۋريا تاس جول كەدەنىندە جولاۋشىنىڭ وزگەرتىلگەن قولفوننىڭ ىشىنە التىن جاسىرىپ شەكارادان كىرۋىنە قاتىستى دەلونى انىقتاعان.

سۋرەتتىڭ كەلۋ قاينارى: ”كەدەن اقپاراتتارى“ ۋيشين تەكشەسى

سول كۇنى ساعات 9 دا، ءبىر جولاۋشى مانجۋري تاس جول وتكەلىنىڭ شەكارادان كىرگەن جولاۋشىلاردى تەكسەرۋ زالىنداعى ”ءوتىنىش بەرمەگەندەرگە ارنالعان ءدالىز“ ارقىلى شەكارادان كىرگەن كەزدە، كەدەن مەكەمەسىنە ەشقانداي زات الىپ كىرەتىنى تۋرالى ءوتىنىش تاپسىرماعان. سول جەردەگى كەدەن قىزمەتكەرلەرى اتالعان جولاۋشىنىڭ جۇكتەرىن X ساۋلەسى ارقىلى تەكسەرگەن كەزدە قالىپسىزدىقتى بايقاپ، جولاۋشىنى بوگەپ، تەكسەرۋ جۇرگىزگەن. ساندىعىن اشىپ تەكسەرۋ بارىسىندا، ونىڭ جۇكتەرىنىڭ اراسىنداعى قولفوننىڭ باتەريا سالاتىن جەرىنە جاسىرىلعان 240 گرامنان استام التىندى بايقاعان.

كەدەن تاراۋلارى مىنانى ەسكەرتەدى: قاتىستى بەلگىلەمەلەرگە ساي، جاسىرۋ، بۇركەمەلەۋ، مالىمدەمەۋ، جالعان مالىمدەۋ جانە باسقا تاسىلدەر ارقىلى كەدەننىڭ باقىلاۋ – تەكسەرۋىنەن جالتارىپ، مەملەكەت شەكارادان كىرگىزۋگە تيىم سالعان نەمەسە شەكتەمە قويعان جۇكتەردى، زاتتاردى نەمەسە زاڭ بويىنشا باجى تاپسىرۋعا ءتيىستى جۇكتەردى، زاتتاردى تاسىمالداۋ، الىپ ءجۇرۋ، پوچتادان سالۋ ارقىلى شەكارادان كىرگىزۋ اتكەزشىلىك ىستەۋ ارەكەتىنە جاتادى، سيپاتى اۋىر بولىپ، قىلمىس قالىپتاستىرعان جاعدايدا، قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى.

كەلۋ قاينارى: حالىق تورابى