بۇرىنعى شۇعىل جاعدايعا توتەپ بەرۋدى باسقارۋ مينيسترلىگى ءورت ءسوندىرۋ، ورتتەن ساقتانۋ قۇتقارۋ ـ كومەكتەسۋ مەكەمەسى پارتكومىنىڭ مۇشەسى، ورىنباسار مەكەمە باستىعى جاڭ فۋشىڭنىڭ پارا الۋ دەلوسىنا ءبىرىنشى سوتتا ۇكىم شىعارىلدى

شينحۋا اگەنتتىگىنىڭ 10 ـ ايدىڭ 9 ـ كۇنى فۋجوۋدان بەرگەن حابارى. 10 – ايدىڭ 9 – كۇنى، فۋجيان ولكەسى فۋجوۋ قالالىق ورتا دارەجەلى حالىق سوت مەكەمەسى بۇرىنعى شۇعىل جاعدايعا توتەپ بەرۋدى باسقارۋ مينيسترلىگى ءورت ءسوندىرۋ، ورتتەن ساقتانۋ قۇتقارۋ ـ كومەكتەسۋ مەكەمەسى پارتكومىنىڭ مۇشەسى، ورىنباسار مەكەمە باستىعى جاڭ فۋشىڭنىڭ پارا الۋ دەلوسىنا ءبىرىنشى سوتتا اشىق ۇكىم شىعارىپ، ايىپكەر جاڭ فۋشىڭدى پارا الۋ قىلمىسى بويىنشا 13 جىلدىق مەرزىمدى قاماۋ جازاسىنا ۇكىم ەتتى. وعان قوسا 3 ميلليون يۋان اقشالاي ايىپ سالدى، پەشەتتەلگەن، ۇستاپ قالىنعان جاڭ فۋشىڭنىڭ قىلمىسىنان تاپقان مال - مۇلكى مەن ونىڭ ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىرىلادى.

قاراۋ ارقىلى مىنانى انىقتادى: 1997 - جىلدان 2022 - جىلعا دەيىن ايىپكەر جاڭ فۋشىڭ قوعام حاۋىپسىزدىگى مينيسترلىگى ساياسي ءبولىمى كادرلار جاتتىعۋ مەكەمەسى ورگان كادرلارى باسقارماسىنىڭ مەڭگەرۋشى قىزمەتكەرى، ورىنباسار باسقارما باستىعى، قوعام حاۋىپسىزدىگى مينيسترلىگى ساياسي ءبولىمى تەكسەرۋ - زەرتتەۋ كەڭسەسىنىڭ ورىنباسار مەڭگەرۋشىسى، قوعام حاۋىپسىزدىگى مينيسترلىگى ءورت ءوشىرۋ، ورتتەن ساقتانۋ مەكەمەسى ساقشى ىستەرى باسقارماسىنىڭ باستىعى، ورىنباسار مەكەمە دارەجەلى تەكسەرىپ - زەرتتەۋشى، ورىنباسار مەكەمە باستىعى،  شۇعىل جاعدايعا توتەپ بەرۋدى باسقارۋ مينيسترلىگى ءورت ءسوندىرۋ، ورتتەن ساقتانۋ قۇتقارۋ ـ كومەكتەسۋ مەكەمەسى پارتكومىنىڭ مۇشەسى، ورىنباسار مەكەمە باستىعى، قوسىمشا شۇعىل جاعدايعا توتەپ بەرۋدى باسقارۋ مينيسترلىگى تاربيەلەۋ ـ جاتتىقتىرۋ مەڭگەرمەسىنىڭ باستىعى سياقتى قىزمەت قولايلىلىعىنان، سونداي ـ اق قىزمەت ۇقىعى، ورنى قالىپتاستىرعان قولايلى شارت ـ جاعدايدان پايدالانىپ، باسقا مەملەكەت قىزمەتكەرلەرىنىڭ قىزمەت مىندەتى جاعىنداعى ارەكەتى ارقىلى باسقالاردىڭ نىسان قابىلداۋ، مىندەتىن ءوسىرۋ، قىزمەت اۋىستىرۋ سياقتى ىستەرىنە كومەكتەسىپ، تىكەلەي نەمەسە ەرەكشە بايلانىسى بار ادامدار ارقىلى قاتىستى ورىندار مەن جەكەلەردىڭ بەرگەن مال - مۇلكىن زاڭسىز قابىلداعان، جالپى حالىق اقشاسىنا سىندىرعاندا جيىنى 38 ميلليون 930 مىڭ يۋاننان اسقان.

فۋجوۋ قالالىق ورتا دارەجەلى حالىق سوت مەكەمەسى بىلاي دەپ قارادى: ايىپكەر جاڭ فۋشىڭنىڭ ارەكەتى پارا الۋ قىلمىسىن قالىپتاستىرادى، پاراعا العان سوماسى توتەنشە كوپ، ونى زاڭ بويىنشا جازالاۋ كەرەك. جاڭ فۋشىڭ پارا الۋ ارقىلى باسقالاردىڭ قىزمەت مىندەتىن ءوسىرىپ، رەتتەپ وتىرعان، سوندىقتان اۋىر جازاعا تارتىلۋى كەرەك. جاڭ فۋشىڭ سوتقا كەلگەننەن كەيىن ءوزىنىڭ قىلمىسىن قاز - قالپىندا مويىنداپ، باقىلاۋ - تەكسەرۋ ورگانى ءالى يگەرمەگەن كوپ ساندى پارا الۋ فاكتىلەرىن ىرىقتىلىقپەن تاپسىرىپ، قىلمىسىن تانىپ، وكىنەتىندىگىن ءبىلدىرىپ، ارام ولجانى بەلسەنە قايتاردى، قىلمىسپەن تاپقان تابىسى مەن ونىڭ ءوسىمىن تۇگەلدەي قۋزاپ قايتارىپ الدى، بۇل زاڭدا بەلگىلەنگەن، جاعدايعا قاراي جەڭىل جازا بەرىلەتىن جاعدايعا سايكەسەدى، سوندىقتان زاڭ بويىنشا جەڭىل جازالاۋعا بولادى. سوت اتالعان دەلوعا ساياتىن قىلىمىس سوماسىن، ءمان – جايىن جان - جاقتى ويلاستىرىپ، جوعارىداعى ۇكىمدى شىعارادى.

كەلۋ قاينارى: حالىق تورابى