سىرتقى ىستەر مينيسترلىگى: ”تايۋاندى دەربەستەندىرۋشى“ كۇشتەردىڭ ارانداتۋشىلىعى،ءسوز جوق، قارسىلىققا ۇشىرايدى

10 – ايدىڭ 14 – كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەر جينالىسىن باسقاردى. ءبىر ءتىلشى ا ق ش مەملەكەتتىك كەڭەسىنىڭ مالىمدەمەشىسى ”بىرلەسكەن وتكىر قانجار – 2024“ مانەۆرىنە قاتىستى سوزدەرگە قاراتا سۇراۋ قويدى.

ماۋ نيڭ بىلاي دەدى: ”تايۋاندى دەربەستەندىرۋ“ مەن تايۋان بۇعازىنىڭ بەيبىتشىلىگى ءبىر - بىرىنە وتاسا المايدى، ”تايۋاندى دەربەستەندىرۋشى“ كۇشتەردىڭ ارانداتۋشىلىعى، ءسوز جوق، قارسىلىققا ۇشىرايدى. جۇڭگو ءوڭىردىڭ بەيبىتشىلىگى مەن ورنىقتىلىعىن قورعاۋعا باستان ـ اياق كۇش سالىپ كەلەدى، مۇنى وسى وڭىردەگى ەلدەردىڭ ءبارى بىلەدى. تايۋان ‐ جۇڭگونىڭ ءبىر بولىگى، تايۋان ماسەلەسى ‐ جۇڭگونىڭ ىشكى ءىسى، ءارقانداي سىرتتان كەلەتىن كيلىگۋگە جول بەرىلمەيدى. ەگەر ا ق ش تايۋان بۇعازىنىڭ بەيبىتشىلىگى مەن ورنىقتىلىعىنا جانە ءوڭىردىڭ گۇلدەنىپ - كوركەيۋىنە شىنايى كوڭىل بولەتىن بولسا، ءسوز جوق، ٴبىر جۇڭگو پرينسيبى مەن جۇڭگو - ا ق ش ءۇش بىرلەسكەن مازمۇنداماسىنا بويسۇنىپ، ا ق ش باسشىلارىنىڭ ”تايۋاندى دەربەستەندىرۋدى“ قولداماۋ ۋادەسىن شىنايى تياناقتاندىرىپ، تايۋاندى قارۋلاندىرۋدى توقتاتۋى، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە ءارقانداي قاتە سيگنال بەرۋدى توقتاتۋى كەرەك.

كەلۋ قاينارى: حالىق تورابى