«شينجياڭ ۇيعۇر اۆتونوميالى رايونىنىڭ ساپانى جەبەۋ ەرەجەسى» 11 – ايدىڭ 1 - كۇنىنەن باستاپ اتقارىلادى

بىرنەشە كۇننىڭ الدىندا، شينجياڭ ۇيعۇر اۆتونوميالى رايوندىق بازاردى باقىلاۋ - باسقارۋ مەكەمەسىنىڭ بەلسەنە جەبەۋىندە، «شينجياڭ ۇيعۇر اۆتونوميالى رايونىنىڭ ساپانى جەبەۋ ەرەجەسى» (تومەندە قىسقارتىلىپ «ەرەجە» دەلىنەدى) شينجياڭ ۇيعۇر اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 14 - ماجىلىسىندە داۋىسقا سالىپ ماقۇلداندى، بۇل بۇكىل ەل كولەمىندەگى 4 - رەتكى ولكە دارەجەلى ساپانى جەبەۋ جەرگىلىكتى زاڭ - ەرەجەسىنىڭ جاريالانعانىن كورسەتەدى. «ەرەجە» بيىل 11 - ايدىڭ 1 - كۇنىنەن باستاپ اتقارىلادى.

«ەرەجە» جالپى ەرەجە، نەگىزدىك تىرەك، جاڭالىق اشۋ ارقىلى دەم بەرۋ، ايگىلى ماركا ارقىلى جەتەكشىلىك ەتۋ، قامتاماسىزداندىرۋ شارالارى، باقىلاۋ ـ باسقارۋ جانە قوسىمشا ەرەجە سياقتى 7 تاراۋ، 34 تارماقتان قۇرالعان. مازمۇنى جوعارى ساپالى دامۋدى مىقتاپ ارقاۋ ەتىپ، ساپا جاعىنداعى قۋاتتى رايون قۇرىلىسىن جەدەل ىلگەرىلەتۋ جونىندەگى قاتىستى شەشىمدەردى، ورنالاستىرۋلاردى دايەكتىلەندىرىپ، تياناقتاندىرىپ، ماسەلەنى نىشان ەتۋدەن جازباي، ساپانى بىرگە جەبەۋ مەحانيزمىن ورناتۋ، ساپا نەگىزىن كۇشەيتۋ سىندى تىرەكتىك رولىن ساۋلەلەندىرىپ، جاڭالىق اشۋ ارقىلى دەم بەرۋدىڭ شەشۋشى رولىن ساۋلەلەندىرىپ، ايگىلى ماركامەن جەتەكشىلىك ەتۋدىڭ جەتەكشىلىك رولىن كورنەكتىلەندىرىپ، ساپانى جەبەۋ، قامتاماسىزداندىرۋ شارالارى مەن باقىلاۋ - باسقارۋ سياقتى جاقتاردا ناقتى بەلگىلەمەلەر جاسالدى.

بۇكىل ەل كولەمىندەگى 4 - رەتكى ولكە دارەجەلى ساپانى جەبەۋ جەرگىلىكتى زاڭ - ەرەجەسى رەتىندە، «ەرەجەدە» ساپانى كورنەكتىلەندىرىپ، ءتۇيىندى قىزمەتتەردى جەبەۋ، ساپانى جەبەۋ جونىندەگى بەلگىلەمەلەردى كەمەلدەندىرۋ نەگىزىندە، ءونىم، ينجەنەريا، قىزمەت وتەۋ ساپاسىنىڭ تۇرلىشە ەرەكشەلىكتەرىنە ءتۇيىندى تۇردە باعىتتاي وتىرىپ، جەكە جەبەۋ شارالارىن اشالاعان، ءتورت ۇلكەن ەرەكشەلىككە يە.

كەلۋ قاينارى: حالىق تورابى