مەملەكەت مەرەكەسىنىڭ دەمالىسى مەزگىلىندە جۇڭگو مەن قازاقستان اراسىندا شەكارا اتتاپ ساياحاتتايتىنداردىڭ، ساياحاتتاي ءجۇرىپ زات ساتىپ الاتىنداردىڭ سانى ارتتى 

مەملەكەت مەرەكەسىنىڭ دەمالىسى مەزگىلىندە، جۇڭگو مەن قازاقستاننىڭ شەكاراسىنداعى جۇڭگو – قازاقستان قورعاس حالىقارالىق شەكارالىق سەلبەستىك ورتالىعى ساياحات پەن زات ساتىپ الۋدىڭ قاۋىرت كەزەڭىنە قادام تاستادى.

جۇڭگو – قازاقستان قورعاس حالىقارالىق شەكارالىق سەلبەستىك ورتالىعىنداعى بىرلەسىپ تەكسەرۋ زالىندا بىرنەشە كۇننەن بەرى ءار كۇنى تاڭەرتەڭ جۇمىس بىتىرە كەلۋشىلەردىڭ سانى جوعارى شەككە جەتتى، ارناۋلى قىزمەتكەر ورنالاستىرىلعان 12 تەكسەرۋ ءدالىزى مەن قولايلى جولمەن تەكسەرۋگە بولاتىن 10 ءدالىزدىڭ بارلىعى اشىلىپ، جۇرگىنشىلەردىڭ كەدەننەن تەز ارادا وتۋىنە ءتۇرلى شارالار ارقىلى كەپىلدىك ەتىلدى. ساناققا قاراعاندا، مەملەكەت مەرەكەسىندەگى دەمالىس كۇندەرى جۇڭگو – قازاقستان قورعاس حالىقارالىق شەكارالىق سەلبەستىك ورالىعىندا ءار كۇنى باقشا رايونىنا كىرەتىن ادامداردىڭ سانى 30 مىڭ ادامنان (رەت) اسىپ، دەمالىستىڭ الدىنداعىمەن سالىستىرعاندا %35 ارتقان.

جۇڭگو مەن قازاقستان ەكى ەلدى تۇتاستىراتىن دالىزدە، جول بەتىندەگى قىزىل ءتۇس پەن كوك ءتۇس جەكە – جەكە جۇڭگو مەن قازاقستانعا ۋاكىلدىك ەتەتىن ءوڭىر سانالادى، جۇرتتىڭ بارلىعى سول جەردە سۋرەتكە ءتۇسىپ، ەستەلىك قالدىرادى. جۇڭگو – قازاقستان قورعاس حالىقارالىق شەكارالىق سەلبەستىك ورتالىعىنداعى باجىسىز اۋماقتاردا ازىق – تۇلىك، بەزەنۋ بۇيىمدارى قاتارلىلاردىڭ ءتۇر – ءتۇرى بار، كوپتەگەن ساياحاتشىلاردى ساتىپ الۋعا باۋرايدى.

جۇڭگو – قازاقستان قورعاس حالىقارالىق شەكارالىق ساۋدا ورتالىعى ەلىمىز باسقا مەملەكەتتەرمەن بىرگە قۇرعان تۇڭعىش رەتكى شەكارالىق ساۋدا – ساتتىق سەلبەستىك ورتالىعى، قازىرگە دەيىن مۇندا باجىسىز كاسىپورىندارىنان 200 نەشە كاسىپورىن، 1000 نەشە ساۋدا دۇكەنى ورنالاسقان، ەل ءىشى – سىرتىنداعى ون مىڭعا جۋىق تاۋار شوعىرلاندىرىلعان. جۇڭگو – قازاقستان ەكى ەل مەن ءۇشىنشى ەلدىڭ ازاماتتارى بۇل اراعا ۆيزاسىز كەلە الادى، پاسپورت نەمەسە شەكارادان كىرىپ – شىعۋ رۇقسات كۋالىگى ارقىلى ەمىن – ەركىن كىرىپ – شىعۋعا، كەڭەسۋگە، ساۋدالاسۋعا بولادى.

كەلۋ قاينارى: حالىق تورابى