10 – ايدىڭ 16 – كۇنىنەن 19 – كۇنىنە دەيىن سولتۇستىك شينجياڭنىڭ ءىشىنارا جەرلەرىندە نوسەر نەمەسە قالىڭ قار جاۋدى

10 – ايدىڭ 14 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، ءبىرشاما كۇشتى سۋىق اعىستىڭ ىقپالىنان، مەجەمەن 10 – ايدىڭ 16 – كۇنى كۇندىزدەن 19 - كۇنى تۇنگە دەيىن سولتۇستىك شينجياڭنىڭ ءىشىنارا جەرلەرىندە نوسەر نەمەسە قالىڭ قار جاۋادى، مۇنىڭ ىشىندە ىلە اڭعارى، بۇراتالا موڭعۇل اۆتونوميالى وبلىسىنىڭ باتىس بولەگى، تارباعاتاي ايماعى، التاي ايماعىنىڭ شىعىس بولەگى، شىحىزى قالاسىنىڭ وڭتۇستىگىنەن سانجى حۇيزۋ اۆتونوميالى وبلىسىنا دەيىنگى تاۋلى وڭىرلەردىڭ ءىشىنارا جەرلەرىندە نوسەر نەمەسە قالىڭ قار جاۋادى، كەي جەرلەردە ەرەكشە قالىڭ قار جاۋادى، تاۋلى رايونداردا جاڭادان جاۋعان قاردىڭ قالىڭدىعى 10 دا 35 سانتيمەترگە جەتەدى.

كۇشتى جاۋىن - شاشىن مەزگىلى: ىلە اڭعارىندا، بۇراتالا وبلىسىندا 10 – ايدىڭ 16 – كۇنى كۇندىزدەن تۇنگە دەيىن، تارباعاتاي ايماعىندا 10 – ايدىڭ 16 – كۇنى كۇندىزدەن 17 - كۇنى تۇنگە دەيىن، التاي ايماعىندا 10 – ايدىڭ 17 – كۇنى كۇندىزدەن 18 – كۇنى كۇندىزگە دەيىن، شىحىزى قالاسى، ءۇرىمجى قالاسى، سانجى وبلىسىنىڭ باتىس بولەگىندە 10 - ايدىڭ 17 - كۇنى كۇندىزدەن 18 - كۇنى تۇنگە دەيىن، سانجى وبلىسىنىڭ شىعىس بولەگىندە، قۇمىل قالاسىندا 10 - ايدىڭ 17 - كۇنى تۇننەن 19 - كۇنى تۇنگە دەيىن.

جاۋىن - شاشىنعا ىلەسە، 10 - ايدىڭ 16 - كۇنىنەن 19 - كۇنىنە دەيىن، سولتۇستىك شينجياڭنىڭ باسىم كوپ بولەگىندە جانە اقسۋ ايماعى، بايىنعولين وبلىسىنىڭ سولتۇستىگى، قۇمىل قالاسىنىڭ سولتۇستىگى سياقتى جەرلەردىڭ ءىشىنارا وڭىرلەرىندە ەڭ تومەنگى تەمپەراتۋرا 5 تە 8 سەلتسي گرادۋس تومەندەيدى، ۇقساماعان دارەجەدە قىراۋ ۇسىگى جۇرەدى. تارباعاتاي ايماعىنىڭ سولتۇستىك بولەگى، التاي ايماعى، سانجى وبلىسىنىڭ شىعىس بولەگى، قۇمىل قالاسىنىڭ سولتۇستىگىندەگى جازىق رايونداردىڭ ەڭ تومەنگى تەمپەراتۋراسى نولدەن تومەن 3 تە 0 سەلتسي گرادۋسقا تۇسەدى، سولتۇستىك شينجياڭنىڭ باسقا جازىق رايوندارىندا 0 دە 4 سەلتسي گرادۋسقا تۇسەدى، تاۋلى رايونداردىڭ ەڭ تومەنگى تەمپەراتۋراسى نولدەن تومەن 13 تە نولدەن تومەن 5 سەلتسي گرادۋسقا دەيىن تۇسەدى، اقسۋ ايماعىنىڭ سولتۇستىك بولەگى، شىعىس بولەگى، باينعولىن وبلىسىنىڭ سولتۇستىك بولەگى قاتارلى ورىندارداعى ءبىر ءبولىم جازىق رايونداردىڭ ەڭ تومەن تەمپەراتۋراسى 2 دە 4 سەلتسي گرادۋسقا تۇسەدى.

10 - ايدىڭ 17 - كۇنى كۇندىزدەن 18 – كۇنى تۇنگە دەيىن، ءۇرىمجى قالاسىنىڭ قالا رايونىندا ورتاشادان باستاپ قالىڭ جاڭبىر جاۋادى، جاڭبىر سوڭى قار ارالاس جاڭبىرعا اينالادى، تاۋلى وڭىردە ورتاشادان باستاپ قالىڭ جاڭبىر جاۋادى، سوڭى قارعا اينالادى، ءىشىنارا جەرلەردە قالىڭ قار جاۋادى، باتىس سولتۇستىكتەن 4 تە 5 بال جەل سوعادى، قالا رايونىندا كۇندىز ەڭ جوعارى تەمپەراتۋرا 6 دا 10 سەلتسي گرادۋس، 10 - ايدىڭ 19 - كۇنى تاڭەرتەڭ ەڭ تومەن تەمپەراتۋرا 2 سەلتسي گرادۋسقا تۇسەدى.

بۇدان سىرت، قار، جاڭبىر، قىراۋ ۇسىگى جانە قۇمدى بوران كۇزدىك ءبيدايدىڭ كوكتەۋىنە، كۇزگى جيىن - تەرىننىڭ كەپتىرىلۋىنە، مال شارۋاشىلىعىنا، ەلەكتر قۋاتى جانە حابارلاسۋ قۇرىلعىلارىنا ءتيىمسىز ىقپال جاسايدى، الدىن – الۋدى كۇشەيتۋ كەرەك.

شينجياڭ اۋا رايى ستانسياسى وسى رەتكى اۋا تەمپەراتۋراسى ۇزدىكسىز تومەندەگەندە جىلۋمەن قامداۋ تاراۋلارىنىڭ جىلۋمەن قامداۋ پارامەترلەرىن دەر كەزىندە رەتتەۋىن، بۇقارانىڭ دەر كەزىندە قالىڭ كيىنىپ، جۇقپالى تۇماۋ سياقتى اۋرۋلاردىڭ تۋىلۋىنان ساقتانۋدى ۇسىنىس ەتتى.

كەلۋ قاينارى: حالىق تورابى