شينجياڭ ءوندىرىس - قۇرىلىس بيڭتۋانى قۇرىلعاندىعىنىڭ 70 جىلدىعىن قۇتتىقتاۋ جينالىسى سالتاناتپەن وتكىزىلدى

شينحۋا اگەنتتىگى، 10 - ايدىڭ 7 – كۇنى، ءۇرىمجى. شينجياڭ ءوندىرىس - قۇرىلىس بيڭتۋانى قۇرىلعاندىعىنىڭ 70 جىلدىعىن قۇتتىقتاۋ جينالىسى 10 - ايدىڭ 7 - كۇنى تۇستەن بۇرىن شينجياڭ حالىقارالىق ءماجىلىس - كورمە ورتالىعىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى قۇتتىقتاۋ حاتىن جولدادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى، ورتالىق ۋاكىلدەر ۇيىرمەسىنىڭ باستىعى حى ليفىڭ جينالىسقا قاتىناستى ءارى ءسوز سويلەدى.

1954 - جىلى 10 – ايدا پارتيا ورتالىق كوميتەتى جۇڭگو حالىق ازاتتىق ارمياسىنىڭ شينجياڭدا تۇراتىن اسكەري بولىمدەرىنىڭ كوپ بولەگىنىڭ سول جەردىڭ وزىندە كوللەكتيۆ كاسىپ اۋىستىرىپ، شينجياڭدا ءوندىرىس - قۇرىلىس بيڭتۋانىن قۇرىپ، ەرەكشە بورىش وتەۋىن ۇيعاردى. 70 جىلدان بەرى بيڭتۋان ”وتاندى قىزۋ ءسۇيۋ، قالتقىسىز ۇلەس قوسۋ، قاجىرلىلىقپەن يگىلىك جاراتۋ، ءورىس اشا العا ىلگەرىلەۋ“ سىندى بيڭتۋان رۋحىن تولىق ساۋلەلەندىرىپ، شينجياڭنىڭ دامۋىن ىلگەرىلەتۋگە، ۇلتتار ىنتىماعىن نىعايتۋعا، قوعام ورنىقتىلىعىن قورعاۋعا، مەملەكەتتىڭ شەكارا قورعانىسىن بەكەمدەۋگە وشپەس تاريحي ۇلەس قوستى.

ساعات 11 دە جينالىس باستالدى. بۇكىل زالداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. ورتالىق اسكەري ىستەر كوميتەتىنىڭ مۇشەسى، ورتالىق اسكەري ىستەر كوميتەتى ساياسي قىزمەت ءبولىمىنىڭ مەڭگەرۋشىسى، ورتالىق ۋاكىلدەر ۇيىرمەسى باستىعىنىڭ ورىنباسارى مياۋ حۋا جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ شينجياڭ ءوندىرىس - قۇرىلىس بيڭتۋانى قۇرىلعاندىعىنىڭ 70 جىلدىعىنا جولداعان قۇتتىقتاۋ حاتىن وقىدى (تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

باس شۋجي شي جينپيڭنىڭ تاپسىرۋىمەن حى ليفىڭ پارتيا ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى اتىنان شينجياڭ ءوندىرىس - قۇرىلىس بيڭتۋانى قۇرىلعاندىعىنىڭ 70 جىلدىعىن قىزۋ قۇتتىقتادى، بيڭتۋانداعى ءار ۇلت كادرلارىنان، جۇمىسشى - قىزمەتكەرلەردەن، بۇقارادان شىنايى حال سۇرادى، ۇزاق ۋاقىتتان بەرى بيڭتۋاننىڭ دامۋىنا كوڭىل ءبولىپ جانە قولداۋ كورسەتىپ كەلگەن ءار سالا قايراتكەرلەرىنە شىن جۇرەكتەن العىس ايتتى.

حى ليفىڭ بىلاي دەپ اتاپ كورسەتتى: 70 جىلدان بەرى بيڭتۋان پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم تۇزىمدەگى تىڭ يگەرىپ، شەكارانى قورعاۋدىڭ جاڭا جولىن اشىپ، جۇڭگونىڭ مەملەكەت جاعدايىنا جانە شينجياڭنىڭ ءىس جۇزىندىگىنە ۇيلەسەتىن بيڭتۋاننىڭ قۇرىلىس، دامۋ ىستەرىنىڭ جاڭا ۇلگىسىن تاپتى. پارتيا 18 - قۇرىلتايىنان بەرى بيڭتۋان شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ناقتى ىستەپ، العا ىلگەرىلەپ، ۇزدىكسىز كۇرەس جۇرگىزىپ، ءتۇرلى ىستەردە جان - جاقتى ىلگەرىلەۋشىلىككە، تاريحي جەتىستىككە قول جەتكىزدى. نەشە ۇرپاق بيڭتۋاندىقتار وراسان زور قۇرباندىقتار بەردى جانە ۇلەس قوستى، سونداي - اق كوپتەگەن باعالى تاجىريبە توپتادى.

