وسى اپتادا سولتۇستىك شينجياڭنىڭ سولتۇستىگى مەن وڭتۇستىك شينجياڭنىڭ باتىس بولەگىندە جاۋىن – شاشىن بولادى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، ءالسىز سۋىق اعىستىڭ ىقپالىنان، وسى اپتادا (10 - ايدىڭ 7 - كۇنىنەن 13 - كۇنىنە دەيىن) شينجياڭدا ءبىر رەت جاۋىن - شاشىن بولادى، سولتۇستىك شينجياڭنىڭ باتىس بولىگى مەن سولتۇستىك بولەگى، وڭتۇستىك شينجياڭنىڭ باتىس بولىگىندەگى تاۋلى وڭىرلەر قاتارلى جەرلەردە جاۋىن - شاشىن بولادى، تاۋلى وڭىرلەردىڭ ءىشىنارا جەرلەرىندە قار جاۋادى، اۋا تەمپەراتۋراسى ءبىرشاما تومەن بولادى. شينجياڭ اۋا رايى ستانسياسى مىنانى ەسكەرتتى: تاياۋ مەزگىلدەگى كۇندىز بەن ءتۇننىڭ تەمپەراتۋرا پارقى ءبىرشاما زور، ەرتەلى ـ كەش تەمپەراتۋرا ءبىرشاما تومەن، بۇقارانىڭ دەر كەزىندە كيىمدى قالىڭ كيىنىپ، جۇقپالى تۇماۋ، تىنىس جولى جانە جۇرەك ـ مي قان تامىر سياقتى اۋرۋلاردىڭ الدىن الۋدى كۇشەيتۋىن ۇسىنىس ەتەمىز.

الدىن الا مالىمەتتە كورسەتىلۋىنشە، 10 - ايدىڭ 7 - كۇنى كۇندىزدەن 10 - ايدىڭ 9 - كۇنىنە دەيىن، سولتۇستىك شينجياڭنىڭ باتىس سولتۇستىك بولەگى، تيانشاننىڭ سولتۇستىك بەتكەيى، تارباعاتاي ايماعىنىڭ وڭتۇستىگىنەن سانجى حۇيزۋ اۆتونوميالى وبلىسىنا دەيىنگى تاۋلى وڭىرلەر، وڭتۇستىك شينجياڭنىڭ باتىس بولىگىندەگى تاۋلى وڭىرلەر، بايىنعولىن موڭعۇل اۆتونوميالى وبلىسىنىڭ سولتۇستىك تاۋلى ءوڭىرى، كۇنلۇن تاۋىنىڭ سولتۇستىك بەتكەيى، قۇمىل قالاسىنىڭ سولتۇستىگى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر نەمەسە قار جاۋادى (تەڭىز دەڭگەيىنەن ورتاشا، بيىك تاۋلى وڭىرلەردە قار جاۋادى)، ىلە اڭعارى، تارباعاتاي ايماعىنىڭ تاۋلى وڭىرلەرى، التاي ايماعىنىڭ سولتۇستىگىندەگى تاۋلى وڭىرلەر، وڭتۇستىك شينجياڭنىڭ باتىس بولىگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىرعا دەيىن جاۋادى نەمەسە قار جاۋادى، وڭتۇستىك شينجياڭنىڭ باتىس بولىگىندەگى تاۋلى وڭىرلەردىڭ ءىشىنارا جەرلەرىندە قالىڭ قار جاۋادى. جوعارىدا ايتىلعان وڭىرلەر مەن شىعىس شينجياڭدا باتىس سولتۇستىكتەن 5 بال اينالاسىندا جەل سوعادى، جەل وتتەرىندە 9 دا 10 بالعا جەتەدى، مەزەتتىك وتكىنشى جەل كۇشى 11 بالعا جەتەدى.

10 - ايدىڭ 9 - كۇنى تۇننەن 10 - كۇنى كۇندىزگە دەيىن وڭتۇستىك شينجياڭنىڭ باتىس بولىگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (تەڭىز دەڭگەيىنەن ورتاشا بيىك تاۋلى وڭىرلەردە قار جاۋادى)، تاۋلى وڭىرلەردىڭ ءىشىنارا جەرلەرىندە قالىڭ جاڭبىر نەمەسە قار جاۋادى. بۇكىل شينجياڭنىڭ باسقا رايوندارىندا اشىق نەمەسە كوپ بۇلتتى اۋا رايى نەگىز ەتىلەدى، جەل كۇشى زور بولمايدى.

كەلۋ قاينارى: حالىق تورابى