ساۋدا مينيسترلىگىنىڭ مالىمدەمەشىسى جۇڭگو مەن ەۆروپا وداعىنىڭ ساۋدالىق كومەكتەسۋ شارالارى جونىندەگى دۇنيە جۇزىلىك ساۋدا ۇيىمى اياسىنداعى تالاس – تارتىسى تۋرالى ءتىلشىنىڭ سۇراۋىنا جاۋاپ قايتاردى 

ساۋدا مينيسترلىگىنىڭ مالىمدەمەشىسى 9 – ايدىڭ 10 – كۇنى جۇڭگو مەن ەۆروپا وداعىنىڭ ساۋدالىق كومەكتەسۋ شارالارى جونىندەگى دۇنيە جۇزىلىك ساۋدا ۇيىمى اياسىنداعى تالاس – تارتىسى تۋرالى جاۋاپ قايتاردى.

سۇراۋ: حابارعا قاراعاندا، ەۆروپا وداعى جۇڭگونىڭ برەندي شارابىن تىقپالاي ساتۋعا قارسى قولدانعان شارالارى تۋرالى دۇنيە جۇزىلىك ساۋدا ۇيىمىنا ” اشىق شاعىمدانعان“. ءبىزدىڭ نازارىمىزدى اۋدارعانى، جۇڭگو ەۆروپا وداعىنىڭ ەلەكترلى اۆتوموبيلگە قاتىستى قوسىمشا قاراجات بەرۋگە قارسى اتقارعان شارالارىنا باعىتتاي وتىرىپ، دۇنيە جۇزىلىك ساۋدا ۇيىمىنا شاعىمدانعان. ءسىز بۇعان قانداي پىكىر بىلدىرەسىز؟

جاۋاپ: جۇڭگو جاقتىڭ ەۆروپا وداعىندا وندىرىلگەن، جۇڭگوعا يمپورت ەتىلگەن برەندي شارابىن تىقپالاي ساتۋعا قارسى شارا قولدانۋى ەل ىشىندەگى ءوندىرىس سالاسىنىڭ وتىنىشىنە ساي زاڭ بويىنشا تەكسەرۋ جۇرگىزۋگە جانە ۇيلەسىمدى ساۋدالىق قۇتقارۋ شاراسىن اتقارۋعا جاتادى، دۇنيە جۇزىلىك ساۋدا ۇيىمىنىڭ ەرەجەسىنە بۇكىلدەي ۇيلەسەدى.

وسىنىڭ الدىندا، ەۆروپا وداعى جۇڭگونىڭ ەلەكترلى اۆتوموبيلدەرىنە ساياتىن قوسىمشا قاراجاتقا قارسى تەكسەرۋ جۇرگىزگەن ءارى بۇل ءوندىرىس سالاسىنىڭ وتىنىشىنە ساي جۇرگىزىلمەگەن، ءىس جۇزىندە، ەۆروپا وداعىنا مۇشە قاتىستى مەملەكەتتەر مەن ولاردىڭ ءوندىرىس سالاسى دا بۇعان نەداۋىر زور قارسى پىكىر بىلدىرگەن. ەۆروپا وداعىنىڭ قاتىستى شارالارىنىڭ ءىس جۇزىندىك جانە زاڭدىق نەگىزى وتە جەتكىلىكسىز، دۇنيە جۇزىلىك ساۋدا ۇيىمىنىڭ ەرەجەلەرىنە قايشى كەلەتىنى ايقىن، ساۋدالىق كومەكتەسۋ دەگەن اتتان پايدالانىپ، ءىس جۇزىندە، ساۋدالىق قورعانىمپازدىق جۇرگىزۋگە جاتادى. ەلىمىزدىڭ ەلەكترلى اۆتوموبيل سالاسىنىڭ ورىندى دامۋ ۇقىعىن باتىل قورعاۋ ءۇشىن، جۇڭگو جاق دۇنيە جۇزىلىك ساۋدا ۇيىمى اياسىندا قاتاڭ سويلەسكەن ءارى قاتىستى قوسىمشا قاراجات بەرۋگە قارسى شارالار تۋرالى دۇنيە جۇزىلىك ساۋدا ۇيىمىنىڭ تالاس – تارتىستى شەشىم ەتۋ مەحانيزمىنە ارىز بەرگەن.

جۇڭگو جاق ساۋدالىق كومەكتەسۋ شارالارىن الباتى قولدانۋعا ەجەلدەن قارسى، ەۆروپا وداعى جاقتى قاتە ءتاسىلىن دەرەۋ تۇزەتۋگە، جۇڭگو مەن ەۆروپا اراسىنداعى ساۋدا – ەكونوميكانىڭ جالپى جاعدايىن ورتاق قورعاۋعا قۋزايدى.

كەلۋ قاينارى: حالىق تورابى