حى ليفىڭ بىلاي دەپ اتاپ كورسەتتى: جاڭا ءداۋىردىڭ جاڭا جورىعىندا بيڭتۋان شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ جانە بيڭتۋان قىزمەتى جونىندەگى ماڭىزدى نۇسقاۋىنىڭ رۋحىن جانە مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى ورنىقتىلىقتى قورعاۋدىڭ، شەكارانى قورعاۋدىڭ جاڭا ابزالدىعى ارقىلى شينجياڭنىڭ قوعام ورنىقتىلىعى مەن مەملەكەت حاۋىپسىزدىگىنە قىزمەت ەتىپ، كاسىپ سالاسى عىلىم - تەحنيكاسىنىڭ جاڭا قوزعاۋشى كۇشىن جەتىلدىرۋ ارقىلى جوعارى ساپالى دامۋدى ىلگەرىلەتىپ، رەفورما جاساپ، ەسىك اشۋدىڭ جاڭا ومىرشەڭدىك كۇشىن قاۋلاتۋ ارقىلى ازيا - ەۆروپا التىن ارناسىن جانە باتىسقا ەسىك اشۋدىڭ قامالىن سالىپ، جۇرت تىلەگىن ۇيىستىرۋدىڭ جاڭا جاعدايىن اشۋ ارقىلى جۇڭحۋا ۇلتى ورتاق تۇلعا قۇرىلىسىن ىلگەرىلەتىپ، بيڭتۋان قوسىنىنىڭ جاڭا وبرازىن سومداۋ ارقىلى قىزمەت جاۋاپكەرشىلىگىن، بورىشىن اناعۇرلىم ويداعىداي وتەۋدى قامتاماسىز ەتىپ، اناعۇرلىم قۋاتتى، اناعۇرلىم گۇلدەنگەن بيڭتۋاندى قۇرىپ شىعىپ، كورىكتى شينجياڭ قۇرۋ، شينجياڭ قىزمەتىنىڭ باس نىساناسىن جۇزەگە اسىرۋ بارىسىندا اناعۇرلىم زور رول اتقارۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى ما شيڭرۇي ءسوز سويلەپ بىلاي دەپ اتاپ كورسەتتى: جاڭا داۋىردە بيڭتۋان قول جەتكىزگەن تاريحي تابىستار، تۇپتەپ كەلگەندە، باس شۋجي شي جينپيڭنىڭ ستراتەگيالىق جوباسى مەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى. جاڭا تاريحي باستامادا بيڭتۋان پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال جاپپاي دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، پارتيا ورتالىق كوميتەتىنىڭ بيڭتۋاننىڭ ورنىن تۇراقتاندىرۋ تالابىن كوزدەپ، قىزمەت جاۋاپكەرشىلىگىن، بورىشىن ادالدىقپەن اتقارىپ، جۇڭگو ۇلگىسىندەگى وسىزامانداندىرۋدىڭ بيڭتۋان امالياتىن قۇلشىنا ىلگەرىلەتۋى كەرەك.

شينجياڭ ءوندىرىس - قۇرىلىس بيڭتۋانى پارتكومىنىڭ شۋجيى، جىڭۋەيى حى جۇڭيوۋ ماجىلىستە ءسوز سويلەدى.

ماجىلىستەن ىلگەرى حى ليفىڭ قاتارلىلار اۆتونوميالى رايوننىڭ پارتيا، ۇكىمەت، ارميا ورىندارىنداعى جاۋاپتى جولداستارمەن، بيڭتۋاننىڭ قازىرگى، بۇرىنعى جاۋاپتى جولداستارىمەن، ساقا جاۋىنگەرلەرىمەن جانە ەڭبەك ۇلگىلەرىنىڭ ۋاكىلدەرىمەن، بيڭتۋانعا باعىتتامالى كومەكتەسەتىن ولكە، قالالاردىڭ ۋاكىلدەرىمەن كەزدەستى ءارى توپتىق سۋرەتكە ءتۇستى.

كەلۋ قاينارى: حالىق تورابى