شينجياڭ قاتىناس شىرعالاڭى الەۋمەتتىك قۇتقارۋ قورىنىڭ ەڭ جوعارى ۋاقىتشا تولەي تۇرۋ شەگىن ايقىندادى

جول قاتىناس شىرعالاڭى الەۋمەتتىك قۇتقارۋ قورىن باسقارۋدى اناعۇرلىم كۇشەيتۋ ءۇشىن، جول قاتىناس شىرعالاڭىندا زيانكەستىككە ۇشىراۋشىنى زاڭ بويىنشا قۇتقارۋ ءۇشىن، 10 - ايدىڭ 9 - كۇنى شينجياڭ ۇيعۇر اۆتونوميالى رايوندىق قازىنا مەڭگەرمەسىنىڭ تورابى «‹شينجياڭ ۇيعۇر اۆتونوميالى رايونىنىڭ جول قاتىناس شىرعالاڭى الەۋمەتتىك قۇتقارۋ ـ كومەكتەسۋ قورىن باسقارۋ ناقتى ەرەجەسىن› باسىپ تاراتۋ جونىندەگى حابارلاندىرۋ» (شينجياڭ قازىنا ەرەجەسى 〔 2022〕 12 - ءنومىر) جونىندەگى تولىقتاما حابارلاندىرۋ مەن قاتىستى ساياساتتىق تۇسىندىرمەلەردى جاريالادى.

قوسىمشا ۇقتىرۋدا بىلاي دەپ ايقىن بەلگىلەنگەن: جەكە ادامنىڭ قۇتقارۋ قاراجاتىنىڭ ەڭ جوعارى ۋاقىتشا تولەي تۇرۋ شەگى 500 مىڭ يۋان بولادى، اسىپ كەتكەن بولەگىن تولەي تۇرمايدى. جەكە ادامنىڭ جەرلەۋ قاراجاتى ءۇشىن بەرىلەتىن ەڭ جوعارى ۋاقىتشا تولەي تۇرۋ شەگى شينجياڭ ۇيعۇر اۆتونوميالى رايونىنىڭ وتكەن ءبىر جىلداعى جۇمىسشى - قىزمەتكەرلەردىڭ ايلىق ورتاشا ەڭبەكاقىسىنىڭ 6 ەسەسىندەي بولادى. بۇدان سىرت، اۆتونوميالى رايوندىق قۇتقارۋ قورى بىرىككەن ءماجىلىس كەڭسەسى اۆتونوميالى رايوندىق قۇتقارۋ ـ كومەكتەسۋ قورى ماماندار گرۋپپاسىن قۇردى، ماماندار گرۋپپاسى قۇتقارۋ قورىنىڭ ۋاقىتشا تولەي تۇرۋ سوماسى 300 مىڭ يۋاننان اساتىن قاتىناس شىرعالاڭىندا جارالانعانداردى قۇتقارۋ، ەمدەۋ جوباسى مەن قاراجاتىنىڭ ۇيلەسىمدىلىگىن تەكسەرەدى.

2022 ـ جىلى 7 ـ ايدا شينجياڭ ۇيعۇر اۆتونوميالى رايونىنىڭ 5 تاراۋى بىرلەسىپ «شينجياڭ ۇيعۇر اۆتونوميالى رايونىنىڭ جول قاتىناس شىرعالاڭى الەۋمەتتىك قۇتقارۋ ـ كومەكتەسۋ قورىن باسقارۋ ناقتى ەرەجەسىن» باسىپ تاراتتى ءارى 2023 ـ جىلى 5 ـ ايدا جول قاتىناس شىرعالاڭى قوعامدىق قۇتقارۋ قورىن قۇردى. قۇتقارۋ قورى ىسكە قوسىلعاننان بەرى، ۋاقىتشا تولەي تۇرعان جاعدايلاردىڭ ىشىندە ءبىر ءبولىم جارالانۋشىنىڭ قۇتقارۋ ۋاقىتى ءبىرشاما ۇزاق، قۇتقارۋ قاراجاتى سوماسى ءبىرشاما كوپ بولۋ جاعدايى ءومىر ءسۇرىپ، قۇتقارۋ قورىنىڭ اقاۋسىز، باياندى اينالىمىنا ءتيىمسىز بولىپ، قۇتقارۋ قورىنىڭ حاۋىپ - قاتەردى سۇيەمەلدەۋ، شۇعىل قۇتقارۋ رولىن شىنايى ايگىلەي المادى. وسى ماسەلەلەرگە قاراتا، شينجياڭ ۇيعۇر اۆتونوميالى رايوندىق قازىنا مەڭگەرمەسى قاتىستى ورىندارمەن بايلانىس جاساپ، اقىلداسىپ، قوعام حاۋىپسىزدىگى، دەنساۋلىق ساقتاۋ، سالاماتتىق كوميتەتى سياقتى تاراۋلارمەن بىرلەسىپ وسى رەتكى تولىقتاما حابارلاندىرۋدى باسىپ تاراتىپ، قۇتقارۋ ـ كومەكتەسۋ قورىنىڭ يگىلىككە كەنەلۋ اياسىن كەڭەيتىپ، قۇتقارۋ ـ كومەكتەسۋ قورىنىڭ پايدالانىلۋ ونىمدىلىگىن جوعارىلاتتى.

كەلۋ قاينارى: حالىق تورابى