ب م ۇ حاۋىپسىزدىك القالار كەڭەسى پاكيستاننىڭ كاراچي لاڭكەستىك شابۋىل وقيعاسىن قاتاڭ جازعىردى

شينحۋا اگەنتتىگىنىڭ 10 ـ ايدىڭ 8 ـ كۇنى بىرلەسكەن مەملەكەتتەر ۇيىمىنان بەرگەن حابارى. بىرلەسكەن مەملەكەتتەر ۇيىمى حاۋىپسىزدىك القالار كەڭەسى 10 ـ ايدىڭ 8 ـ كۇنى ءتوراعانىڭ اقپار جاريالاۋ ءماجىلىسىن اشىپ، 10 ـ ايدىڭ 6 ـ كۇنى پاكيستاننىڭ كاراچي جينا حالىقارالىق اۋەجايىنىڭ ماڭىندا تۋىلعان لاڭكەستىك شابۋىل وقيعاسىن قاتاڭ جازعىردى.

حاۋىپسىزدىك كەڭەسىنىڭ مۇشەلەرى ءتوراعا سۇحباتتاسقاندا زيانكەستىككە ۇشىراۋشىلاردىڭ وتباسىنداعىلاردان، تۋىسقاندارىنان، سونداي - اق جۇڭگو جانە پاكيستان ۇكىمەتىنەن حال سۇرادى ءارى تەرەڭ جاناشىرلىق ءبىلدىردى، ءارقانداي فورماداعى تەررورشىلدىقتىڭ حالىقارالىق تىنىشتىق پەن حاۋىپسىزدىككە اۋىر حاۋىپ توندىرەتىندىگىن قايتالاي دارىپتەپ، تەررورلىق قىلمىسىن تۋدىرۋشىنى، ۇيىمداستىرۋشىلار مەن قارجىلاي كومەكتەسۋشىلەردى زاڭ قۇرىعىنا الۋدى قاتاڭ دارىپتەدى، سونداي - اق بارلىق ەلدى حالىقارالىق زاڭداعى بورىشتارى مەن حاۋىپسىزدىك القالار كەڭەسىنىڭ قارارىنا ساي، جۇڭگومەن جانە پاكيستان ۇكىمەتىمەن وسى جونىندە بەلسەنە سەلبەستىك جاساۋعا قۋزادى.

ءتوراعانىڭ اقپار جاريالاۋ ماجىلىسىندە بىلاي دەپ اتاپ كورسەتىلدى: ءارقانداي لاڭكەستىك ارەكەت، مەيلى ونىڭ ماقساتى قانداي بولسىن، قاي كەزدە، قاي جەردە تۋىلسىن، كىم ىستەگەن بولسا دا، ول قىلمىستىق ارەكەتكە جاتادى ءارى ونى كەشىرۋگە بولمايدى. ءارقانداي ەل «بىرلەسكەن مەملەكەتتەر ۇيىمىنىڭ ۋستاۆى» سياقتى حالىقارالىق زاڭداعى بورىشتارعا ساي، بارلىق شارالاردى قولدانا وتىرىپ، لاڭكەستىكتىڭ حالىقارالىق بەيبىتشىلىك پەن حاۋىپسىزدىككە توندىرگەن قاتەرىنە سوققى بەرۋى كەرەك.

10 – ايدىڭ 6 – كۇنى كەشتە، كاسيم پورتى كومىر ەلەكتر ستانسياسىنداعى جۇڭگو جاقتىڭ اۆتوكولىگى كاراچي جينا حالىقارالىق اۋەجايىنىڭ ماڭىندا لاڭكەستىك شابۋىلعا ۇشىراپ، جۇڭگو مەن پاكيستان جاقتان كوپتەگەن ادام جارالاندى، مۇنىڭ ىشىندە جۇڭگو جاقتان 2 ادام قازا بولىپ، ءبىر ادام جارالاندى. لاڭكەستىك ۇيىم ”بەلۋجيستان ازاتتىق قارۋلى كۇشىنىڭ“ بولىمشەسى ”ماجيد بريگاداسى“ وسى رەتكى شابۋىلدى جۇرگىزگەندىگىن جاريالادى.

كەلۋ قاينارى: حالىق تورابى