يۇي حۋايىڭنىڭ بالالاردى الداپ ساتۋ دەلوسىنا ءبىرىنشى سوت اشىلدى

شينحۋا اگەنتتىگىنىڭ 10 – ايدىڭ 11 – كۇنى گۇيياڭنان بەرگەن حابارى. 10 – ايدىڭ 11 – كۇنى، گۇيجوۋ ولكەسى گۇيياڭ قالالىق ورتا دارەجەلى حالىق سوتى مەكەمەسى زاڭ بويىنشا ايىرىم كەڭەس سوتىن قۇرىپ، گۇيجوۋ ولكەلىك جوعارى دارەجەلى حالىق سوتى مەكەمەسىنىڭ قايتا قاراۋعا قايتارعان ايىپكەر يۇي حۋايىڭنىڭ بالالاردى الداپ ساتۋ قىلمىسىنا، قوسىمشا ازاماتتىق ىستەر ارىز ـ شاعىمىنىڭ تالاپكەرى جاڭ x x، ياڭ x x قاتارلى 9 ادامنىڭ ايىپتاۋ كوتەرگەن قوسىمشا ازاماتتىق ىستەر ارىز - شاعىم دەلوسىنا ءبىرىنشى سوتتا اشىق سوت اشتى.

گۇيياڭ قالالىق حالىق پروكۋراتۋراسى ايىپكەر يۇي حۋايىڭ زاڭسىز پايدا تابۋ ءۇشىن، 1993 - جىلدان 2003 - جىلعا دەيىن گۇڭ x x (قايتىس بولعان)، ۋاڭ x x (بولەك دەلو ارقىلى ءبىر جاقتى ەتىلگەن) پەن بىرگە گۇيجوۋ، يۇننان، چۇڭچيڭ قاتارلى ورىنداردا كەزىپ ءجۇرىپ، وڭاتى كەلگەن بالالاردى الداپ ساتقان، يۇي حۋايىڭ جيىنى 17 بالانى الداپ ساتقان. الەۋمەتتىك ايىپتاۋ ورگانى بالالاردى الداپ ساتۋ قىلمىسى بويىنشا يۇي حۋايىڭنىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.

سوتتا الەۋمەتتىك ايىپتاۋ ورگانى قاتىستى دالەل - ىسپاتتاردى كورسەتتى، ايىپكەر يۇي حۋايىڭ مەن ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، يۇي حۋايىڭ ەڭ سوڭعى ءسوزىن سويلەدى. اتالعان دەلو ۇكىمىن ارتىنان جاريالايتىندىعىن ايتتى.

2023 – جىلى 7 – ايدا، گۇيياڭ ورتا دارەجەلى حالىق سوتى مەكەمەسى ايىپكەر يۇي حۋايىڭنىڭ بالالاردى الداپ ساتۋ دەلوسىنا سوت اشقان، سول جىلى 9 – ايدا، گۇيياڭ ورتا دارەجەلى حالىق سوتى مەكەمەسى اشىق ۇكىم شىعارىپ، ايىپكەر يۇي حۋايىڭدى بالالاردى الداپ ساتۋ قىلمىسى بويىنشا ءولىم جازاسىنا ۇكىم ەتىپ، ساياسي ۇقىعىنان ماڭگىلىك ماحۇرىم ەتتى ءارى ونىڭ بارلىق مال – مۇلكىن ءمۇسادىرالادى.

سوت مەكەمەسى تەكسەرۋ ارقىلى مىنانى انىقتادى: ايىپكەر يۇي حۋايىڭ 1993 - جىلدان 1996 - جىلعا دەيىنگى ارالىقتا گۇڭ x x پەن (قايتىس بولعان) بىرگە زاڭسىز پايداعا كەنەلۋ ءۇشىن گۇيجوۋ ولكەسى، چۇڭچيڭ قالاسى قاتارلى جەرلەردە كەزىپ ءجۇرىپ، وڭاتى كەلگەن بالالاردى الداپ ساتقان، ماقساتىنا جەتكەن سوڭ ەكەۋى الداپ قولعا تۇسىرگەن بالالاردى حىبەي ولكەسىنىڭ حاندان قالاسىنا الىپ بارادى، ۋاڭ x x پەن (باسقا دەلو ارقىلى ءبىر جاقتى ەتىلگەن) ياڭ x x تىڭ (باسقا دەلو ارقىلى ءبىر جاقتى ەتىلگەن) تانىستىرۋىمەن ساتىپ الۋشى تاۋىپ بالالاردى ساتقان، وسى ارقىلى پايدا پايدا تاپقان، وسى ارالىقتا جيىنى 11 بالانى الاپ ساتقان. ايىپكەر يۇي حۋايىڭ سوت ۇستىندە جوعارىعا ارىزداناتىندىعىن بىلدىرگەن.

2023 – جىلى 10 - ايدا گۇيجوۋ ولكەلىك جوعارى دارەجەلى حالىق سوتى مەكەمەسى ارىزدانۋشى يۇي حۋايىڭنىڭ بالالاردى الداپ ساتۋ دەلوسىنا زاڭ بويىنشا اشىق سوت جۇرگىزدى. 2024 – جىلى 1 – ايدا، گۇيجوۋ ولكەلىك جوعارى دارەجەلى حالىق سوتى مەكەمەسى يۇي حۋايىڭنىڭ بالالاردى الداپ ساتۋ دەلوسى جونىندە ەكىنشى سوت كەسىمىن جاساپ، قايتا قاراۋعا قايتاردى، سوت مەكەمەسى بىلاي دەپ قارادى: بۇرىنعى ۇكىمدە بۇرىنعى تەرگەۋدەگى يۇي حۋايىڭنىڭ باسقا دا بالالاردى الداپ ساتۋ قىلمىس فاكتى ساقتالعان، ءىشىنارا فاكتىلەر انىق ەمەس، ارىز - شاعىم بەرۋشى يۇي حۋايىڭنىڭ بارلىق قىلمىس فاكتىلەرىن انىقتاۋ ءۇشىن قايتا قاراۋ كەرەك.

كەلۋ قاينارى: حالىق تورابى