سىرتقى ىستەر مينيسترلىگى: 2 توپتا جيىنى 215 جۇڭگو ازاماتى ليۆاننان حاۋىپسىز شەگىندىرىلدى

10 – ايدىڭ 8 – كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەر جينالىسىن باسقاردى. ءبىر ءتىلشى بىلاي دەپ سۇرادى: حابارعا قاراعاندا، جۇڭگو ەكى توپقا ءبولىپ ليۆانداعى جۇڭگو ازاماتتارىن شەگىندىرىپ شىققان. سوندا قازىر جۇڭگو ازاماتتارىن ليۆاننان شەگىندىرۋ قىزمەتى نەگىزىنەن ورىندالىپ بولدى ما؟ مالىمدەمەشى ناقتى جاعدايدى تانىستىرا كەتسەڭىز بولا ما؟

بۇل جونىندە ماۋ نيڭ بىلاي دەدى: ليۆان ـ يزرايل جاعدايى شيەلەنىسكەننەن بەرى قاراي، ءبىز باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىردىك، تياناقتاندىردىق. سىرتقى ىستەر مينيسترلىگى قاتىناس ـ تاسىمال مينيسترلىگىمەن، حالىقتىق اۆياتسيا مەكەمەسىمەن جانە ليۆان، كيپر قاتارلى جەرلەردەگى ەلشىحانالارمەن تىعىز سەلبەسىپ، كۇندىز – ءتۇنى جۇمىس جاساپ، جۇڭگو ازاماتتارىنىڭ حاۋىپسىزدىگىن بار كۇشپەن قورعاپ، كوشىرۋ، شەگىندىرۋ قيمىلىن جەدەل ورىستەتتى. ءار جاقتىڭ ورتاق قۇلشىنۋىندا، ءبىز 215 جۇڭگو ازاماتىن ەكى توپتا ءبولىپ شەگىندىرۋ جۇمىسىن ورنالاستىردىق، مۇندا جەكە ـ جەكە كەمە ارقىلى، ارناۋلى توتە ۇشاق شىعارۋ ارقىلى ليۆاننان حاۋىپسىز شەگىندىردىك، مۇنىڭ ىشىندە 3 شياڭگاڭ تۇرعىنى جانە ءبىر تايۋاندىق باۋىرلاس بار.

ماۋ نيڭ بىلاي دەپ اتاپ كورسەتتى: قازىر ليۆان مەن يزرايلدىڭ جاعدايى ءالى دە كۇردەلى، اۋىر، جۇڭگونىڭ ليۆاندا تۇراتىن ەلشىحاناسى ءالى دە تاباندىلىقپەن قىزمەت ورىستەتىپ، سول جەردە قالعان از ساندى جۇڭگو ازاماتتارىنا حاۋىپسىزدىك شارالارىن قولدانىپ، ءوز حاۋىپسىزدىگىن قورعاۋىنا ۇزدىكسىز جەتەكشىلىك ەتەدى جانە كومەكتەسەدى.

كەلۋ قاينارى: حالىق تورابى