رەسەي اۋا رايى ماماندارى: جەر شارى كۇشتى جەر ماگنيت داۋىلىنا ۇشىرايدى

جۇڭگو حابار اگەنتتىگىنىڭ 10 – ايدىڭ 10 – كۇنى ماسكەۋدەن بەرگەن حابارى. رەسەيدىڭ اۋا رايى ماماندارى 10 – ايدىڭ 10 - كۇنى بىلاي دەدى: جەر شارى كۇشتى ماگنيت داۋىلىنا تاپ بولادى، بۇل بيىلعى ۋاقىتى ەڭ ۇزاق، كۇشەمەلىلىگى ەڭ زور جەر ماگنيت داۋىلى قۇبىلىسى بولۋى مۇمكىن.

رەسەي حابار اگەنتتىگى 10 – ايدىڭ 10 – كۇنى ”مارس سەرىگى ءبىر“ اۋا رايى ورتالىعىنىڭ باس مامانى ميحايل لەۆستىڭ سوزىنەن سيتات كەلتىرىپ بىلاي دەدى: جەر شارى توتەنشە كۇشتى جەر ماگنيت داۋىلىنا تاپ بولادى. ەڭ جوعارى شەككە جەتكەندە G4 دارەجەگە، ءتىپتى ونان دا جوعارى شەككە جەتەدى ءبىرشاما ۇزاق بولادى. جەر شارىنىڭ ماگنيت قاباتىنىڭ ۇيتقۋى 10 – ايدىڭ 10 – كۇنى ءتۇستىڭ الدى - ارتىندا باستالاتىندىعى مەجەلەنىپ وتىر، ونىڭ كۇشەمەلىلىك تولقۋ كولەمى G2 دەن G4 دارەجەسىنە دەيىن، ياعني ”ورتاشا دەڭگەيدەن“ ”كۇشتىگە“ دەيىن بولادى، سونداي – اق 10 – ايدىڭ 11 - كۇنى كەشكە دەيىن جالعاسادى.

لەۆس بىلاي دەدى: جەر ماگنيت داۋىلى 10 – ايدىڭ 12 – كۇنى ۇزدىك - سوزدىق جارىققا شىعادى، ءبىراق كۇشەمەلىلىگى السىرەيدى، بۇل ورتا، ءالسىز دارەجەگە جاتادى، دارەجەسى G1 دەن 2G گە دەيىن بولادى. مەجەمەن 10 – ايدىڭ 13 – كۇنىنە بارعاندا، جەر ماگنيتىنىڭ ۇيتقۋى ۇزدىكسىز السىرەيدى ءارى توقتايدى.

تاسس اگەنتتىگىنىڭ 10 – ايدىڭ 10 – كۇنى بەرگەن حابارىنا قاراعاندا، رەسەي عىلىم اكادەمياسىنىڭ كۇن استرونومياسى تاجىريبەحاناسىندا كۇن شۋداسى شىعىپ، كۇشتى جەر ماگنيت داۋىلىن تۋدىرعاندىعىن مالىمدەگەن. بۇل جولعى جەر ماگنيت داۋىلى دارەجەسى كۇشتى جەر ماگنيت داۋىلى ورەسىنە جەتىپ، ءۇش كۇنگە جالعاسادى ەكەن. تاسس اگەنتتىگى سونىمەن بىرگە رەسەي زۇڭتۇڭىنىڭ اقپارات حاتشىسى پەسكوۆتىڭ سوزىنەن سيتات كەلتىرىپ بىلاي دەدى: رەسەيدىڭ استاناسىندا سەزىلەتىن جەر ماگنيت داۋىلى كرەمل سارايىنا ىقپال جاسامايدى.

جەر ماگنيت داۋىلى كۇن بەتىنىڭ قوزعالىسىنان تۋىلاتىن جەر شارى ماگنيت ءورىسىنىڭ بۇكىل جەر شارىندىق سۇراپىل ۇيتقۋ قۇبىلىسى. بيىل تالاي رەت ماگنيت داۋىلى قۇبىلىسى ەستەلىككە الىنعان.

كەلۋ قاينارى: حالىق تورابقى