جۇمىستى توقتاتسا دا، ەڭبەكاقىنى توقتاتپاۋ مەرزىمى دياگنوز قويىلعان ۋاقىتتان باستاپ ەسەپتەلە مە، الدە، جارالانعان ۋاقىتتان باستاپ ەسەپتەلە مە؟ 

جۇمىستى توقتاتسا دا، ەڭبەكاقىنى توقتاتپاۋ مەرزىمى قالاي تۇراقتاندىرىلادى؟ دياگنوز قويىلعان ىسپات بويىنشا ەسەپتەلە مە، جوق جارالانعان ۋاقىت بويىنشا ەسەپتەلە مە؟

«جۇمىس بارىسىندا جارالانۋدان قامسىزداندىرۋ ەرەجەسىنىڭ» 33 – تارماعىندا بىلاي دەپ بەلگىلەنگەن: جۇمىسشى – قىزمەتكەرلەر جۇمىس بارىسىندا شىرعالاڭعا ۇشىراپ جارالانعاندىقتان نەمەسە كاسىپتىك اۋرۋعا شالدىققاندىقتان جۇمىستى ۋاقىتشا توقتاتىپ، جۇمىس ۇستىندە جارالانۋ سەبەپتى ەمدەلگەندە، جۇمىستى توقتاتسا دا، ەڭبەكاقىسى توقتاتىلمايتىن مەزگىلدە، بۇرىنعى ەڭبەكاقىسى مەن يگىلىك – مامىلەلەرى وزگەرمەستەن، قىزمەت ورنى اي سايىن تولەپ وتىرادى. جۇمىستى توقتاتسا دا، ەڭبەكاقىسىن توقتاتپاۋ مەرزىمى ادەتتە 12 ايدان اسىپ كەتپەۋى كەرەك. جاراقاتى اۋىر بولعاندىقتان نەمەسە جاعدايى ەرەكشە بولعاندىقتان جۇمىستى توقتاتسا دا، ەڭبەكاقىسىن توقتاتپاۋ مەرزىمى ۇزارتىلعان جاعداي تۋرالى 33 – تارماقتىڭ 2 – تارماقشاسىندا ايقىن بەلگىلەمە شىعارىلعان: اۋماق بويىنشا بولىنگەن قالا دارەجەلى ەڭبەك قۋاتىنا باعا بەرۋ كوميتەتىنىڭ تۇراقتاندىرۋى بويىنشا ۇيلەسىمدى مولشەردە ۇزارتۋعا بولادى، الايدا، ۇزارتىلعان ۋاقىت 12 ايدان اسىپ كەتپەۋى كەرەك.

جۇمىستى توقتاتسا دا، ەڭبەكاقىسىن توقتاتپاۋ ۋاقىتى ادەتتە جۇمىسشى – قىزمەتكەر شىرعالاڭعا ۇشىراپ جارالانعان ۋاقىتتان باستاپ ەسەپتەلەدى.

كەلۋ قاينارى: حالىق تورابى