جۇڭگو تەڭىز ساقشىلارى مەكەمەسىنىڭ مالىمدەمەشىسى فيليپپيننىڭ كەمەسىنىڭ حۋاڭيان ارالىنىڭ ماڭىنداعى تەڭىز الابىنا ءوز بەتىمەن باسا كوكتەي كىرگەنى جونىندە ءسوز جاريالادى

جۇڭگو تەڭىز ساقشىلارى مەكەمەسىنىڭ مالىمدەمەشىسى ليۋ دىجۇننىڭ ايتۋىنشا، فيليپپيننىڭ 3001 – ءنومىرلى، 3002 – ءنومىرلى كەمەلەرى جۇڭگو جاقتىڭ رۇقساتىن الماي تۇرىپ، جۇڭگونىڭ حۋاڭيان ارالىنىڭ ماڭىنداعى تەڭىز الابىنا قاسارىسا باسا كوكتەي كىرگەن. جۇڭگونىڭ تەڭىز ساقشىلارى كەمەسى باستان – اياق ولاردى وكشەلەي باقىلاپ، زاڭ بويىنشا باسقارۋ – تەجەۋ شارالارىن اتقارىپ، ءىس تۋىلعان جەردە كاسىپتىك، جۇيەلى، ۇيلەسىمدى، زاڭدى شارالاردى قولدانعان. جۇڭگونىڭ حۋاڭيان ارالى مەن ونىڭ ماڭىنداعى تەڭىز الابىنا يەلىك ۇقىعىنا يە ەكەنىنە تالاس جۇرمەيدى، قاتىستى تەڭىز الابىندا يەلىك ۇقىق پەن باسقارۋ ۇقىعىنا يە. ءبىز فيليپپين جاقتى سۇعاناقتىق جاساۋ ارەكەتىن دەرەۋ توقتاتۋعا قۋزايمىز. جۇڭگو تەڭىز ساقشىلارى جۇڭگونىڭ باسقارۋىنداعى تەڭىز الابىندا زاڭ بويىنشا ۇقىق قورعاۋ جانە زاڭ اتقارۋ ارەكەتىن ۇزدىكسىز ورىستەتىپ، مەملەكەتتىڭ تەرريتوريالىق يەلىك ۇقىعى مەن تەڭىز – مۇحيتتاعى ۇقىق – مۇددەسىن باتىل قورعايدى.

كەلۋ قاينارى: حالىق تورابى