بۇگىننەن باستاپ شينجياڭ مايتاۋ ـ كۇشار تاس جولى رەسمي جابىلدى

ءتىلشىنىڭ شينجياڭ ۇيعۇر اۆتونوميالى رايوندىق قاتىناس ـ تاسىمال مەڭگەرمەسىنەن ۇعىسۋىنشا، تاياۋ مەزگىلدەگى اۋا رايى مالىمەتىنە نەگىزدەلگەندە، مايتاۋ ـ كۇشار تاسجولى تاۋلى رايونىنىڭ باسىم كوپ بولەگىنىڭ تەمپەراتۋراسى 0 سەلتسي گرادۋستان تومەندەپ، قاتىناۋ بارىسىندا ءبىرشاما زور حاۋىپسىزدىك كومەسكى قاتەرى ساقتالعان. اۋا رايى، جول جاعدايى سياقتى فاكتورلاردى جيناقتاپ، 2024 ـ جىلى 10 ـ ايدىڭ 10 ـ كۇنى ساعات 20 دان باستاپ G217 جەلىسىندەگى مايتاۋ ـ كۇشار تاسجولىن قىستا جاۋىپ، اۆتوكولىكتەردىڭ قاتىناۋىنا تيىم سالۋدى ۇيعاردى.

2024 ـ جىلى 6 ـ ايدىڭ 1 ـ كۇنى مايتاۋ ـ كۇشار تاسجولى اشىلىپ، اۆتوكولىك قاتىناعاننان بەرى، اۆتوكولىك مولشەرى 3 ميلليون 720 مىڭ رەتتەن اسىپ، ادام سانى 7 ميلليون 50 مىڭ ادام ـ رەتتەن استى.

تيانشان تاۋلى رايونىندا قىستا قار جاۋۋ، مۇز قاتۋ سياقتى فاكتورلاردىڭ ىقپالىنان، مايتاۋ ـ كۇشار تاسجولىنىڭ جابىق مەزگىلى ءبىرشاما ۇزاق بولادى، ادەتتە اۆتوكولىك قاتىناۋ ۋاقىتى ءار جىلى 6 – ايدان 10 – ايعا دەيىن بولادى. مايتاۋ - كۇشار تاس جولى جابىق كەزدە، كۇتىمدەۋ جۇمىسشىلارى تاسجول گەولوگيالىق اپات تۇيىندەرىن باعىتتامالى قورعايدى ءارى شۇعىل جاعدايعا توتەپ بەرۋ، قۇتقارۋ قىزمەتىن ويداعىداي ىستەيدى.

كەلۋ قاينارى: حالىق تورابى