شينجياڭ ۇيعۇر اۆتونوميالى رايوندىق ساياسي كەڭەس پارتگرۋپپاسىنىڭ بۇرىنعى مۇشەسى، بۇرىنعى ورىنباسار ءتوراعاسى دوۋ ۋانگۇي تارتىپكە، زاڭعا اۋىر قايشىلىق جاساعاندىقتان پارتيادان ايدالىپ، ۇكىمەت قىزمەتىنەن قالدىرىلدى

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى تورابىنىڭ حابارى. ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى شينجياڭ ۇيعۇر اۆتونوميالى رايوندىق ساياسي كەڭەس پارتگرۋپپاسىنىڭ بۇرىنعى مۇشەسى، بۇرىنعى ورىنباسار ءتوراعاسى دوۋ ۋانگۇيدىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنانى انىقتادى: دوۋ ۋانگۇي مۇرات ـ سەنىمنەن ايرىلىپ، اۋەلگى ماقساتتان، بورىشتان بەزىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن دايەكتىلەندىرۋدە بۇلتاققا سالىپ، وزگەرىس جاساپ، دەموكراتيالىق ورتالىقتاندىرۋ ءتۇزىمى پرينسيبىنە قايشىلىق جاساپ، ”جەتى ٴتۇرلى نىسايمەن“اينالىسىپ، جىلپوستىق ىستەپ، ساياسي الدامشىلىقپەن اينالىسىپ، پارتيانى جاپپاي قاتاڭ جونگە سالۋدىڭ سۋبيەكتتىك جاۋاپكەرشىلىگىن اتقارۋدا پارمەندى بولماعان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، ۇكىمەت قىزمەتىن ءادىل اتقارۋعا ىقپال جەتكىزۋى مۇمكىن بولعان قوناعاسىلاردى قابىلداعان؛ ۇيىمدىق پرينسيپكە قايشىلىق جاساپ، ءمانساپ ىزدەپ شاپقىلاپ، ءمانساپتى ساۋداعا سالعان، ۇيىمدىق جاقتان حات ارقىلى سۇراستىرعاندا ماسەلەسىن شىنايى تۇسىندىرمەگەن، پاكتىكتىڭ سوڭعى شەگىن ساقتاماعان، بەلگىلەمەگە قايشىلىق جاساپ تارتۋ - تارالعى العان، قىزمەت ۇقىعىنان پايدالانىپ تۋىس - تۋعان، دوس - جاراندارىنىڭ تيجارات قيمىلدارىنا پايدا جەتكىزگەن؛ قىزمەت قولايلىلىعىنان پايدالانىپ، باسقالارعا كەن بايلىعىن اشۋ، قۇرىلىس نىساندارىن كوتەرىپ الۋ، كادرلاردى تاڭداپ ءوسىرۋ، مىندەتكە قويۋ سياقتى جاقتاردان پايدا جەتكىزگەن ءارى زاڭسىز تۇردە قىرۋار مال – مۇلىك العان.

دوۋ ۋانگۇي پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى دوۋ ۋانگۇيگە پارتيادان ايداۋ جازاسىن بەرۋدى ۇيعاردى؛ مەملەكەتتىك باقىلاۋ - تەكسەرۋ كوميتەتى وعان ۇكىمەت قىزمەتىنەن قالدىرۋ جازاسىن بەردى؛ شينجياڭ ۇيعۇر اۆتونوميالى رايوندىق 10 - كەزەكتى پارتيا قۇرىلتايىنىڭ ۋاكىلدىك تولىمدىلىعىن توقتاتتى؛ تارتىپكە، زاڭعا قايشى تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرەدى، وعان ساياتىن مال - مۇلىكتى بىرگە وتكىزىپ بەرەدى.

كەلۋ قاينارى: حالىق تورابى